Jerimaya 30:13 - Ika

¹³ Onwọnni onyẹ e kuni i ọnụ ị; ẹtẹ i enwọn ọgụn. Onwọnni ihiẹn k'e mẹ i dịnhịn.

Jerimaya 30:13 Iomraidhean Croise

Jobu 34:29

Ọ gba ịhịan nkịtịn, onyẹ k'a ma a ikpe? O bupụ ịhịan ihun, onyẹ k'a s'ẹka hụn a? Kẹ ịhịan kẹ alị?

Jobu 5:18

Ọ rụ ịhịan ẹhụ nke-esi, kanị o kẹnmẹzi ebe ọ rụ a ẹhụ ekẹnmẹ, ọ rụ ịhịan ẹhụ a rụ, kanị ẹka a a zụọzịkwọ ịhịan azụọ.

Ẹbụ-ọma 106:23

Ya kẹ Osolobuẹ nọ sị n'o tikpọ wẹ; omẹni ẹlẹ hụn onyẹ ahụn ọ họrị wụ Mozizi wuzo ẹgbata ya lẹ uwẹ, rịọma a, amamgbe o gi olulu tikpọ wẹ, nkẹ o tikpọ wẹ.

Ẹbụ-ọma 142:4

Lee nwan ẹnya ẹka-nni m n'ị hụn nị onwọnni onyẹ e feyedẹ m ẹnya; ebe m'a gbaban arịa; onwọnni onyẹ kpọ ndụn m ihiẹn ọwụlẹ.

Ọpụpụ 15:26

sị wẹ, “Ụnụ kpachanpụ ẹnya mẹsọnmẹ ihiẹn Osolobuẹ wụ Chuku ụnụ ku, e mẹ ihiẹn rị a mma ẹnya, e mẹzu iwu ẹ lẹ uhi ẹ ile, atụkọ m ụnụ emu ọwụlẹ m tụ ndị Ijiptu; makẹni mmẹ wụ Osolobuẹ hụn a zụọ ụnụ emu.”

Azaya 1:6

Gha isi d'e ru ọbụkụ, onwọnni nwan ebe rị ikẹn, ẹtẹ lẹ ugbẹnrẹn-mkpịnsịn e jun, ẹtẹ hụn wẹ chanlẹni mọbụ kẹnmẹ mọbụ buche ọgụn.

Azaya 59:16

Ọ hụn a nị onwọnni onyẹ rịn'a, ọ tụ a ẹnya ọda-ọda nị onwọnni onyẹ e buche ọnụ nị wẹ dọnzi ihiẹn. Ya kẹ ọ nọ gi ẹka a wẹhẹ nzụọpụha. Ezi-omumẹ ẹ ye ẹ ndụn o gi mẹ ẹ.

Jerimaya 14:19

Y'a jụchanrịngụọdẹ nwan alị Juda ra ize Zayọnụ rị e zen'i agụkọdẹ? K'ị rụnị ẹnyi eje-ẹhụnị jẹnkọlẹni d'a nị zụọ? Ẹnyi hụ a tụ ẹnya nị ihiẹn rị mma, kanị ihiẹn rị mma abịanị; ẹnyi hụ a tụ ẹnya nzụọrị, kanị ihiẹn-egun kẹ ẹnyi a hụn.

Jerimaya 17:14

Dodo zụọ m Osolobuẹ — makẹni i zụọ m, a dịnhịn m; zụọpụha m ẹka ndịnị — makẹni i zụọpụha m, a hụn m isi, makẹni ịyụ kẹ m'a ja mma.

Jerimaya 30:17

“M jẹnkọ d'e mẹ ẹhụ rịzị ị ikẹn; a changbu m'i ẹtẹ, makẹni wẹ rị a kpọ ị ‘onyẹ wẹ jụ’, ‘Zayọnụ nwọnlẹni onyẹ a jụ ukwere ẹ.’ Osolobuẹ e kugụọ a.”

Jerimaya 33:6

“ ‘Kanị, m jẹnkọ d'e dọnzi obodoni; m k'a zụọ wẹ, a dịnhịn wẹ, e mẹ m ihiẹn rịnị wẹ mma ọhụnma-ọhụnma, mẹsọnmẹ wẹ kẹ ndị nke m.

Jerimaya 46:11

Ọ sụọkwọ ị jẹnmẹ Gilẹdị d'a chọrị ọgụn, ịyụ Ijiptu hụn kelẹni hụn ihiẹn, y'a dịnhịnkọ.

Jerimaya 6:7

Kẹ isi-mirin dọn e hupụha mirin kẹ obodoni dọn e hupụha eje-ihiẹn rị imẹ ẹ. Egbu-lẹ-egbu lẹ ntikpọ-ntikpọ kẹ w'a nụ imẹ ẹ; emu lẹ ẹhụ wẹ rụsọnmẹ kẹ m'a hụn ogẹn ile.

Jerimaya 8:22

Ọgụn arịzịdẹ nwan obodo Gilẹdị ra? Onyẹ a zụọ emu arịzịdẹ ebẹhụ? Kị haịn nwan nzụọrị gilẹni rị, kị haịn ẹhụ ndị nke m rụ gilẹni a la?”

Ẹkwan 2:13

Kị m'a sịzị ị nwan, Nwagbọọ wụ Jerusalẹm? Kị m'e gi jen'i? Kị m'e gi ma atụ ị Nwagbọọ ọma wụ Zayọnụ kẹni m hụn ụzọ huhu ị? Ẹtẹ i mi kẹ ohimin! Onyẹ k'a saẹka zụọ ị?

Izikẹlụ 22:30

“A chọgbamagụọ m imẹ wẹ nị m hụn akpụ onyẹ ohu, hụn nkẹ a tụnkin mgbọnni, hụn nkẹ e wuzoni alị ihun m dọnzi ihiẹn makẹ m gha e tikpọ a, onwọnni onyẹ m hụn.

Izikẹlụ 30:21

“Nwa-ịhịan, a kpagigụọ m Fẹro eze Ijiptu ẹka. Lee ẹ, wẹ eke kẹnmẹ ẹ n'ọ la mọbụ kpaye ẹ ihiẹn n'o kẹnrẹn kẹn'ọ nị a kwọndọn ọpịa-agha.

Hosia 14:4

Osolobuẹ sị, “M k'a gwọ wẹ ọdanpụnị wẹ danpụ; m k'a shịapụ ẹfọ nwọn ihiẹn-ọsụsụọ wẹ makẹni olulu m rị e buni wẹ a rọgụọ.

Hosia 6:1

Wẹ k'a sị, “Nị ẹnyi kinni azụụn ebe Osolobuẹ rị! Ọ dọkịkagụọ ẹnyi, kanị, o k'a zụọ ẹnyi; ọ rụgụọ ẹnyi ẹhụ, kanị, o k'e kẹnmẹ ẹtẹ ẹnyi.

Nahum 3:19

Y'a rụgụọ eje ẹhụ nwọnlẹni ọgụn! Eje-ẹhụ e gbuni rọ! Onyẹ nụ ihiẹn mẹn'i, ọ ghọghọma, makẹni onwọnni onyẹ i ye la.

Ditrọnọmi 32:39

Lee n'ẹ nwan, nị mmẹ lẹ enwẹn m rọ! Wezụka m onwọnni Chuku rịnị. Mmẹ e gbu, mmẹ e ye ndụn; Mmẹ a rụ ịhịan ẹhụ, mmẹ a zụọ ịhịan; onwọnni onyẹ a s'ẹka a napụ m ihiẹn m kwọndọn.

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Jọnụ Ibuzọ 2:1

Ụmụ m, m rị e deni ụnụ ihiẹn ndịnị amamgbe ụnụ gha e mẹ njọ. Kanị, omẹni ịhịan mẹ njọ, ẹnyi nwọn onyẹ a rịọdọnni ẹnyi Chuku-Nẹdi: Jesu Kristi hụn rị ọchan rọ.