Jerimaya 30:3 - Ika

³ Ogẹn lala hụn m k'e gi wepụha ndị nke m wụ ndị Izrẹlụ lẹ ndị Juda ẹka ndị gini wẹ, mẹzi n'ọ rịnị wẹ mma imẹ alịnị m ye ndị nẹdi wẹ kanị weri.’ Ya kẹ Osolobuẹ ku.”

Jerimaya 30:3 Iomraidhean Croise

Ẹzra 3:1

Ogẹn o gi ru ifọn nke ẹsa, ndị Izrẹlụ e birisọnmẹgụọ obodo wẹ. Ya kẹ wẹ ile nọ zu imẹ Jerusalẹm, onwọnni onyẹ pụn'a.

Ẹzra 3:12

Kanị ndị ẹgẹdi bu ọda imẹ ndị nchụn-ẹjan lẹ ndị Livaị lẹ ndị-isi ikpụlọ ichẹn-ichẹn hụn gi ẹnya hụn Ụlọ-nsọ mbụ hụ wẹ tikpọ hụ a kwan a kwanshi elu, kẹ wẹ hụn iyetọ wẹ rị nwan e gbeni Ụlọ-nsọ hụnnị, kanị ndị bu ọda hụ e yi oro ịghọghọ,

Ẹzra 3:8

Ahụa mẹ ẹ ẹbụọ wẹ ru Ụlọ Chuku imẹ Jerusalẹm, o ru ifọn nke ẹbụọ, Zerubabẹlụ nwa Shiẹtiẹlụ lẹ Jeshụa nwa Jozadakị nọ bidọn ọrụn ịtụndọnzi Ụlọ-nsọ, uwẹ lẹ mmunẹ wẹ họdụnị — kẹ ndị nchụn-ẹjan kẹ ndị Livaị kẹ ndị ọzọ ile gha ebe wẹ kpụnjẹn wẹ lụaha Jerusalẹm. E tumẹ wẹ ndị Livaị rị nwa ahụa ọgụn shi elu nị w'e lepụ ọrụn ụlọ Osolobuẹ wẹ rị a rụn ẹnya.

Ẹbụ-ọma 126:4

Osolobuẹ dodo, mẹ nwan n'ọ rịzịnị ẹnyi mma nọkẹ kẹ mirin dọn e junzi iyi tahịgụnị imẹ alị ọkpọ-nkụn Nẹgẹvụ:

Ẹbụ-ọma 53:6

Dodo, nzụọpụha ya gha Zayọnụ bịan'ị Izrẹlụ!! Ogẹn Chuku e gi dọnzini ndị nke ẹ ihiẹn, ndị Izrẹlụ, ebọn Jekọpụ k'a ghọghọ; ẹfọ k'a sụọgbu ndị Izrẹlụ ụsụọ!

Jerimaya 16:15

Wẹ k'a gha a sị, ‘Ma Osolobuẹ hụn gha alị rị ẹbamịn-ugu lẹ alị ile o te chụshi ndị Izrẹlụ wekinhẹn wẹ alị wẹ.’ Makẹni m jẹnkọ d'e wekinhẹn wẹ alịnị hụn m ye ndị nẹdi wẹ kanị.

Jerimaya 23:5

Mmẹ wụ Osolobuẹ sị, “Ogẹn lala hụn m k'e gi wepụhanị Defidi Agalaba rị ọchan, eze hụn k'e gi akọ-lẹ-uche kị, e mẹ ihiẹn rị mma lẹ ihiẹn furuni imẹ alịnị.

Jerimaya 27:11

“ ‘Kanị, alị ọwụlẹ hụn k'e bu olu che agbụn eze Babilọnụ, fe ẹ, a nị m wẹ nọdịsọnmẹ alị wẹ, a rụnsọnmẹ wẹ ugbo alị wẹ, bisọnmẹ ẹ. Mmẹ wụ Osolobuẹ e kugụọ a.’ ”

Jerimaya 27:22

ọ sị, ‘Wẹ k'a kwa wẹ ile shi alị Babilọnụ, a nọdị wẹ ebẹhụ d'e ru mgbe m buchezi wẹ ẹnya. O ru ogẹn ahụn, m k'e welụa wẹ, buzi wẹ che ọnọdị wẹ ebeni.’ Ya kẹ Osolobuẹ ku.”

Jerimaya 29:10

“Osolobuẹ sị, ‘Ahụa iri kwasị ọgụn-ẹtọ alị Babilọnụ e gi kpa ikẹn zugụ, a chọha m ụnụ d'e mẹzu nkwa ahụn m gi omikẹn kwe nị m jẹnkọ d'e wekinhẹn ụnụ alị ụnụ.

Jerimaya 29:14

M k'a nị ụnụ hụn m; m k'e wepụha ụnụ ẹka ndị gini ụnụ, wekinhẹn ụnụ. M jẹnkọ d'a gha alị ile lẹ ebe ile m chụye ụnụ wẹhẹzi ụnụ ebeni — e mẹ m n'ọ rịzịnị ụnụ mma, wekinhẹn ụnụ ebe m gha kpụnrụn ụnụ.’ Ya kẹ Osolobuẹ ku.

Jerimaya 3:18

O ru ogẹn ahụn, ikpụlọ Juda k'a bannị ikpụlọ Izrẹlụ. Wẹ ile k'a wị gha alị rị ẹbamịn-ugu lụaha alịnị m ye ndị nẹdi ụnụ kanị weri nị ya wụ ukuu wẹ.

Jerimaya 30:10

“Odibo m wụ Jekọpụ, atụkwọlẹ egun; ẹghẹẹ, Izrẹlụ anịlẹ ndụn gụ ị. M jẹnkọ d'a gha alị hụ teni zụọpụha ụnụ; m jẹnkọ d'a zụọpụha ụmụ ị ẹka alị hụ gini wẹ. Ẹghẹẹ, Jekọpụ jẹnkọ d'e bi udọn lẹ ndọnkwa; onwọnzini onyẹ k'e rọn ẹ egun.

Jerimaya 30:18

Osolobuẹ sị, “M jẹnkọ d'e dọnzini ebọn Jekọpụ ụlọ wẹ ndị tikpọnị; m k'e mẹ omikẹn rụnkin ebe ile wẹ te bi mbụ; wẹ k'a rụndọnzi obodo ẹ ye ọnọdị a daị, rụndọnzi obi-eze ye ebe ọ rị mbụ.

Jerimaya 30:4

Ihiẹnni kẹ Osolobuẹ ku banyeni Izrẹlụ lẹ Juda:

Jerimaya 31:16

Osolobuẹ sị, “Akwanzilẹ; anịzịlẹ ẹnya-mirin gba ị. I k'e ri ihiẹn ị rụn; mmụ ị k'a gha alị ndị-iṅẹnrẹn lụa. Ya kẹ Osolobuẹ ku.

Jerimaya 31:23

Osolobuẹ ihiẹn ile rị okpuru ẹ, hụn wụ Chuku Izrẹlụ sị, “Ogẹn m'e gi gha imẹ ẹgbụn igbọn wẹ rị welụa wẹ, ndị bi alị Juda lẹ obodo rịsọnmẹ imẹ ẹ k'e kumẹzi okuni, ‘Osolobuẹ ya gọzi yụ wụ alị ezi-omumẹ, yụ wụ ugu nsọ!’

Jerimaya 31:27

Osolobuẹ sị, “Ezioku, ogẹn lala hụn m k'e gi kụn mmụ ye imẹ Izrẹlụ Ẹbamịn-ugu lẹ imẹ Juda nọkẹ mkpụrụ wẹ kụnye imẹ ugbo — kẹ ịhịan kẹ anụ-ụlọ jẹnkọ d'a mụba.

Jerimaya 31:31

Osolobuẹ sị, “Ezioku, ogẹn lala hụn m k'e gi mẹmẹ nkwerigbama ọhụn, hụn k'e kwọngbama mmẹ lẹ ndị Izrẹlụ lẹ ndị Juda.

Jerimaya 31:38

Osolobuẹ sịzị, “Ogẹn lala hụn wẹ k'e gi tụndọnzini m obodoni wụ Jerusalẹm, ghakwọrị Okẹn Ụlọ-nche Hananẹlụ d'e ru Ọnụ-mgbọn rị ntugi mgbọn;

Jerimaya 32:37

‘M jẹnkọ d'a gha alị ile m gi olulu m rị a dụn kẹ ọkụn lẹ okẹn-ọnụma m chụshi wẹ wepụhazị wẹ, welụa wẹ ebeni, e mẹ m wẹ biri ẹ udọn lẹ ndọnkwa.

Jerimaya 32:44

Ịhịan k'e gizi egho ṅọnrin alị; wẹ k'e biyezi ẹka ẹkụkwọ wẹ gi re alị, ndị ọshẹri e biye ẹka. Wẹ k'e mẹ ẹ ẹgbẹrẹ alị Bẹnjamini lẹ ụmụ-alị ndị fihunmẹ Jerusalẹm; wẹ k'e mẹ ẹ imẹ obodo ile rị alị Juda lẹ obodo ndị rịsọnmẹ òke; wẹ k'e mẹ ẹ imẹ obodo ndị rị ukun ugu ndị rị ibe ọdịdan-ẹnyanwụn; wẹ k'e mẹ ẹ ẹbamịn ndịdan-mirin Juda wụ Nẹgẹvụ. O k'a rị ẹrịra makẹni m jẹnkọ d'e mẹ n'ọ rịzịnị wẹ mma. Mmẹ wụ Osolobuẹ ku ẹ.”

Jerimaya 33:26

ya wụ a jụ m ụmụ Jekọpụ lẹ odibo m wụ Defidi, ya wụ e mẹ m ụmụ Defidi kịbehi ebọn Jekọpụ wụ Izrẹlụ — ụmụ Ebraham, Aziki lẹ Jekọpụ. Ezioku, m jẹnkọ d'e wepụha wẹ ẹka ndị gini wẹ, e mẹni m wẹ omikẹn.’ ”

Jerimaya 51:60

Jerimaya detu ihiẹn ile jẹnkọ d'e mẹ Babilọnụ ye imẹ akpụ ẹkụkwọ ohu — ihiẹn ndịnị ile o de ebeni banyeni alị Babilọnụ.

Izikẹlụ 20:42

Ụnụ jẹnkọ d'a marịn nị mmẹ wụ Osolobuẹ, ogẹn m'e gi webanhan ụnụ imẹ alị Izrẹlụ, alị ahụn m kịshi ẹka elu kun enwẹn m nị m k'e ye ndị nẹdi ụnụ,

Izikẹlụ 34:13

M k'e wepụha wẹ alị ndị ọzọ wẹ rị, gha alị ndị ọzọ hụ kpọnlụa wẹ alị wẹ; a nọ m elu ugu ndị rị alị Izrẹlụ lẹ ọdanmgbugbu alị Izrẹlụ lẹ ebe ile ịhịan e bi imẹ ẹ dumẹ wẹ.

Izikẹlụ 36:24

“M sikọ nwan d'e weri ụnụ imẹ alị ndị ọzọ, e wegbama m ụnụ welụa alị ụnụ.

Izikẹlụ 47:14

Ụnụ k'e keni ebọn ile ya ahanmahan. M weshi ẹka elu kun enwẹn m nị m jẹnkọ d'e ye ndị nẹdi ụnụ ya; o jẹnkọ nwan d'a wụrụ ukuu ụnụ.

Juwẹlụ 3:1

“Osolobuẹ sị: Ogẹn ahụn, m mẹgụ n'ọ rịzị nị Juda lẹ Jerusalẹm mma,

Zẹfanaya 2:7

Ẹgbẹrẹ ohiminni ile k'a wụrụ nke ndị Juda k'a họdụnị, a nọ w'a a zụn atụnrụn, ọhịhị gba, a ranhịn wẹ ụlọ ndị Ash'kẹlọnụ te bi. O k'a rị ẹrịra, makẹni Osolobuẹ wụ Chuku ndị Juda k'a tụnị wẹ ụya, mẹ n'ọ rịzịnị wẹ mma.

Zẹfanaya 3:20

O ru ogẹn ahụn, m k'e welụa ụnụ, ogẹn ahụn m'e gi wegbama ụnụ. M k'e ye ụnụ ọghọ imẹ alị ile rị elu ụwa. Wẹ k'a gha a ja ụnụ mma Ogẹn m'e gi mẹ n'ọ rịzịnị ụnụ mma.” Ya kẹ Osolobuẹ ku.

Luku 17:22

Ya ọ nọ sị ndị nsọnmazụụn a, “Ogẹn lala hụn o gi rị ụnụ ọda-ọda nị ụnụ lẹ Nwa nke Ịhịan nọdịzị, ọsụọn'a akpọhịn ohu, kanị ụnụ ahụnkọ a.

Luku 19:43

Ogẹn lala, hụn ndị iṅẹnrẹn i jẹnkọ d'e gi kehunmẹchanrịn ị, gha azụụn ile zụnbanhan imẹ i.

Luku 21:6

“Ihiẹn ndịnị ụnụ rị e leghanị, ogẹn lala hụn wẹ e gi tituchanrịn ọmụma ile wẹ gi tụn Ụlọ-nsọnị, alatọkọ wẹ akpụ ohu elu ibe ẹ.”

Ditrọnọmi 30:3

Osolobuẹ wụ Chuku ụnụ sikọ d'e mẹ ndị gini ụnụ hatu ụnụ, mẹ omikẹn ụnụ, gha alị ndị ọzọ ile ọ kpụnshi ụnụ welụa ụnụ.

Ditrọnọmi 30:5

O k'e wẹhẹ ụnụ imẹ alị ahụn wụ nke ndị nẹdi ụnụ kanị, ụnụ e nwọnrinzi ẹ. O k'e mẹ ụnụ gha ihun, ba ụba, karị ndị nẹdi ụnụ kanị.

Hibru 8:8

Kanị, ọ hụn nsọngbu imẹ ẹ haịn o gi sị, “Di-nwọnni-ẹnyi sị, ‘Lee ẹ, ogẹn lala, hụn m k'e gi tumẹ nkwerigbama ọhụn ẹgbata mmẹ lẹ ndị Izrẹlụ lẹ ndị Juda;