Jerimaya 30:19 - Ika

¹⁹ “Wẹ k'a kwankpọma ẹbụ ekele, zụnma ụzụn ịghọghọ. M k'e mẹ wẹ bawaye, ebelụakọ wẹ; m k'e mẹ wẹ nwọn ọghọ, awụkọ wẹ ndị wẹ e legberi.

Jerimaya 30:19 Iomraidhean Croise

Ẹzra 6:22

Wẹ nọ gi ịghọghọ mẹ Mmẹmmẹ Brẹdi Yisti rịlẹni — ọrọgbọ akp'ọhịn ẹsa hụ wẹ gi e mẹ ẹ, makẹni Osolobuẹ e mẹgụọ ịghọghọ jun wẹ obi ebe ọ nọ mẹtụnị wẹ eze Asiria ẹka obi hụn o gi yeni wẹ ẹka rụn ihiẹn wẹ rụn imẹ Ụlọ Chuku, Chuku Izrẹlụ.

Nehemiah 8:12

Omẹgụ, wẹ ile nọ nwan jẹnmẹ d'e ri ra, d'e zijẹnzikwọnị ndị ọzọ ihiẹn-oriri, d'e mẹ mmẹmmẹ ndị rị a ghọghọ ọda-ọda, makẹni wẹ ghọha oku ile wẹ kọwanị wẹ.

Nehemiah 8:17

Ndị ahụn ile gha alị ndị wẹ kpụnshi wẹ lụaha nọ tụnrụnsọnmẹ ọdụ, biri imẹ wẹ. Ọnwan wụ nke ibuzọ wẹ mẹ mmẹmmẹ hụ kete ogẹn Jeshụa nwa Nọnụ. Wẹ ile hụ a ghọghọ.

Ẹbụ-ọma 53:6

Dodo, nzụọpụha ya gha Zayọnụ bịan'ị Izrẹlụ!! Ogẹn Chuku e gi dọnzini ndị nke ẹ ihiẹn, ndị Izrẹlụ, ebọn Jekọpụ k'a ghọghọ; ẹfọ k'a sụọgbu ndị Izrẹlụ ụsụọ!

Azaya 12:1

O ru ogẹn ahụn, ị k'a sị: “Euu Osolobuẹ, m k'a ja ị mma! Ezioku, i te rị e buni m olulu, kanị olulu i a rọgụọ nwan; y'a rọkọgụọ m obi.

Azaya 26:15

Euu Osolobuẹ, y'e mẹgụọ alị Juda ba ụba — y'e weshịagụọ alịnị. Y'e gigụọ a nwọnrin ọghọ — y'e wezụkagụọ okẹn ẹ ile.

Azaya 27:6

O ru ihun, ebọn Jekọpụ jẹnkọ d'a gba mkpọgụn; Izrẹlụ jẹnkọ d'a kpụkpụma, mị obobo, mị mkpụrụ jun ụwa ile.

Azaya 35:10

ndị Osolobuẹ gbapụha k'a lụaha; wẹ k'e gi ẹbụ banhan Zayọnụ; ịghọghọ hụn k'a rị jẹnrin ejẹn k'a wụ ihiẹn wẹ gi tu wẹ ugọn. Obi-ụsụọ lẹ ịghọghọ k'a karị ẹka, ẹkwan lẹ ịsụn-udẹn k'a gba ọsọ.

Azaya 51:11

Ya wụ, ndị Osolobuẹ k'a gbapụha k'e kinhẹn; wẹ k'e gi ẹbụ banhan Zayọnụ Jerusalẹm; ịghọghọ itẹbitẹ k'a wụrụ ihiẹn wẹ gi tu wẹ ugọn. Obi-ụsụọ lẹ ịghọghọ k'e rukpumẹ wẹ, ẹkwan lẹ ịsụn-udẹn k'a gba ọsọ.

Azaya 51:3

Osolobuẹ k'a rọkọrịrị Zayọnụ obi, mẹ omikẹn dọnzi ebe ile rịn'a wiwini. O k'e mẹ alị a te kpọgụ nkụn mẹmẹ ihiẹn ọhụnma nọkẹ Idẹni; o k'e mẹ alị a te wiwini n'ọ nọ kẹ ugbo-nta Osolobuẹ. Ịghọghọ lẹ obi-ụsụọ k'a rị alị a, Ịkpanmịn Osolobuẹ lẹ ịbụ-ẹbụ.

Azaya 52:9

Mkpọkọ-ụlọ ile rị Jerusalẹm, bụye ni ẹbụ, makẹni Osolobuẹ a rọkọgụọ ndị nke ẹ obi; ọ gbapụhagụọ Jerusalẹm!

Azaya 55:5

Eziẹ, ị k'a kpọ alị ndị ị marịnlẹni oku, alị ndị marịnlẹn'i a gbahadẹ d'a za ị, makẹ ufiri Osolobuẹ, Chuku i — Onyẹ-nsọ Izrẹlụ, makẹni o yeọlẹ i ọghọ ọda-ọda.

Azaya 60:19

Ụnụ egikọzị ẹnyanwụn legha ụzọ ogẹn efinaị; mọbụ gi ifọn legha ụzọ imẹ uhinhin. Mba. Osolobuẹ lẹ enwẹn ẹ k'a wụrụnị ụnụ ukpẹ jẹnrin-ejẹn; Chuku ụnụ k'a wụ ọghọ ụnụ.

Azaya 60:22

Hụn nta imẹ ụnụ k'e họnrin okẹn ebọn; hụn kachanrịn ntịn e họnrin okẹn alị. Mmẹ wụ Osolobuẹ; ogẹn ru, m k'e mẹ ihiẹnni ozigbo-ozigbo.

Azaya 60:9

Mmẹ kẹ alị ndị tegbu enwẹn wẹ rị ohimin burula! Ụgbọ-mirin uku Tashishi ndị ahụn rị wẹ ihun, wẹ bula ụmụ ị rị ebe teni — uwẹ lẹ siliva lẹ goru wẹ — d'a gbaye Osolobuẹ wụ Chuku ụnụ, Onyẹ-nsọ alị Izrẹlụ — makẹni o yeọlẹ ụnụ ọghọ.

Jerimaya 17:26

Ịhịan k'a rị a ghasọnmẹ obodo ile rị alị Juda lẹ ụmụ-alị ile rị mkpẹnrẹn Jerusalẹm lẹ ẹgbẹrẹ alị Bẹnjamini ile lẹ alị ndị rịsọnmẹ ukun-ugu ndị rị ẹbamịn ọdịdan ẹnyanwụn lẹ ndị rịsọnmẹ elu òke rị ẹbamịn ndịdan alị Juda a bịa. Wẹ k'a gha e wẹhẹ oyiye ichẹn-ichẹn Ụlọ-nsọ Osolobuẹ: kẹ ẹjan w'a dụn ọkụn kẹ oyiye ichẹn-ichẹn kẹ oyiye ọka kẹ nsẹnsi kẹ oyiye wẹ gi a kpanmịn Osolobuẹ.

Jerimaya 3:16

Osolobuẹ sị, “Ogẹn ahụn, ụnụ k'a bawaye ọda-ọda imẹ alịnị; ekukọzị wẹ oku Ẹkpẹti-nkwerigbama Osolobuẹ. Ọ bankọzị wẹ obi, anyanhankọ w'a, ọ dakọ wẹ, arụnkọ wẹ ọzọ.

Jerimaya 31:27

Osolobuẹ sị, “Ezioku, ogẹn lala hụn m k'e gi kụn mmụ ye imẹ Izrẹlụ Ẹbamịn-ugu lẹ imẹ Juda nọkẹ mkpụrụ wẹ kụnye imẹ ugbo — kẹ ịhịan kẹ anụ-ụlọ jẹnkọ d'a mụba.

Jerimaya 31:4

Nwagbọọ m wụ Izrẹlụ, m jẹnkọ d'a tụndọnzi i nọkẹ ụlọ, y'e turuzi. I jẹnkọ d'a ghọghọmazị, kụma ẹgede, e tẹn egu imẹ ọgbọ-egu.

Jerimaya 33:22

M k'e mẹ ebọn odibo m wụ Defidi lẹ ẹbozo Livaị hụn a nọdị ihun m a rụnnị m ọrụn barahị, mẹ wẹ bu ọda kẹ kokisẹ rị igwere lẹ ẹjan rị mkpẹnrẹn ohimin, ihiẹn ẹbụbụọ wẹ ghalẹni as'ẹka a gụnmarịn.’ ”

Izikẹlụ 36:37

“Osolobuẹ Nwọn Ihiẹn Ile sị: ‘M k'a nịzị ndị Izrẹlụ rịọ m mẹni wẹ ihiẹn; m k'e mẹ ndị nke wẹ barahị nọkẹ atụnrụn,

Izikẹlụ 37:10

Ya m nọ bu amụma k'o dọn gwa m, uzun nọ ban imẹ wẹ, wẹ nọ rị ndụn, wuzo ọtọ: igwerigwe ndị-agha!

Izikẹlụ 37:26

M k'e kwe wẹ nkwa hụn m k'e gi mẹ n'ọ rịnị wẹ mma; o k'a wụ nkwa itẹbitẹ. M k'e mẹ wẹ gbọrị, mẹ wẹ ba ụba; m k'e bu Ụlọ-nsọ m che imẹ igunrun wẹ jẹnrin ejẹn.

Zẹkaraya 10:8

M k'e gi ọfịfị welụa wẹ, makẹni a gbarịgụọ m wẹ; wẹ k'e buzi ọda kẹ wẹ bu mbụ.

Zẹkaraya 12:8

O ru ogẹn hụ, Osolobuẹ k'e che ndị bi Jerusalẹm nche; ndị ndụn te rịlẹni imẹ wẹ ogẹn ahụn k'e zedẹ kẹ Defidi; ebọn Defidi wụ eze k'a rị kẹ Chuku lẹ enwẹn ẹ, nọkẹ mmọn-ozi Osolobuẹ, buruni wẹ ụzọ.

Zẹkaraya 2:4

sị a, “Ọsọ, d'a sị okorọbịa hụ, ‘Jerusalẹm k'a wụ alị nwọnlẹni mgbọn makẹni ịhịan lẹ anụmanụ k'a barahị,

Zẹkaraya 8:19

“Osolobuẹ ihiẹn ile rị okpuru ẹ sị: Ọnụ ndị ahụn ụnụ e busọnmẹ ifọn nke ẹnọ lẹ ifọn nke isẹn lẹ ifọn nke ẹsa lẹ ifọn nke iri e bigụọ. Ogẹn hụ ile ụnụ te gi e bu ọnụ ndịnị jẹnkọ nwan d'a wụrụ nị ụnụ ndị Juda ogẹn ịghọghọ lẹ anwịnrịn lẹ mmẹmmẹ. A nị nị nwan ezioku lẹ udọn a sụọ ụnụ ụsụọ.”

Jọnụ 17:22

E wegụọ m ọghọ hụ i ye m ye wẹ, kẹni wẹ wụrụ ohu kẹ mmẹ lẹ yụ dọn wụ ohu:

Pita Ibuzọ 1:7

wẹ rị e gi wẹ a ghọsị nị okukwe ụnụ wụ ezigbo ẹ, makẹni okukwe ụnụ ka goru mkpa bụ wẹ e gidẹ ọkụn e lele goru — ọsụọn'a nị goru e wiwi ewiwi! Wẹ rị e lele okukwe ụnụ, kẹni wẹ ja ụnụ mma ogẹn Jizọsị e gi bịa, ye ụnụ ọghọ lẹ mgbaye.