Jerimaya 30:6 - Ika

⁶ D'a jụkwọ nị omẹni okẹnnyẹ a mụ nwa! Omẹni okẹnnyẹ ara mụ nwa, kị haịn nwan m gi a hụn ikẹnnyẹ ile ndụn rị kẹ wẹ gi ẹka kwọndọn ẹfọ lekẹ okpoho imẹ rị e mẹ? Kị haịn ihun onyẹ ọwụlẹ gi e nwun ṅanhịan kẹ ndị ẹdeke gụ ẹhụ?

Jerimaya 30:6 Iomraidhean Croise

Ẹbụ-ọma 48:6

Ẹhụ a mama wẹ nni, tụrụma wẹ, rịkẹ okpoho imẹ rị e mẹ.

Azaya 21:3

Ihiẹnni m hụn hụ a ta m ẹfọ, ọ tụrụ m kẹ ebe imẹ rị e mẹ okpoho; ihiẹn m nụ ọnụ Osolobuẹ rị a gụ m ndụn, ihiẹn ọ ghọsị m tụ m egun ọda-ọda.

Azaya 29:22

Ufiri ẹ kẹ Osolobuẹ, hụn gbapụha Ebraham, gi nwan rị a sị ikpụlọ Jekọpụ, “Ifẹnrẹn emẹkọzị ebọn Jekọpụ; ekpumẹkọ wẹ ihun yeni ifẹnrẹn.

Jerimaya 13:21

K'i k'e ku ogẹn Osolobuẹ k'e bu i che okpuru ndị ị rị a han ọwụ? Ọ tụrụkọ ị nọkẹ ebe imẹ rị e mẹ okpoho?

Jerimaya 22:23

Yụ hụn bi obi-eze ahụn ị kpọ Lẹbanọnụ, hụn ẹhụ rị e fu imẹ ụlọ osisi sida nọkẹ nnụnụ rị ẹkụ; i k'a sụn udẹn sụnjun ẹfọ mgbe ihiẹn lalanị e gi kunrun i; ụfụ a k'e kunrun i kẹ okpoho imẹ rị e mẹ!”

Jerimaya 4:31

M rị a nụ olu rị a kwan lekẹ okpoho imẹ rị e mẹ, lekẹ okpoho rị a mụ nwa ibuzọ! M rị a nụ kẹ Nwagbọọ wụ Zayọnụ rị e kwọn elu-elu, a tịnpụ ẹka, e yi, “Heuu, m'e d'a nwụnhụn; e we wẹ ndụn m ye ndị-izighẹ!”

Jerimaya 48:41

Ẹka ndị iṅẹnrẹn k'a dụ alị Kẹriọtụ rị Mụabụ; ebẹhụ zegbu enwẹn ẹ w'a gbaban k'a bandẹ ndị iṅẹnrẹn ẹka. Ogẹn hụ obi k'a nọ ndị-agha alị Mụabụ kẹ nke okpoho imẹ rị e mẹ.

Jerimaya 49:22

Lee ẹ, wẹ k'e fekwasị alị Bozra rị Ẹdọm kẹ ugọn dọn e feshi elu, a shịapụ nku e fetu d'e buru ihiẹn. Ogẹn ahụn, obi k'a nọ ndị odogun-agha Ẹdọm kẹ obi okpoho imẹ rị e mẹ.

Jerimaya 49:24

Ndụn a gụchanrịn ndị Damaskọsụ, a gbakin wẹ azụụn. Egun, uhue lẹ ụfụ k'e kwọndọn wẹ kẹ okpoho imẹ ri e mẹ.

Jerimaya 50:43

Eze Babilọnụ k'a nụ nị wẹ lala d'a maye ẹ, ndụn a gụ a. Uhue e huegbu ẹ lekẹ okpoho imẹ rị e mẹ.

Jerimaya 6:24

Ẹnyi a nụgụọ ukwere wẹ, ndụn a gụ ẹnyi. Uhue e d'e gbu ẹnyi, ẹnyi hụ a fịkọ kẹ okpoho imẹ rị e mẹ.

Daniẹlụ 5:6

Ezigbo egun nọ tụma a — o tirapụ ẹnya, obi a nahịn a, ọ sazịnị ẹka turu, mkpụkụ hụ a kụgbama.

Hosia 13:13

Imẹ w'e gi mụdọnzi wẹ e bidọngụọ, Kanị nwa nwọnlẹni uche rọ, ogẹn ẹ ru, ọ ma bịa ọnụ ẹkpa-nwa ẹgwa, nị wẹ mụpụha a.

Juwẹlụ 2:6

Alị ọwụlẹ wẹ ru, egun a tụgbu ndị rịn'a, ndụn a gụ wẹ.

Nahum 2:10

E tikpọ w'a! E gbukpọ w'a! A gba w'a okpokoro! Obi hụ a nahịn onyẹ ọwụlẹ; ụkụ hụ a ma onyẹ ọwụlẹ nni! Ndụn a gụgụọ onyẹ ọwụlẹ; eje-egun a nwụn ndị Ninivẹ!

Ndị Tẹsalonika Ibuzọ 5:3

Ogẹn ahụn wẹ k'e gi rị a sị, “Udọn a rịgụọ! Nsọngbu arịzị a!” ya kẹ ntikpọ k'e gi kunrun wẹ idẹnmizi, nọkẹ ebe imẹ nọ mẹmẹhụ okpoho! Awanahịnkọ wẹ!