Jerimaya 30:18 - Ika

¹⁸ Osolobuẹ sị, “M jẹnkọ d'e dọnzini ebọn Jekọpụ ụlọ wẹ ndị tikpọnị; m k'e mẹ omikẹn rụnkin ebe ile wẹ te bi mbụ; wẹ k'a rụndọnzi obodo ẹ ye ọnọdị a daị, rụndọnzi obi-eze ye ebe ọ rị mbụ.

Jerimaya 30:18 Iomraidhean Croise

Ihiẹn Mẹni Nke Ibuzọ 29:1

Ya Eze wụ Defidi nọ sị wẹ ile zuni: “Solomọnụ nwa m, hụn Osolobuẹ họrị wụhụ nwata, o ke marịn ihiẹn, bụ ọrụn wẹ jẹnkọ d'a a rụn e hikẹ, makẹni ọnwan ẹlẹ obi-eze ịhịan mmaka kanị nke Osolobuẹ wụ Chuku.

Ihiẹn Mẹni Nke Ibuzọ 29:19

Y'e yezikwọ Solomọnụ nwa m ikẹn n'o gi obi ẹ ile e mẹchanrịn ihiẹn ọwụlẹ ị sị a mẹ lẹ ihiẹn ị chọ lẹ uhi i lẹ ihiẹn o k'e gi tụnchanrịn ụlọ-nsọnị pụ-ichẹn m butọnị ihiẹn ndịnị ile.”

Nehemiah 7:4

Jerusalẹm shịa ẹfọ, hi-ogbe, kanị ndị rị imẹ ẹ ebuni ọda, wẹ e ke tụnmazị ụlọ ọda imẹ ẹ.

Ẹbụ-ọma 102:13

I k'e lihi d'e mẹni Zayọnụ omikẹn, makẹni ogẹn y'e gi mẹn'ẹ ọhụnma e rugụọ; ogẹn hụn i kayen'ẹ e rugụọ nwan.

Ẹbụ-ọma 102:14

Makẹni Zayọnụ rịchanrịn ẹnyi ndị idibo i obi kẹ ọmụma kẹ ẹjan rịn'a e mẹtụzị ẹnyi obi!

Ẹbụ-ọma 122:7

Ihiẹn ya rịchanrịn mma ebe ile mgbọn i gha; ẹhụ ya fu ịhịan ebe ile wẹ gi dọn ẹnya imẹ i.”

Ẹbụ-ọma 48:13

lekpọ nị mgbọn ẹ ile, gụnkwama nị okẹn ụlọ a ile kẹni ụnụ hụn ụzọ gwa agbọ ndị lalanị ya.

Ẹbụ-ọma 48:3

Ebe ile wẹ nọ e che ẹhụ rị imẹ ẹ, Osolobuẹ a ghọsịgụọ n'ọ hụ ebẹhụ e che wẹ nche.

Ẹbụ-ọma 78:69

Ọ nọ tụn Ụlọ-nsọ a n'o jẹn elu kẹ igwere: tụn a n'ọ tọ, k'o dọn mẹmẹ ụwa n'o turu jẹnrin ejẹn.

Ẹbụ-ọma 85:1

Euu Osolobuẹ, y'e mẹkẹni alị ị ọhụnma mbụ; y'e mẹghọ n'ọ rịzịnị ụmụ Jekọpụ mma.

Azaya 44:26

Mmẹ e mẹ oku idibo m a bụn, e mẹzu ihiẹn ndị odibo m ku. Mmẹ ku oku Jerusalẹm, sị, ‘Ịhịan k'e bizi imẹ ẹ;’ kuzi oku obodo rịsọnmẹ Juda, sị, ‘Wẹ k'a tụndọnzi wẹ;’ mmẹ ku oku mkpọkọ ụlọ ndịnị, sị, ‘Wẹ k'e welizi wẹ.’

Azaya 44:28

Mmẹ ku oku Saịrọsị, sị, ‘Ịya wụ onyẹ e duni m anụ. O k'e mẹkwama uche m’; o k'a sị wẹ, ‘Tụndọnzi ni Jerusalẹm’, sị wẹ, ‘Gbedọnzi ni iyetọ Ụlọ-NSỌ Osolobuẹ.’ ”

Jerimaya 23:3

Mmẹ lẹ enwẹn m k'e kpọngbama ndị nke m k'a nwụnhọdụnị imẹ alị ndị ahụn m chụshi wẹ, wekinhẹn wẹ alị wẹ hụn wẹ nọ e rijun ẹfọ, alị w'a nọ mụba, buwaye ọda.

Jerimaya 29:11

Makẹni, a marịnghọ m ihiẹn m bu obi banyeni ụnụ: ihiẹn rị mma rọ, ẹlẹ eje-ihiẹn, k'o dọn rịnị ụnụ mma ihun, kẹ ụnụ a dọn nwọn olilẹnya. Ya kẹ Osolobuẹ ku.

Jerimaya 29:14

M k'a nị ụnụ hụn m; m k'e wepụha ụnụ ẹka ndị gini ụnụ, wekinhẹn ụnụ. M jẹnkọ d'a gha alị ile lẹ ebe ile m chụye ụnụ wẹhẹzi ụnụ ebeni — e mẹ m n'ọ rịzịnị ụnụ mma, wekinhẹn ụnụ ebe m gha kpụnrụn ụnụ.’ Ya kẹ Osolobuẹ ku.

Jerimaya 30:3

Ogẹn lala hụn m k'e gi wepụha ndị nke m wụ ndị Izrẹlụ lẹ ndị Juda ẹka ndị gini wẹ, mẹzi n'ọ rịnị wẹ mma imẹ alịnị m ye ndị nẹdi wẹ kanị weri.’ Ya kẹ Osolobuẹ ku.”

Jerimaya 31:23

Osolobuẹ ihiẹn ile rị okpuru ẹ, hụn wụ Chuku Izrẹlụ sị, “Ogẹn m'e gi gha imẹ ẹgbụn igbọn wẹ rị welụa wẹ, ndị bi alị Juda lẹ obodo rịsọnmẹ imẹ ẹ k'e kumẹzi okuni, ‘Osolobuẹ ya gọzi yụ wụ alị ezi-omumẹ, yụ wụ ugu nsọ!’

Jerimaya 31:38

Osolobuẹ sịzị, “Ogẹn lala hụn wẹ k'e gi tụndọnzini m obodoni wụ Jerusalẹm, ghakwọrị Okẹn Ụlọ-nche Hananẹlụ d'e ru Ọnụ-mgbọn rị ntugi mgbọn;

Jerimaya 31:4

Nwagbọọ m wụ Izrẹlụ, m jẹnkọ d'a tụndọnzi i nọkẹ ụlọ, y'e turuzi. I jẹnkọ d'a ghọghọmazị, kụma ẹgede, e tẹn egu imẹ ọgbọ-egu.

Jerimaya 31:40

Ọdanmgbugbu hụ rị ebẹhụ hụn w'a tụye ozun lẹ ntụn anụ ndị nchụn-ẹjan kpọ ọkụn lẹ alị ugbo ile rị mkpẹnrẹn Ọdanmgbugbu hụ k'a rịchanrịn imẹ ẹ, rudẹ Ọdanmgbugbu Kidrọnụ hụn rị ẹbamịn ọwụwa-ẹnyanwụn, pụhazị Ọnụ-mgbọn Ẹshin rị ẹbamịn-ugu. Wẹ ile jẹnkọ d'a wụ ihiẹn rị nsọ ẹnya Osolobuẹ. Ehuepụkọzị wẹ obodoni mọbụ tikpọzị a.”

Jerimaya 32:15

Makẹni, Osolobuẹ ihiẹn ile rị okpuru ẹ, hụn wụ Chuku Izrẹlụ sị, ‘Wẹ k'e ṅọnzi kẹ ụlọ kẹ ugbo kẹ alị vaịnị imẹ alịnị.’ ”

Jerimaya 32:44

Ịhịan k'e gizi egho ṅọnrin alị; wẹ k'e biyezi ẹka ẹkụkwọ wẹ gi re alị, ndị ọshẹri e biye ẹka. Wẹ k'e mẹ ẹ ẹgbẹrẹ alị Bẹnjamini lẹ ụmụ-alị ndị fihunmẹ Jerusalẹm; wẹ k'e mẹ ẹ imẹ obodo ile rị alị Juda lẹ obodo ndị rịsọnmẹ òke; wẹ k'e mẹ ẹ imẹ obodo ndị rị ukun ugu ndị rị ibe ọdịdan-ẹnyanwụn; wẹ k'e mẹ ẹ ẹbamịn ndịdan-mirin Juda wụ Nẹgẹvụ. O k'a rị ẹrịra makẹni m jẹnkọ d'e mẹ n'ọ rịzịnị wẹ mma. Mmẹ wụ Osolobuẹ ku ẹ.”

Jerimaya 33:11

olu ndị rị a ghọghọnị lẹ ndị ẹfọ rị a sụọ ụsụọ, olu okẹnnyẹ rị a lụ nwunyẹ lẹ okpoho ọ rị a lụ, olu ndị rị e wẹhẹ oyiye imẹ ụlọ-Osolobuẹ d'a kpanmịn a, a sị, ‘Kpanmịn nị Osolobuẹ ihiẹn ile rị okpuru ẹ, makẹni Osolobuẹ a rịka mma; ara nwọnbehi ihiẹn-ọsụsụọ.’ Makẹni mmẹ wụ Osolobuẹ jẹnkọ d'e dọnzi alịnị, ọ rịzị mma k'ọ rị mbụ. Mmẹ wụ Osolobuẹ ku ẹ.”

Jerimaya 33:7

M k'e welụa ndị Juda lẹ ndị Izrẹlụ Ẹbamịn-ugu wẹ kpụnrụn, dọnzini wẹ ihiẹn k'ọ rị mbụ.

Jerimaya 46:27

“Odibo m, Jekọpụ, atụkwọlẹ egun; Izrẹlụ, anịkwọlẹ ndụn gụ ị. M jẹnkọ d'a gha alị ahụn tegbu enwẹn ẹ ị rị zụọpụha ị, m k'a gbapụha ẹbozo i imẹ alị hụ wẹ kpụnjẹn wẹ. Jekọpụ jẹnkọ d'e bizi udọn lẹ ndọnkwa, onwọnzini onyẹ k'e rọn ẹ egun.

Jerimaya 49:39

“Kanị omẹgụ, m k'e mẹzi ihiẹn masịnị Ẹlam. Mmẹ wụ Osolobuẹ ku ẹ.”

Jerimaya 49:6

Kanị, o mẹgụ, m k'e mẹzi n'ọ rịnị ndị Amọnụ mma.” Mmẹ wụ Osolobuẹ ku ẹ.

Izikẹlụ 36:11

M k'e mẹ kẹ ịhịan kẹ anụmanụ ba ụba elu ụnụ, mụ ụmụ ọda-ọda, barahị. M k'e mẹ ịhịan biri elu ụnụ kẹ wẹ dọn bi ẹ mbụ, mẹ ihiẹn rịnị ụnụ mma karị k'ọ rị mbụ. Ogẹn ahụn, ụnụ a marịn nị mmẹ wụ Osolobuẹ.

Emọsụ 9:14

M k'e wekinhẹn ndị nke m wẹ kpụnrụn alị wẹ; a tụndọnzi wẹ obodo wẹ ile tikpọnị, birisọnmẹ imẹ wẹ. Wẹ k'a kụn vaịnị, ra manya a; wẹ k'a rụn ugbo, ri ihiẹn rị imẹ ẹ.

Zẹkaraya 1:12

“Ya mmọn ozi Osolobuẹ nọ sị, ‘Euu Osolobuẹ nwọn ikẹn ile, nanị y'e biehan d'e mẹ omikẹn Jerusalẹm lẹ obodo ndị ya lẹ wẹ rị imẹ Juda, ndịnị ị rị e buni olulu ọrọgbọ ahụa iri kwasị ọgụn-ẹtọnị?’

Zẹkaraya 1:16

“Osolobuẹ nọ nwan sị: ‘M k'e mẹni nwan Jerusalẹm omikẹn; wẹ sikọ d'a tụndọnzi Ụlọ-nsọ m imẹ ẹ. Ya kẹ Osolobuẹ ihiẹn ile rị okpuru ẹ ku. Wẹ sikọ d'a rụnzị ụlọ imẹ Jerusalẹm, nọzị imẹ e setịnpụ eriri ndị a tụn ụlọ.

Zẹkaraya 12:6

“O ru ogẹn hụ, m k'e mẹ ebọn Juda ile wụrụ ọkụn rị imẹ ikpọn-nkụn, ẹka-nkụn rị ikpọn ọka ọkpọ-nkụn; wẹ k'e bu alị ile rị wẹ ẹka-nni ripụ, bu ndị rị ẹka-ekpẹn ripụ; kanị, Jerusalẹm nkẹ k'a rịzị ọnọdị a.

Zẹkaraya 12:7

“Osolobuẹ k'e yegụ Juda ile ọghọ mmẹri amamgbe ikpụlọ Defidi wụ eze lẹ ndị bi Jerusalẹm e nwọnkarị alị Juda wẹ rị imẹ ẹ ọghọ.

Zẹkaraya 14:10

Alịnị ile k'e hutọ, wụrụ alị aradan: ghakwọrị Gẹba d'e ru Rimọnụ hụn rị ebe Jerusalẹm ru ẹbamịn ndịdan-mirin. Kanị, Jerusalẹm nkẹ k'a rị elu, ebe ọ rị ushin: O k'a gha Ọnụ-mgbọn Bẹnjamini pụ ọnụ-mgbọn Ibuzọ, pụzị ọnụ-mgbọn rị Ntugi, pụzị Ụlọ-nche Hananẹlụ, pụzị ebe w'a nọ a pịnpụhanị eze manya-vaịnị.