Jerimaya 3:6 - Ika

⁶ Ogẹn Josaya gi wụ eze Juda, Osolobuẹ nọ sị m, “Y'a hụngụọ ihiẹn Izrẹlụ Ẹbamịn-ugu danpụgụnị mẹ? O jẹnsọnmẹgụọ elu òke jẹn elu lẹ okpuru osisi ọwụlẹ duni d'a gba ịgbaraja a wụ ife mmọn ichẹn-ichẹn.

Jerimaya 3:6 Iomraidhean Croise

Ndị-nze Nke Ibuzọ 14:23

Makẹni wẹ nwẹn tụnsọnmẹzikwọ ụlọ-mmọn, kọmasọnmẹ ọmụma-nsọ lẹ osisi w'e zumẹni mmọn Ashẹra — yesọnmẹ elu òke ile jẹn elu lẹ okpuru osisi ile duni.

Ihiẹn Mẹni Nke Ẹbụọ 34:1

Josaya rị nwa ahụa ẹsatọ k'o ri eze; ahụa mmanaị kwasị ọgụn k'ọ kị; Jerusalẹm k'ọ nọ kị.

Ẹbụ-ọma 106:39

E mẹrụchanrịn wẹ enwẹn wẹ yeni ihiẹn ndị hụ wẹ rị e mẹ, gi ẹ họnrin ịgbaraja ẹnya Osolobuẹ.

Azaya 57:3

“Ụnụ nwẹn — bịa nị ebeni, ụmụ ndị igbomẹ! Ụmụ ikpoho zọ ụkụ ye ọfịa lẹ ndị ịgbaraja!

Azaya 57:7

Y'a gbagụọ ịgbaraja elu ugu ile jẹn elu, ebahụn ị nọ a kwa ese.

Jerimaya 1:2

Hụn mẹ ẹ ahụa mmẹtọ ogẹn Josaya nwa Amọnụ gi wụ eze Juda kẹ Osolobuẹ zimẹ Jerimaya ozi ndịnị,

Jerimaya 11:10

E mẹmẹzi wẹ njọ ndị nẹdi wẹ kanị hụn kwelẹni gi oku m dọn mẹ. E sọnringụọ wẹ mmọn ndị ọzọ, femẹ wẹ. Kẹ ndị Izrẹlụ kẹ ndị Juda a latọgụọ nkwerigbama mmẹ lẹ ndị nẹdi wẹ kanị kwerigbama.

Jerimaya 17:2

Kẹ ụmụ wẹ ara zọdẹ ijẹn ukpo nchụn-ẹjan lẹ osisi mmọn Ashẹra wẹ hụn rịsọnmẹ ukun osisi ile duni lẹ elu òke ile jẹn elu.

Jerimaya 3:8

E yeghọ m Izrẹlụ Ẹbamịn-ugu danpụgụnị ẹkụkwọ-mpechan, chụpụ a — makẹ ughẹrẹ ẹ, ife mmọn ichẹn-ichẹn. M nọ hụn a nị egun atụnị Juda nwẹnẹ ẹ hụn ẹnya rịlẹni ụzọ ohu, ọ pụ ogbe d'a ghẹrẹmazị ughẹrẹ ife mmọn ichẹn-ichẹn.

Jerimaya 31:22

Elee mgbe kẹ y'a danshibehidẹ azụụnnị lẹ azụụnnị, ịyụ, nwata-okpoho ẹnya rịlẹni ụzọ ohu? Kanị Osolobuẹ jẹnkọ d'e ke ihiẹn ọhụn imẹ ụwa: ebe okpoho nọ e lepụ okẹnnyẹ ẹnya.”

Jerimaya 5:11

Ikpụnọ Izrẹlụ lẹ ikpụnọ Juda e giọlẹ ẹkanaị sọn m.” Ya kẹ Osolobuẹ ku.

Jerimaya 7:24

Kanị, egọndẹni wẹ ntịn, achọdẹni wẹ nị wẹ nụ; a gbasọnmẹdẹ wẹ isi-akwanran, mẹsọnmẹ ihiẹn eje-obi wẹ ye wẹ. Hụn nkẹ w'e gi e shi ihun, wẹ hụ a la azụụn.

Izikẹlụ 16:31

ị hụ a rụn ụlọ-mmọn ị e ye isi-ụzọ ile, e tumẹsọnmẹ ebe wẹ nọ a rụa mmọn e ye ebe ile alị n'e zu. Ịgbaraja nke i jọgbudẹ enwẹn ẹ nị y'a nadẹni egho lekẹ ịgbaraja!

Izikẹlụ 16:35

“ ‘Yụ wụ ịgbaraja, gọn nwan ntịn ihiẹn Osolobuẹ rị e ku!

Izikẹlụ 20:28

e webanhan m wẹ imẹ alị ahụn m kun enwẹn m kwe wẹ nkwa, wẹ nọ kwama ese elu òke ọwụlẹ wẹ hụn n'o jẹn elu lẹ ukun osisi ọwụlẹ duni, e gi ẹjan ndị hụ a kpasu m iwe; a mụyeni mmọn nsẹnsi, e hu manya wẹ e yeni wẹ.

Izikẹlụ 23:11

“Oholiba nkẹ a hụnghọ elu nwẹnẹ ẹ wụ Ohola, kanị ihiẹn-ọlịlẹnya nke ẹ a karị, ịgbaraja nke ẹ a karị nke nwẹnẹ ẹ.

Izikẹlụ 23:4

Ẹfan hụn kanị wụ Ohola; ẹfan nwẹnẹ ẹ wụ Oholiba. A lụrụ m wẹ, wẹ nọ mụ ikẹnnyẹ lẹ ikpoho. Ohola wụ alị Sameria, Oholiba wụ alị Jerusalẹm.

Hosia 11:7

Ndị nke m sị wẹ k'a larịrị m tọ. Wẹ kpọku onyẹ wẹ sị ya kẹ wẹ rị e fe n'o d'e yeni wẹ ẹka, kanị onwọnni onyẹ k'e yeni wẹ ẹka, onwọnni onyẹ k'e welini wẹ.

Hosia 4:13

Wẹ hụ a kwa ese elu ugu, a chụnyeni mmọn ẹjan wẹ kpọ ọkụn elu òke, ukun osisi okuu lẹ pọpla lẹ terẹbinti makẹni igungun wẹ a rịka mma! Ufiri ẹ kẹ ụmụ ụnụ ikpoho gi rị a gba ịgbaraja; inyẹnmẹ ụmụ ụnụ hụ a zọ ụkụ e ye ọfịa.

Ndị Han Eṅẹn 2:17

Kanị, ndị Izrẹlụ egọnkọ ndị ahụn hannị wẹ eṅẹn ntịn, makẹni e wezi wẹ enwẹn wẹ kwanị mmọn-lẹ-iyi rị nọkẹ ịgbaraja, a kụnị wẹ isi-alị. A latọkẹnrinkẹ wẹ ụzọ ndị nẹdi wẹ hụn dọnmẹ iwu Osolobuẹ gha; emẹni w'ẹ.