Jerimaya 3:25 - Ika

²⁵ Nị ẹnyi gi ifẹnrẹn ihiẹn ẹnyi mẹ dan alị, nị ẹnyi nị ifẹnrẹn ihiẹn ẹnyi mẹ ru ẹnyi ẹhụ. Ẹnyi e mẹgụọ Osolobuẹ wụ Chuku ẹnyi njọ — kẹ ẹnyi kẹ ndị nẹdi ẹnyi; ghakwọrị ebe ẹnyi rị nwata d'e ru tannị, ẹnyi e ara humẹni Osolobuẹ wụ Chuku ẹnyi isi.”

Jerimaya 3:25 Iomraidhean Croise

Ẹbụ-ọma 106:6

Ẹnyi lẹ ndị nẹdi ẹnyi wẹ e mẹgụọ njọ; ẹnyi e mẹgụọ ihiẹn rịlẹni mma; ẹnyi e mẹgụọ eje-ihiẹn.

Ẹbụ-ọma 106:7

Ndị nẹdi ẹnyi wẹ aghọtanị ọrụn-atụmẹnya ị kẹ wẹ rị Ijiptu; anyanhannị wẹ okẹn ihiẹn-ọsụsụọ i gi sọn wẹ, wẹ nọ nupụ isi okpuru i mkpẹnrẹn Ohimin hụ, mkpẹnrẹn Ohimin Ufie, nupụ isi okpuru Onyẹ hụn Kachanrịnnị.

Ẹbụ-ọma 109:29

Ifẹnrẹn ya kpumẹ ndị rị e buokin m ọnụ kpumẹ wẹ nọkẹ ẹkwa, ezigbo ifẹnrẹn ya kpumẹchanrịn wẹ rịkẹ ẹwuru tueru alị!

Itẹn 13:18

Onyẹ jụ ọzụnzụn ogbẹnnyẹ lẹ ịfa e họnrin nke ẹ, kanị onyẹ gi oku wẹ gwa a bihutọ ẹka, e ye w'ẹ ọghọ.

Itẹn 5:13

Egini m oku ndị-nkuzi m dọn mọbụ gọn ndị zụnnị m ntịn.

Azaya 48:8

Y'a nụtuni ihiẹn, y'a ghọtatuni ihiẹn; onwọntuni ogẹn ntịn ị gi rị oghe. Amarịnghọ m kẹ i mẹhan onyẹ ghẹrẹ-ghẹrẹ-ghẹrẹ; onyẹ nnupụ-isi kẹ wẹ a kpọ ị kete wẹ mụlẹ i.

Azaya 50:11

Kanị, ụnụ ile hụn a mụyeni enwẹn ụnụ ọkụn, a mụyeni enwẹn ụnụ ukpẹ-ọwa, gi ni nwan ọkụn ndị ahụn ụnụ mụye ghama, ya lẹ ukpẹ-ọwa ndị hụ ụnụ mụye. Kanị, ihiẹn ụnụ jẹnkọ d'e nwọnhẹn ẹka m wụ ọnwan: ọnụ jẹnkọ d'e dinẹtọ imẹ eje-afụnfụn.

Jerimaya 11:13

ẹghẹẹ, Juda e nwọngụọ mmọn buhan ọda kẹ obodo ndị rị imẹ Juda, kanị o yekọnị wẹ ẹka ụhụọhịn hụ; ụnụ ndị Juda e tumẹringụọ ukpo-mmọn bu ọda kẹ ọgbara-ogbe rị imẹ Jerusalẹm han, a nọ wẹ a mụye nsẹnsi a rụa ihiẹn ifẹnrẹn ahụn wụ Baalụ.’

Jerimaya 12:13

“Ịhịan k'a kụn ọka alịnị kanị ogun kẹ w'a hụn ghọrị; wẹ k'a rụngbu enwẹn wẹ, kanị onwọnni ihiẹn wẹ k'a rụnpụha. Ụya ya ri ụnụ makẹni ugbo ụnụ emẹni ihiẹn — makẹni Osolobuẹ e gigụọ ọnụma sọn ụnụ.”

Jerimaya 14:20

Euu, Osolobuẹ, ẹnyi e kwerigụọ nị ẹnyi e mẹọlẹ njọ lẹni ndị nẹdi ẹnyi mẹ njọ; ẹnyi e mẹgụọ ị njọ nke-esi.

Jerimaya 14:7

Ezioku-ezioku njọ ẹnyi a shịagbugụọ ẹnyi ẹri, Dodo Osolobuẹ, gi ufiri ẹfan ị tụnị ẹnyi ụya, nị ẹnyi a danpụọlẹ ọda-ọda, ẹnyi e mẹọlẹ i njọ.

Jerimaya 2:17

Ẹlẹ ụnụ gi ẹka ụnụ dọrị ihiẹnni ebe ụnụ nọ gbakitọ Osolobuẹ wụ Chuku ụnụ azụụn ogẹn o gi dukọ ụnụ ụzọ?

Jerimaya 2:19

Eje-omumẹ ụnụ jẹnkọ d'e ye ụnụ afụnfụn; ọkpahu ụnụ rị a kpahu k'a jụgbọ ụnụ. Gi n'ẹ nwan marịn, gi ẹ hụn nị ihiẹn jọgbu enwẹn ẹ lẹ nsọngbu k'ọ wụ, nị ụnụ gbakitọ m azụụn, mmẹ, Osolobuẹ wụ Chuku ụnụ, tụbehi egun m. “Ya kẹ Di-nwọnni-ẹnyi wụ Osolobuẹ ihiẹn ile rị okpuru ẹ ku.

Jerimaya 2:2

“Jẹn d'a hị ihiẹnni nị ndị Jerusalẹm nụ a: Lee ni ihiẹn Osolobuẹ ku: ‘A nyanhan m kẹ ụnụ dọn wechanrịn enwẹn ụnụ kwanị m kẹ ụnụ rị okoro, kẹ ihiẹn m dọn sụọ ụnụ lekẹ nwunyẹ m lụ nke ọhụn, ụnụ nọ kweri sọn m gha imẹ atụ, alị wẹ kụnlẹni ihiẹn ọwụlẹ.

Jerimaya 2:26

Kẹ ohin wẹ nwụn dọn a fa, ẹrịra kẹ ikpụlọ Izrẹlụ dọn fa — kẹ uwẹ kẹ ndị-nze wẹ kẹ ndị-isi wẹ kẹ ndị nchụn-ẹjan wẹ kẹ ndị-amụma wẹ.

Jerimaya 20:18

Kị m ghadẹni nwan ẹfọ pụha d'a hụnsọnmẹ nsọngbu lẹ ụya, d'a tọ imẹ ụya e we m nwụn?!”

Jerimaya 22:21

A dọghọ m ụnụ ẹka-ntịn ogẹn ẹhụ gi fu ụnụ, kanị ụnụ nọ sị, ‘Ẹnyi egọnkọ ị ntịn!’ Ẹrịra kẹ ụnụ e mẹ gha alị lala — ụnụ ara gi oku m dọn.

Jerimaya 3:13

Ka kwerihụ nị y'e mẹọlẹ njọ, nị y'e nupụgụọ isi okpuru Osolobuẹ wụ Chuku i, y'e wegụọ enwẹn i kwanị mmọn alị ọzọ rị ichẹn-ichẹn okpuru osisi ọwụlẹ duni, y'e mẹni ihiẹn m sị ị mẹ.” Ya kẹ Osolobuẹ ku.

Jerimaya 31:19

Kẹ m kpahugụ, e rohutọ m; kẹ m ghọtagụ, a kwan m, a fịan m ẹka obi; ifẹnrẹn nọ mẹ m, mẹgbuchanrịn m, makẹni njọ m mẹ kẹ m rị okoro kẹ m rị a ta afụnfụn a.”

Jerimaya 6:26

“Heuu, ndị nke m, yiri ni ẹkwa-achọ, ụnụ e kperemẹ imẹ ntụn; kwan nị ụya kẹ onyẹ akpụ nwa-okẹnnyẹ ohu nwụnnahịn, makẹni onyẹ e tikpọnị lala idẹnmizi d'e tikpọ ẹnyi!”

Jerimaya 7:19

Mmẹ kẹ wẹ rịdẹ nwan e mẹ ra? Ẹlẹ enwẹn wẹ kẹ wẹ rị nwan e mẹ, e gi ẹ e gbe ifẹnrẹn e ye enwẹn wẹ ihun? Ya kẹ Osolobuẹ ku.

Jerimaya 8:14

Ndị alịnị k'a sị, “Kị ẹnyi nọdịzịnị nwan ebeni? Kokomẹ ni nị ẹnyi gbashi obodo ẹnyi ndị ẹnyi tụnhunmẹ mgbọn omẹni ọnwụn rọ, ẹnyi a nọ ebẹhụ nwụn — ebe o mẹni Osolobuẹ wụ Chuku ẹnyi a magụọ ẹnyi ikpe-ọnwụn, o yegụọ ẹnyi afụnfụn ra lekẹ mirin wẹ buche nshi, makẹni ẹnyi e mẹgụọ a njọ.

Jerimaya 9:18

Wẹ bịa ozigbo-ozigbo d'a kwan ẹnyi d'e runi ẹnya-mirin e jun ẹnyi ẹnya, e hutu ẹnyi ẹnya.’

Ẹkwan 5:16

Okpu-eze a ghagụọ ẹnyi isi dan. Ụya e rịgụọ ẹnyi makẹ njọ ẹnyi!

Ẹkwan 5:7

Ndị nẹdi ẹnyi mẹ njọ bụ arịzị wẹ nwan ndụn, ẹnyi rị nwan a ta afụnfụn njọ wẹ.

Izikẹlụ 2:3

Ọ sị m, “Nwa-ịhịan, m zikọ ị d'e kunrun ndị Izrẹlụ, alị nnupụ-isi hụ, hụn rị e feni m isi; wẹ hụ a pa oku m d'e ru tannị kẹ ndị nẹdi wẹ dọn mẹ.

Izikẹlụ 36:32

“Osolobuẹ Nwọn Ihiẹn Ile sị, m chọ nị ụnụ marịn nị ẹlẹkwọ ụnụ haịn m gi rị e mẹ ihiẹnni. Obibi ụnụ ya mẹgbu ụnụ ifẹnrẹn, fa ụnụ, ụnụ ndị Izrẹlụ.

Izikẹlụ 44:13

Anọkunmẹkọ wẹ m: arụnkọzịnị wẹ m ọrụn ịchụn-ẹjan; anọkunmẹkọ wẹ ihiẹn m ọwụlẹ rị nsọ mọbụ ihiẹn ndị hụ kachanrịn nsọ; ifẹnrẹn lẹ arụ wẹ mẹ k'e sọn wẹ;

Izikẹlụ 7:18

Wẹ k'e yiri ẹkwa-achọ, a ma piripiri; ifẹnrẹn k'e mẹgbu onyẹ ọwụlẹ; wẹ k'a kpụnpụ wẹ ntutu.

Daniẹlụ 12:2

Ndị ahụn ile nwụnhụnnị hụn rị imẹ alị jẹnkọ d'e tẹnhin: ndị k'e nwọn ndụn itẹbitẹ lẹ ndị ọzọ k'e nwọn ifẹnrẹn itẹbitẹ.

Hosia 9:10

Osolobuẹ sị, “Kẹ m bu ụzọ hụn Izrẹlụ, ọ nọ kẹ ogbe vaịnị ịhịan hụn alị mirin rịlẹni; kẹ m bu ụzọ hụn ndị nẹdi ụnụ, ọ sụọghọ m kẹ mkpụrụ-osisi figi ibuzọ channị. Kanị e femẹ wẹ Baalụ-Pioru, we enwẹn wẹ kwanị ihiẹn ifẹnrẹn hụ, wẹ lẹ enwẹn wẹ nọ họnrin ihiẹn rụnị nọkẹ ihiẹn ahụn sụọnị wẹ!

Zẹfanaya 1:17

M k'e wẹhẹni ịhịan nsọngbu, e bisọnmẹ wẹ ẹka e jẹn nọkẹ ndị ẹnya-ishi, makẹni e mẹọlẹ wẹ Osolobuẹ njọ. Ẹdeke wẹ k'a gba kẹ mirin ogẹn hụ; ozun wẹ k'e retọ alị kẹ nsịn efin.

Ndị Rom 6:21

Kị wụ nwan erere ihiẹn ndị ahụn ụnụ mẹ ogẹn ahụn — hụn rị nwan e mẹ ụnụ ifẹnrẹn? Ọnwụn, ya kẹ ihiẹn ndị ahụn e buhẹ!

Ndị Han Eṅẹn 2:2

ụnụ nwẹn, nị ụnụ lẹ ndị alịnị ekwerigbamakọ, kama, nị ụnụ sikọ d'e tikpọchanrịn ukpo wẹ nọsọnmẹ a chụn ẹjan.’ Kanị, ụnụ emẹni nwan ihiẹn m gwa ụnụ mẹ. Kị ụnụ mẹni ihiẹn nọ ẹrịra?