Jerimaya 3:3 - Ika

³ Ya haịn m gi kwọndọn mirin, mirin udu-mirin ezuezini; bụ ụnụ hụkwọ e bu isi-ikẹn nọkẹ ịgbaraja, jụ nị ifẹnrẹn emẹkọ ụnụ.

Jerimaya 3:3 Iomraidhean Croise

Jẹnẹsisi 19:34

Eki e fọn, hụn kanị nị sị hụn nta, “Lee ẹ, mmẹ sọn nẹdi m ranhịn imẹ uhinhin ụnyanhụn; ẹnyasị tanị, nị ẹnyi mẹzi ẹ rakarị enwẹn ẹ manya, yụ nwẹn a banye d'e du ẹ ranhịnzị, kẹni ẹnyi gha ẹka nẹdi ẹnyi mụ ụmụ k'e bikin ugbẹ ẹnyi.”

Nehemiah 9:17

A jụ wẹ n'e gọnkọ wẹ ntịn, anyanhanzidẹni wẹ ọrụn-atụmẹnya ị rụnsọnmẹ imẹ igunrun wẹ; a gba wẹ isi akwanran tumẹrin ịhịan n'o dukin wẹ Ijiptu nwẹn wẹ te nọ wụ igbọn. Kanị Chuku hụn a gbagharị njọ k'ị wụ, onyẹ ẹfọma lẹ onyẹ e mẹyeni ịhịan, onyẹ ghalẹni e wekẹnrin iwe, onyẹ e nwọn ihiẹn-ọsụsụọ ọda-ọda, y'a gbakitọkwọnị wẹ azụụn —

Itẹn 21:29

Onyẹ eje-omumẹ a gan agan, kanị onyẹ ezi-omumẹ e lekpọ ihiẹn e mẹ.

Azaya 5:6

M k'e mẹ ẹ họnrin alị la iwi, alị wẹ ghalẹni e befọn ihiẹn rịn'a mọbụ a rụn ugbo, ogun lẹ ọkịnkan e pu ẹ. M k'a sị igwere e zueyelẹ ẹ mirin.

Jerimaya 14:1

Ọnwan wụ ihiẹn Osolobuẹ gwa Jerimaya ogẹn ụkọ-mirin.

Jerimaya 14:22

Mmọn ndị ahụn nwọnlẹni isi ndị alị ọzọ e fe, elee hụn asadẹ nwan ẹka e mẹ mirin e zue? Igwere nkẹ e gidẹ nwan ihiẹn ẹka a e zihẹ mirin ra? Mba, ịyụ sụọ e mẹ ẹ — ịyụ Osolobuẹ, Chuku ẹnyi. Ịyụ kẹ ẹnyi rị nwan e lee ẹnya, makẹni ịyụ e mẹ ihiẹn ndịnị ile.

Jerimaya 14:3

Ndị-isi hụ e zi idibo wẹ d'a chọ mirin; wẹ hụ e jẹn ọmị ile d'a chọ mirin, kanị arị wẹ a hụn mirin. Wẹ hụ e bulụa okpokoro ẹgbo-mirin, amarịnzị wẹ hụn w'e mẹ, e gi wẹ ẹka kpumẹ ihun yeni ifẹnrẹn.

Jerimaya 14:4

Alị a kpọchanrịngụọ nkụn makẹni mirin ezuezini. Ndụn a gụ ndị-ugbo, e gi wẹ ẹka kpumẹ ihun yeni ifẹnrẹn.

Jerimaya 36:2

“Weri ẹkụkwọ detu ihiẹn ile m gwa ị banyeni alị Izrẹlụ, alị Juda lẹ alị ndị ọzọ ile — gha ogẹn m gi gwama ị oku, ogẹn Josaya gi wụ eze, d'e ru ogẹnni.

Jerimaya 5:24

W'a ra sịdẹ enwẹn wẹ, ‘Nị ẹnyi gbaye ni Osolobuẹ wụ Chuku ẹnyi, hụn e zihẹ mirin ogẹn ẹ: kẹ mirin ẹnyi gi a kụn ihiẹn-ugbo kẹ hụn ihiẹn-ugbo gi e mẹ ọhụnma; hụn e mẹ ẹnyi a hụnsọnmẹ mkpụrụ a ghọrị ogẹn ịghọ-mkpụrụ.’

Jerimaya 5:25

Eje-ihiẹn ndị ụnụ rị e mẹ a napụgụọ ụnụ ihiẹn ndịnị; njọ ụnụ a napụgụọ ụnụ ihiẹn rị mma.

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Jerimaya 6:15

Ifẹnrẹn eje-obibi wẹ hụdẹ nwan e mẹ wẹ? Elebedẹ! Ifẹnrẹn arị wẹ ẹnya kaka! Wẹ ghadẹ e mẹ ẹ, e mẹ wẹ isi kan-kan-kan! Wẹ k'a nwụn nwan kẹ ndị ọzọ dọn nwụn; wẹ k'e ru alị ogẹn m'e gi ye wẹ afụnfụn.” Ya kẹ Osolobuẹ ku.

Jerimaya 8:12

Ifẹnrẹn eje-obibi wẹ hụdẹ e mẹ wẹ? Elebedẹ! Ifẹnrẹn arị wẹ ẹnya kaka! Wẹ ghadẹ e mẹ ẹ, e mẹ wẹ isi kan-kan-kan! Wẹ k'a nwụn nwan kẹ ndị ọzọ dọn nwụn; wẹ k'e ru alị ogẹn m'e gi ye wẹ afụnfụn.’ ” Ya kẹ Osolobuẹ ku.

Jerimaya 9:12

Onyẹ marịn ihiẹn ọhụnma n'ọ saẹka ghọta ihiẹnni? Onyẹ kẹ Osolobuẹ gwa oku n'ọ saẹka kọwa ihiẹnni? Kị wẹ tikpọnị nwan alịnị la iwi, hụn o gi nwan nọ kẹ alị ọkpọ-nkụn ịhịan ghalẹni a s'ẹka a gha?

Izikẹlụ 3:7

Kanị ikpụlọ Izrẹlụ egọnkọ ị ntịn, makẹni achọnị wẹ nị wẹ gọn m ntịn, makẹni ikpụlọ Izrẹlụ ile wụ ndị isi-ikẹn obi wẹ ze.

Lẹvitikọsụ 26:19

M k'e gbupụ ụnụ isi-ikẹn ụnụ hụ, mẹ igwere ụnụ rị okpuru ẹ ze kẹ igwe, mẹ alị hụn rị okpuru ụnụ ze kẹ igwe-bronzu.

Emọsụ 4:7

“Mmẹ kwọndọn mirin ọrọgbọ ifọn ẹtọ nị wẹ d'a ghọma ihiẹn ugbo. M zi mirin d'e zue imẹ obodo ohu, ezikọ m'a zue imẹ hụn-ẹbọ; m zi ẹ zueye ugbo ohu, a la m hụn-ẹbọ tọ, hụn o zueyelẹni a kpọpụ nkụn.

Emọsụ 4:8

Obodo ẹbụọ mọbụ ẹtọ hụ a chọjẹn mirin obodo ohu, arị w'a hụn hụn e zuni wẹ; kanị, ụnụ egin'ẹ rogharị d'e kunrun m.” Ya kẹ Osolobuẹ ku.

Zẹfanaya 2:1

Zukwamakwọ nị! Zukwama nị d'a rịọma Osolobuẹ, ndị alịnị ifẹnrẹn ghalẹni e mẹ!

Zẹfanaya 3:5

Kanị Osolobuẹ egbehutọnị, kaka! Onyẹ ezi-omumẹ ọ wụ imẹ obodo ahụn k'ọ wụkwọ tan; ara mẹgbu ịhịan: ọ hụ a han eṅẹn ụhụọhịn ile, ara gberi ụhụọhịn. Kanị ifẹnrẹn arị emẹ ndị njọ.

Hagaị 1:11

E bugụọ m ụkọ-ihiẹn cheni ụnụ alị-aradan lẹ elu ugu, ụkọ ọka lẹ manya-vaịnị lẹ ofugbọn-olivu lẹ ihiẹn ugbo ụnụ ile, ụkọ ịhịan lẹ anụmanụ lẹ ihiẹn ile wẹ rị a rụnpụha.”

Ditrọnọmi 28:23

Igwere kpumẹni ụnụ k'e ze kokoko kẹ igwe-bronzu, akpakalị ụnụ zọma ụkụ e ze kankankan kẹ igwe, onwọnni hụn k'a hụn mirin.

Hibru 12:25

Hụnkwọ n'a nwan nị ụnụ enupụnị isi okpuru onyẹ hụn rị nwan e kuni. Makẹni, omẹni ndị mbụ awanahịnnị ogẹn ahụn wẹ gi nupụ isi okpuru onyẹ nọ elu-ụwanị a dọ wẹ ẹka-ntịn, nanị ẹnyi a dọn nwan wanahịn, omẹni ẹnyi e nupụ isi okpuru onyẹ hụn gha nwan elu-igwee e ku.