Jerimaya 30:17 - Ika

¹⁷ “M jẹnkọ d'e mẹ ẹhụ rịzị ị ikẹn; a changbu m'i ẹtẹ, makẹni wẹ rị a kpọ ị ‘onyẹ wẹ jụ’, ‘Zayọnụ nwọnlẹni onyẹ a jụ ukwere ẹ.’ Osolobuẹ e kugụọ a.”

Jerimaya 30:17 Iomraidhean Croise

Jobu 5:18

Ọ rụ ịhịan ẹhụ nke-esi, kanị o kẹnmẹzi ebe ọ rụ a ẹhụ ekẹnmẹ, ọ rụ ịhịan ẹhụ a rụ, kanị ẹka a a zụọzịkwọ ịhịan azụọ.

Ẹbụ-ọma 103:3

ọ gbagharị ị njọ ị ile; ọ gwọ ị ọrịa ị ile,

Ẹbụ-ọma 107:20

o zi oku-ọnụ a, gi ẹ gwọ wẹ ọrịa, zụọpụha wẹ ẹka ọnwụn.

Ẹbụ-ọma 12:5

Osolobuẹ sị, “Makẹ ọbịangbu wẹ rị a bịangbu ndị zelẹni lẹ udẹn ndị rị imẹ-nsọngbu rị a sụn — m jẹnkọ d'e lihi nwan d'e che wẹ nche hụ rị wẹ obi ọda-ọda.”

Ẹbụ-ọma 142:4

Lee nwan ẹnya ẹka-nni m n'ị hụn nị onwọnni onyẹ e feyedẹ m ẹnya; ebe m'a gbaban arịa; onwọnni onyẹ kpọ ndụn m ihiẹn ọwụlẹ.

Ẹbụ-ọma 23:3

o mẹ ndụn a banzị m. O dugha m ụzọ ezi-omumẹ makẹ ufiri ẹfan a.

Ọpụpụ 15:26

sị wẹ, “Ụnụ kpachanpụ ẹnya mẹsọnmẹ ihiẹn Osolobuẹ wụ Chuku ụnụ ku, e mẹ ihiẹn rị a mma ẹnya, e mẹzu iwu ẹ lẹ uhi ẹ ile, atụkọ m ụnụ emu ọwụlẹ m tụ ndị Ijiptu; makẹni mmẹ wụ Osolobuẹ hụn a zụọ ụnụ emu.”

Azaya 11:12

O k'e weshi ahịma elu zinmẹni alị ichẹn-ichẹn, gi wegbama ndị Izrẹlụ wẹ kpụnrụn, welụa wẹ; o k'a gha ẹbamịn ẹnọ ụwa wegbama ndị Juda feyịyanị.

Azaya 30:26

Ifọn k'e ti kẹ ẹnyanwụn, ẹnyanwụn nkẹ k'e tiwaye ụzọ ẹsa — lekẹ ukpẹ akpọhịn ẹsa — ogẹn hụ Osolobuẹ k'e gi kẹnmẹ ndị nke ẹ ebe ile maranị, zụọ wẹ ẹhụ ọ rụ wẹ.

Azaya 33:24

Onwọnzini onyẹ bi Zayọnụ hụn k'a sị, “Emu rị a kụ m” — Osolobuẹ k'a gbagharị ndị bi ebẹhụ njọ wẹ.

Azaya 54:6

Osolobuẹ k'a kpọkinhẹn i lekẹ nwunyẹ wẹ jụ obi rị a gbawa, nwunyẹ wẹ lụ nke ọhụn hụn wẹ jụ. Ya kẹ Chuku i ku.

Azaya 56:8

Di-nwọnni-ẹnyi wụ Osolobuẹ, onyẹ hụn rị e welụa ndị Izrẹlụ wẹ kpụnshi alị ndị ọzọ, sị, “M k'e welụazị ndị ọzọ cheni wẹ, cheni ndị m welụagụ.

Azaya 57:18

A hụngụọ m eje-agụngụn a, kanị m sikọ d'a zụọ a emu; m k'e du ẹ, mẹzi ẹhụ fu ẹ,

Azaya 57:19

gi ẹ mẹ ndị rị a kwan ụya ghọghọma. Ya rịnị wẹ mma-o! Ya rịnị wẹ mma-o! Kẹ ndị rị nsue kẹ ndị rị ebe teni! M jẹnkọ d'a zụọ wẹ emu.” Ịya kẹ Osolobuẹ ku.

Azaya 58:8

I mẹ ẹrịra, ukpẹ i e nwunrun kẹ eki-ụtụntụn, y'a dịnhịnkẹnrin emu i; ezi-omumẹ i e buruni i ụzọ, ọghọ rị Osolobuẹ ẹhụ a kpanrịnn'ị azụụn e che i nche.

Azaya 60:15

Ọsụọn'a n'a jụgụọ wẹ i nwan, e ze ize i — hụn wụnị onwọnzini onyẹ a gha imẹ i, m k'e mẹ ụnụ wụrụ ihiẹn-ọghọ k'a rị jẹnrin-ejẹn lẹ ihiẹn-ịghọghọ ebe agbọ ọwụlẹ pụhanị rị.

Jerimaya 10:20

E tikpọ wẹ ọdụ m bi, tibepụchanrịn eriri ile kwọndọnn'ẹ. Ụmụ a nwụnnahịngụọ m; arịzị w'a; onwọnzini onyẹ họdụnị — onyẹ k'a rụnkinni m ọdụ mọbụ mẹmẹni m ebe m k'a nọdị.

Jerimaya 17:14

Dodo zụọ m Osolobuẹ — makẹni i zụọ m, a dịnhịn m; zụọpụha m ẹka ndịnị — makẹni i zụọpụha m, a hụn m isi, makẹni ịyụ kẹ m'a ja mma.

Jerimaya 3:22

Ụnụ ndị danpụgụnị, kinhẹn ni; m k'a zụọ ụnụ emu ịdankin-azụụn. “Ẹghẹẹ, ẹnyi k'e kinhẹn, makẹni ịyụ wụ Osolobuẹ Chuku ẹnyi.

Jerimaya 30:13

Onwọnni onyẹ e kuni i ọnụ ị; ẹtẹ i enwọn ọgụn. Onwọnni ihiẹn k'e mẹ i dịnhịn.

Jerimaya 33:24

“Y'a hụnnị kẹ ndịnị rị a sị, ‘Osolobuẹ a jụgụọ ikpụlọ ẹbụọ ọ họrị, Izrẹlụ Ẹbamịn-ugu lẹ Juda’? Wẹ rị nwan e legberi ndị nke m elegberi; w'ara kpọzịdẹ wẹ alị.

Jerimaya 33:6

“ ‘Kanị, m jẹnkọ d'e dọnzi obodoni; m k'a zụọ wẹ, a dịnhịn wẹ, e mẹ m ihiẹn rịnị wẹ mma ọhụnma-ọhụnma, mẹsọnmẹ wẹ kẹ ndị nke m.

Jerimaya 8:22

Ọgụn arịzịdẹ nwan obodo Gilẹdị ra? Onyẹ a zụọ emu arịzịdẹ ebẹhụ? Kị haịn nwan nzụọrị gilẹni rị, kị haịn ẹhụ ndị nke m rụ gilẹni a la?”

Ẹkwan 2:15

Ẹka kẹ ndị ile ghafekọnị a kpọyeni i; wẹ hụ e ru Obodo Zayọnụ imi, e finfinn'ẹ isi, a sị, “Ọnwan wụ obodo nwẹn w'a kpọ, ‘Mma zu oke’, ‘obodo hụn ụwa ile gi a ghọghọ?’ ”

Izikẹlụ 34:16

M k'a chọ ndị tuhuni; m k'e wekinhẹn ndị kpahuni. M k'e kẹnmẹ ndị rụ ẹhụ ebe wẹ rụ ẹhụ, e mẹ m ndị kẹnrẹnlẹni kẹnrẹn. Kanị m k'e tikpọ ndị tutuni lẹ ndị kẹnrẹnni hụn rị a kpangbu ibe wẹ. M k'e du wẹ ile k'o dọn furu.

Izikẹlụ 35:12

Ogẹn hụ kẹ y'e gi marịn nị mmẹ wụ Osolobuẹ a nụghọ eje-ihiẹn ndị hụ i ku banyeni alị Izrẹlụ lẹ ugu ndị rịn'a, ebe ị nọ sị, “E tikpọgụọ wẹ wẹ la iwi; e wegụọ wẹ wẹ ye ẹnyi ri!!”

Izikẹlụ 36:20

“Ebe-lẹ-ebe wẹ ru imẹ alị ndị ahụn, e wiwi wẹ Ẹfan m rị nsọ, makẹni w'e ku oku wẹ, a sị, ‘Ndịnị wụ ndị nke Osolobuẹ, kanị a ghakwọ wẹ alị a kpụnhan wẹ ebeni.’

Hosia 11:3

Kanị, mmẹ kuzi Ifrem kẹ wẹ dọn e jẹn ijẹn; mmẹ pa wẹ, zụn wẹ. Kanị, amarịn wẹ nị mmẹ lepụ wẹ ẹnya.

Hosia 6:1

Wẹ k'a sị, “Nị ẹnyi kinni azụụn ebe Osolobuẹ rị! Ọ dọkịkagụọ ẹnyi, kanị, o k'a zụọ ẹnyi; ọ rụgụọ ẹnyi ẹhụ, kanị, o k'e kẹnmẹ ẹtẹ ẹnyi.

Malakaị 4:2

“Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Rẹvẹleshọnụ 22:2

O hukọ ahanmahan ụwaya ahụn rị obodo hụ. Osisi ahụn e ye ndụn rị iyi hụ azụụnnị lẹ azụụnnị. Osisi ahụn a mị ụdị mkpụrụ mmẹbụọ ahụa. Ifọn-ifọn kẹ ọ mị mkpụrụ. Wẹ gi ẹhụhụọ a a zụọ ndị alị ile emu.