Jerimaya 30:15 - Ika

¹⁵ Kị ị rị e yini oro yeni ẹhụ ị rụ? Kị ị rị e yini oro makẹ ihiẹn rị a tụrụnị hụn nwọnlẹni ọgụn? Makẹni ikpe ma ị ọda-ọda lẹ makẹni njọ ị e bukẹ ọda haịn m gi mẹ i ihiẹn ndịnị.

Jerimaya 30:15 Iomraidhean Croise

Ẹzra 9:13

Ọsụọn'a nwan nị eje-ihiẹn ẹnyi mẹ lẹ okẹn ikpe ile manị ẹnyi e buhẹgụọnị ẹnyi nsọngbu ndịnị ile, afụnfụn yụ wụ Chuku ye ẹnyi eruni njọ ẹnyi mẹ; y'a nịdẹ nwan ẹnyi họdụhan ẹnịna.

Jobu 34:29

Ọ gba ịhịan nkịtịn, onyẹ k'a ma a ikpe? O bupụ ịhịan ihun, onyẹ k'a s'ẹka hụn a? Kẹ ịhịan kẹ alị?

Jobu 34:6

Ọsụọn'a nị ezioku kẹ m rị e ku, wẹ sị m wụ onyẹ-ntụ; ọsụọn'a nị onwọnni ihiẹn m mẹ, ọ rụgụọ m ẹhụ ghalẹni a la.’

Ẹbụ-ọma 107:17

Ụfọdụ e zuzu mẹ njọ, afụnfụn nọ bịanị wẹ;

Azaya 1:6

Gha isi d'e ru ọbụkụ, onwọnni nwan ebe rị ikẹn, ẹtẹ lẹ ugbẹnrẹn-mkpịnsịn e jun, ẹtẹ hụn wẹ chanlẹni mọbụ kẹnmẹ mọbụ buche ọgụn.

Azaya 5:2

Ọ dụkpọ alị a, kpọnpụchanrịn ọmụma junn'ẹ, gbọ ezigbo vaịnị ye ẹ. Ọ tụn ụlọ-nche ye imẹ ẹ, nọzịkwọ ọmụma rị alị tụ ebe wẹ nọ a pịnpụha manya vaịnị. Ọ nọ tụma ẹnya ogbe vaịnị rị mma, kanị ọ mịn'a vaịnị rịlẹni mma.

Jerimaya 11:13

ẹghẹẹ, Juda e nwọngụọ mmọn buhan ọda kẹ obodo ndị rị imẹ Juda, kanị o yekọnị wẹ ẹka ụhụọhịn hụ; ụnụ ndị Juda e tumẹringụọ ukpo-mmọn bu ọda kẹ ọgbara-ogbe rị imẹ Jerusalẹm han, a nọ wẹ a mụye nsẹnsi a rụa ihiẹn ifẹnrẹn ahụn wụ Baalụ.’

Jerimaya 15:18

Kị haịn nwan afụnfụn m gilẹni a gụ? Kị haịn nwan wẹ gi a rụ m eje-ẹhụ ghalẹni a la? I sikọ d'e mẹ m kẹ iyi a tahịnahịn onyẹ gi ẹ e dọn ẹnya, nọkẹ isi-mirin ghalẹni a gbasọnmẹ mirin?

Jerimaya 2:19

Eje-omumẹ ụnụ jẹnkọ d'e ye ụnụ afụnfụn; ọkpahu ụnụ rị a kpahu k'a jụgbọ ụnụ. Gi n'ẹ nwan marịn, gi ẹ hụn nị ihiẹn jọgbu enwẹn ẹ lẹ nsọngbu k'ọ wụ, nị ụnụ gbakitọ m azụụn, mmẹ, Osolobuẹ wụ Chuku ụnụ, tụbehi egun m. “Ya kẹ Di-nwọnni-ẹnyi wụ Osolobuẹ ihiẹn ile rị okpuru ẹ ku.

Jerimaya 30:12

Osolobuẹ sị, “Ẹtẹ i ẹlẹ hụn w'a zụọ, ẹhụ ị rụ a jọka.

Jerimaya 30:14

Alị ile yụ lẹ wẹ te a sụọ, a zọgụọ ị; onwọnzini ihiẹn wẹ gi i e mẹ. E mẹgụọ m'ị ihiẹn eṅẹnrẹn e mẹ ịhịan, ye i afụnfụn kẹ onyẹ ẹfọ jọ dọn e ye ịhịan, makẹni ikpe ma ị ọda-ọda, njọ ị e bukẹ ọda.

Jerimaya 30:16

“Ufiri ẹ, m jẹnkọ d'e tikpọ ndị ile tikpọn'ị; wẹ k'a kpụnrụn ndị-iṅẹnrẹn i ile; ndị ile gbu i kwarị ihiẹn i, wẹ k'e gbuzikwọ wẹ kwarị ihiẹn wẹ; ndị ile zun i ohin, wẹ jẹnkọ d'e zun wẹ ohin.

Jerimaya 30:17

“M jẹnkọ d'e mẹ ẹhụ rịzị ị ikẹn; a changbu m'i ẹtẹ, makẹni wẹ rị a kpọ ị ‘onyẹ wẹ jụ’, ‘Zayọnụ nwọnlẹni onyẹ a jụ ukwere ẹ.’ Osolobuẹ e kugụọ a.”

Jerimaya 46:11

Ọ sụọkwọ ị jẹnmẹ Gilẹdị d'a chọrị ọgụn, ịyụ Ijiptu hụn kelẹni hụn ihiẹn, y'a dịnhịnkọ.

Jerimaya 6:13

“Kẹ onyẹ-uku kẹ onyẹ-nta wẹ ile chọkọ ihiẹn a ban wẹ ẹkpa; kẹ ndị-amụma kẹ ndị nchụn-ẹjan, wẹ ile wụ ndị ntụ-lẹ-aghịghọ.

Ẹkwan 1:5

Ndị iṅẹnrẹn ẹ a kịmagụọ a; ẹhụ fu ndị-iṅẹnrẹn ẹ. Osolobuẹ e wẹhẹgụọn'a ẹkwan yeni njọ bu ọda o mẹ. A kpụngụọ wẹ ụmụ a la alị ndị ọzọ — ndị iṅẹnrẹn wẹ gi wẹ nwan e gi.

Ẹkwan 2:13

Kị m'a sịzị ị nwan, Nwagbọọ wụ Jerusalẹm? Kị m'e gi jen'i? Kị m'e gi ma atụ ị Nwagbọọ ọma wụ Zayọnụ kẹni m hụn ụzọ huhu ị? Ẹtẹ i mi kẹ ohimin! Onyẹ k'a saẹka zụọ ị?

Ẹkwan 3:39

Kị onyẹ rị ndụn k'e dẹnnwịnwịnnị nwan nị wẹ rị e ye ẹ afụnfụn njọ o mẹ?

Ẹkwan 4:13

Kanị, o mẹghọ — makẹ njọ ndị-amụma a lẹ ụrụ ndị nchụn-ẹjan a, hụn nọsọnmẹ imẹ ẹ gbu ndị ezi-omumẹ.

Maịka 1:9

Makẹni alị Sameria a rụgụọ eje ẹhụ nwọnlẹni ọgụn! Ihiẹn ohu ahụn e kunrungụọ Juda! O rugụọdẹ nwan ọnụ-mgbọn ndị nke m, o rugụọdẹ Jerusalẹm.

Maịka 7:9

Nị m narịn afụnfụn Osolobuẹ ye m makẹ njọ m mẹ ẹ, d'e ru n'o leban ẹnya ọnọdị m, hannị mmẹ lẹ ndị o gi e ye m afụnfụn eṅẹn. O wepụhazị m ebe ukpẹ rị, a hụn m nzụọpụha a.

Nahum 3:19

Y'a rụgụọ eje ẹhụ nwọnlẹni ọgụn! Eje-ẹhụ e gbuni rọ! Onyẹ nụ ihiẹn mẹn'i, ọ ghọghọma, makẹni onwọnni onyẹ i ye la.