Jerimaya 30:8 - Ika

⁸ Osolobuẹ ihiẹn ile rị okpuru ẹ sị, “O ru ogẹn ahụn, m jẹnkọ d'a kpagipụ ihiẹn wẹ gi kpọdọn wẹ, m k'a dọbepụ ẹgbụn rị wẹ olu; ndị alị ọzọ a kpakọzị wẹ igbọn.

Jerimaya 30:8 Iomraidhean Croise

Ẹbụ-ọma 107:14

ọ wepụha wẹ imẹ ishi lẹ ụya ahụn wẹ rị, tibepụchanrịn ẹgan wẹ.

Azaya 10:27

Ogẹn ahụn, m k'e ziẹn ụnụ ibu wẹ rị ọnụ isi-uvun, tọpụ ụnụ agbụn wẹ rị ụnụ olu; agbụn ahụn jẹnkọ d'e tibepụ, makẹni ụnụ e tutugụọ.

Azaya 14:1

Osolobuẹ jẹnkọ d'e mẹ omikẹn ebọn Jekọpụ; o k'a họrịzị ebọn Jekọpụ wụ Izrẹlụ, mẹ wẹ birizi alị wẹ. Ndị alị ọzọ k'e sọn wẹ biri ebẹhụ, wẹ lẹ ikpụnọ Jekọpụ e họnrin ohu.

Azaya 14:25

M jẹnkọ d'a nọ alị m tikpọ alị Asiria; elu ugu m rị ichẹn-ichẹn kẹ m k'a nọ zọ a ye alị. M k'a tọpụ ndị nke m ẹgbụn a, ziẹn wẹ ibu ẹ hụn rị wẹ uvun.”

Azaya 14:3

Ogẹn Osolobuẹ k'e gi ye ụnụ ezumikẹn, napụ ụnụ afụnfụn lẹ uhue lẹ ẹgbụn-igbọn rị ụnụ olu,

Azaya 9:4

Makẹni, k'i dọn mẹri ndị Midianị ogẹn mbụ, ẹrịra k'i k'e tibepụ ẹgbụn gini wẹ, gungwọnpụ ihiẹn wẹ gi fiẹdọn wẹ uvun, kpagipụ mkpịnsịn ndị rị a kịgbuni wẹ.

Jerimaya 2:20

O teọlẹ ị kpagipụ ihiẹn m gi limẹ i, tibepụ eriri ẹ; ị sị, ‘Efekọ m'ị!’ Eziẹ-eziẹ, y'a nọ elu òke ọwụlẹ jẹn elu lẹ okpuru osisi ọwụlẹ duni e we enwẹn ụnụ a kwanị mmọn lẹ iyi — kẹ ịgbaraja dọn e mẹ ịhịan.

Jerimaya 25:14

“Wẹ lẹ enwẹn wẹ wụ ndị Babilọnụ k'a wụzịkwọ igbọn alị bu ọda lẹ ndị-nze uku; m k'e mẹgwarị wẹ ihiẹn ile wẹ mẹ lẹ ihiẹn ile wẹ rụn.”

Jerimaya 27:2

Jerimaya sị, “Osolobuẹ sị m: Gi ụdọ lẹ akp'osisi mẹmẹrin yoku w'a kpọye igbọn olu, yiri ẹ olu kẹ igbọn.

Jerimaya 27:7

Alị ile jẹnkọ d'e humẹn'ẹ isi, humẹni nwa a isi, humẹzini nwa-nwa a isi d'e ru ogẹn m'e gi tikpọzịkwọ alị ya nwẹn wụ Babilọnụ. O ru ogẹn hụ, alị bu ọda lẹ ndị-nze bu ọda a kpazịkwọ ikẹn jẹnkọ d'e mẹri Babilọnụ, kịma a.

Jerimaya 28:10

Ya onyẹ-amụma wụ Hanania nọ gbụpụ onyẹ-amụma wụ Jerimaya agbụn ahụn Jerimaya yimẹ enwẹn ẹ olu, tibepụ a,

Jerimaya 28:13

“D'a gwa Hanania nị Osolobuẹ sị, ‘Y'e tibepụgụọ agbụn wẹ gi osisi mmaka mẹmẹ, kanị y'e gigụọ ihiẹnni i mẹ seri agbụn-igwe ye enwẹn i olu.

Jerimaya 28:4

M k'e welụazịkwọ eze alị Juda wụ Jehoyakini wụ Jekọnaya nwa Jehoyakim ebeni, ịya lẹ ndị ọzọ ile wẹ gha Jerusalẹm kpụnshi alị Babilọnụ. Makẹni m k'e tibepụ agbụn hụn eze alị Babilọnụ yimẹ alị ile olu.’ Ya kẹ Osolobuẹ ku.”

Izikẹlụ 30:18

Igwere efọnkọ imẹ Tapanhẹsị ogẹn m'e gi kpagipụ ẹgan Ijiptu kpọma ndị ọzọ, ikẹn ẹ ahụn o gi a họnrọn a gụ. Ihun elu k'e mẹ bii imẹ Ijiptu; wẹ k'a kpụnrụn ndị bi obodo ndị rịn'a shi alị ọzọ.

Izikẹlụ 34:27

Osisi k'a gha a mị mkpụrụ wẹ; alị k'a gha e mẹ ihiẹn-ugbo; ẹhụ k'e fu ịhịan imẹ alị wẹ. Wẹ k'a marịn nị mmẹ wụ Osolobuẹ, ogẹn m'e gi kpagipụ aba wẹ gi kpọdọn wẹ, zụọpụha wẹ ẹka ndị rị a kpa wẹ igbọn.

Nahum 1:13

M k'a dọbepụ nwan ẹgbụn hụ o kẹn ụnụ, tibepụ ẹgan hụ, ụnụ e nwọnrin enwẹn ụnụ.