Jerimaya 30:12 - Ika

¹² Osolobuẹ sị, “Ẹtẹ i ẹlẹ hụn w'a zụọ, ẹhụ ị rụ a jọka.

Jerimaya 30:12 Iomraidhean Croise

Ihiẹn Mẹni Nke Ẹbụọ 36:16

Kanị wẹ hụ e gi ndị ozi Osolobuẹ a mụ ẹmụ, e legberi oku Osolobuẹ, a mụ ndị-amụma a ẹmụ — d'e ru ebe Osolobuẹ nọ gi olulu bunụmanị ndị nke ẹ, d'e runi nwanahịn arịzị a.

Jerimaya 14:17

Lee ihiẹn i k'a gwa wẹ: Ẹnya-mirin ẹnya-mirin kẹ m'a kwan uhinhin lẹ efinnaị; makẹni nwagbọọ wụ alị m a rụgụọ eje-ẹhụ, a dụgụọ w'a eje-ịkpa.

Jerimaya 14:19

Y'a jụchanrịngụọdẹ nwan alị Juda ra ize Zayọnụ rị e zen'i agụkọdẹ? K'ị rụnị ẹnyi eje-ẹhụnị jẹnkọlẹni d'a nị zụọ? Ẹnyi hụ a tụ ẹnya nị ihiẹn rị mma, kanị ihiẹn rị mma abịanị; ẹnyi hụ a tụ ẹnya nzụọrị, kanị ihiẹn-egun kẹ ẹnyi a hụn.

Jerimaya 15:18

Kị haịn nwan afụnfụn m gilẹni a gụ? Kị haịn nwan wẹ gi a rụ m eje-ẹhụ ghalẹni a la? I sikọ d'e mẹ m kẹ iyi a tahịnahịn onyẹ gi ẹ e dọn ẹnya, nọkẹ isi-mirin ghalẹni a gbasọnmẹ mirin?

Jerimaya 30:15

Kị ị rị e yini oro yeni ẹhụ ị rụ? Kị ị rị e yini oro makẹ ihiẹn rị a tụrụnị hụn nwọnlẹni ọgụn? Makẹni ikpe ma ị ọda-ọda lẹ makẹni njọ ị e bukẹ ọda haịn m gi mẹ i ihiẹn ndịnị.

Jerimaya 6:7

Kẹ isi-mirin dọn e hupụha mirin kẹ obodoni dọn e hupụha eje-ihiẹn rị imẹ ẹ. Egbu-lẹ-egbu lẹ ntikpọ-ntikpọ kẹ w'a nụ imẹ ẹ; emu lẹ ẹhụ wẹ rụsọnmẹ kẹ m'a hụn ogẹn ile.

Jerimaya 8:22

Ọgụn arịzịdẹ nwan obodo Gilẹdị ra? Onyẹ a zụọ emu arịzịdẹ ebẹhụ? Kị haịn nwan nzụọrị gilẹni rị, kị haịn ẹhụ ndị nke m rụ gilẹni a la?”

Ẹkwan 2:13

Kị m'a sịzị ị nwan, Nwagbọọ wụ Jerusalẹm? Kị m'e gi jen'i? Kị m'e gi ma atụ ị Nwagbọọ ọma wụ Zayọnụ kẹni m hụn ụzọ huhu ị? Ẹtẹ i mi kẹ ohimin! Onyẹ k'a saẹka zụọ ị?

Izikẹlụ 37:11

Osolobuẹ nọ nwan sị, “Nwa-ịhịan, ọkpụkpụ ndịnị wụ ndị Izrẹlụ ile. Wẹ rị nwan a sị, ‘Ọkpụkpụ ẹnyi a kpọgụọ nkụn, ẹnyi enwọnzi olilẹnya; nke ẹnyi a gụgụọ!’

Hosia 5:13

Ndị Ifrem a hụn emu rị a kụ alị wẹ. Ndị Juda a hụngụọzị nị alị wẹ a rụgụọ ẹhụ. Ndị Ifrem e buru alị Asiria d'a rịọ eze-uku Asiria n'o d'e yeni wẹ ẹka! Kanị, ọ sakọ ẹka gwọ ụnụ ọrịa; ọ sakọ ẹka changbu ebe ụnụ rụ ẹhụ.

Maịka 1:9

Makẹni alị Sameria a rụgụọ eje ẹhụ nwọnlẹni ọgụn! Ihiẹn ohu ahụn e kunrungụọ Juda! O rugụọdẹ nwan ọnụ-mgbọn ndị nke m, o rugụọdẹ Jerusalẹm.

Nahum 3:19

Y'a rụgụọ eje ẹhụ nwọnlẹni ọgụn! Eje-ẹhụ e gbuni rọ! Onyẹ nụ ihiẹn mẹn'i, ọ ghọghọma, makẹni onwọnni onyẹ i ye la.