Jerimaya 3:23 - Ika

²³ Eziẹ, ụzụn ile ẹnyi a zụn ebe ẹnyi rị a rụa mmọn elu òke lẹ elu-ugu enwọn isi; ezioku, ẹka Osolobuẹ wụ Chuku ẹnyi sụọ kẹ nzụọpụha k'a gha bịanị Izrẹlụ.

Jerimaya 3:23 Iomraidhean Croise

Ẹbụ-ọma 3:8

Ẹka Osolobuẹ kẹ nzụọpụha gha a bịa! Ngọzi i ya rịnị ndị nke i! Sẹla

Ẹbụ-ọma 62:7

Chuku k'a zụọpụha m, ye m ọghọ; Chuku wụ okẹn-ọmụma hụn e che m nche, ịya wụ ebe m'a gbaban!

Itẹn 21:31

W'a kwademẹ ẹshin a tọnị ụhụọhịn agha, kanị ẹka Osolobuẹ kẹ mmẹri rị.

Azaya 10:20

O ru ogẹn ahụn, ndị Izrẹlụ k'a họdụnị — ndị ikpụnọ Jekọpụ hụn k'a hụn isi wanahịn — egikọzị onyẹ hụ e gbuni wẹ dọn ẹnya, Osolobuẹ hụn wụ Onyẹ-nsọ Izrẹlụ kẹ wẹ k'e gichanrịn dọn ẹnya.

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 43:11

Mmẹ wụ Osolobuẹ, mmẹ lẹ enwẹn m, wezụka m, onyẹ-nzụọpụha ọzọ arịa.

Azaya 44:9

Ndị ile e mẹmẹrin mmọn enwọn ihiẹn wẹ wụ; mmọn ndị hụ wẹ bu obi enwọnzikwọ isi. Ndị ile e kuni mmọn ọnụ wẹ wụ ẹnya-mpịn — onwọnni ihiẹn wẹ marịn — ifẹnrẹn ya mẹgbu wẹ.

Azaya 45:15

Ezioku-ezioku, Chuku hụn e zuemẹ enwẹn ẹ k'ị wụ, Chuku Izrẹlụ, hụn a zụọpụhanị!

Azaya 45:17

Kanị Osolobuẹ k'a zụọpụha ndị Izrẹlụ, nzụọpụha hụn k'a rị jẹnrin ejẹn; d'e ru ọgụgụ ogẹn ụnụ afakọ, o kpuyekọ ụnụ!

Azaya 45:20

‘Gbakikomẹ ni bịa; ụnụ ile gha alị ichẹn-ichẹn gbapụha; ndị hụn e buhunmẹ mmọn wẹ pịn amarịn ihiẹn, ndị hụn a kpọku mmọn ghalẹni a zụọpụha ịhịan.

Azaya 63:1

Onyẹ wụ onyẹni gha Bozra rị alị Ẹdọm pụla? Onyẹ pụla ihiẹnni ẹwuru ẹ rị e nwun kẹ ihiẹn ẹdeke huye? Onyẹ wụ onyẹni kẹn ekikẹn ndị-nze, jẹnla ndụn-ndụn?! “Mmẹ Osolobuẹ rọ! M gi ẹ e ku nị a tụgụọnị m ụnụ ụya; mmẹ hụn a zụọpụhanị!”

Azaya 63:16

Kanị, yụ wụ nẹdi ẹnyi, ọsụọn'a Ebraham amarịn ẹnyi, ọsụọn'a Izrẹlụ sị ọ marịnzị onyẹ ẹnyi wụ — yụ wụ Osolobuẹ wụkwọ nẹdi ẹnyi; Onyẹ-mgbapụha ẹnyi wụ ẹfan ị ẹdẹi.

Jerimaya 14:8

Euu, Onyẹ hụn Izrẹlụ rị e lee ẹnya! Onyẹ hụ a zụọpụhan'a ogẹn nsọngbu, k'ị gbanị nkịtịn nọkẹ onyẹ-ọbịa, e mẹ kẹ onyẹ-ijẹn banhanhụ d'a ranhịn nị eki fọn?

Jerimaya 17:14

Dodo zụọ m Osolobuẹ — makẹni i zụọ m, a dịnhịn m; zụọpụha m ẹka ndịnị — makẹni i zụọpụha m, a hụn m isi, makẹni ịyụ kẹ m'a ja mma.

Jerimaya 17:2

Kẹ ụmụ wẹ ara zọdẹ ijẹn ukpo nchụn-ẹjan lẹ osisi mmọn Ashẹra wẹ hụn rịsọnmẹ ukun osisi ile duni lẹ elu òke ile jẹn elu.

Jerimaya 3:6

Ogẹn Josaya gi wụ eze Juda, Osolobuẹ nọ sị m, “Y'a hụngụọ ihiẹn Izrẹlụ Ẹbamịn-ugu danpụgụnị mẹ? O jẹnsọnmẹgụọ elu òke jẹn elu lẹ okpuru osisi ọwụlẹ duni d'a gba ịgbaraja a wụ ife mmọn ichẹn-ichẹn.

Jerimaya 31:7

Osolobuẹ sịzị, “Bụnị nị Jekọpụ ẹbụ ịghọghọ; yini ni alịnị ka alị ndị-ọzọ ile oro ịghọghọ. Weshi ni olu elu ye ekele, a sị, ‘Euu, Osolobuẹ, dodo zụọpụha ndị nke i, ndị Izrẹlụ họdụnị.’

Izikẹlụ 20:28

e webanhan m wẹ imẹ alị ahụn m kun enwẹn m kwe wẹ nkwa, wẹ nọ kwama ese elu òke ọwụlẹ wẹ hụn n'o jẹn elu lẹ ukun osisi ọwụlẹ duni, e gi ẹjan ndị hụ a kpasu m iwe; a mụyeni mmọn nsẹnsi, e hu manya wẹ e yeni wẹ.

Hosia 1:7

Kanị, m k'e mẹni ndị hụn rị Juda omikẹn; m k'e gi ikẹn ahụn m gi wụ Osolobuẹ, Chuku wẹ, zụọpụha wẹ. Egikọ m ụta mọbụ ọpịa-agha mẹ ẹ, egikọ m agha mọbụ ẹshin mọbụ ndị gi ẹshin-agha a lụ mẹ ẹ.”

Jọnụ 4:22

Ụnụ amarịn onyẹ ụnụ rị e fe; kanị, ẹnyi nwẹn a marịnghọ onyẹ ẹnyi rị e fe, makẹni ẹka ndị Ju kẹ nzụọpụha gha lala.