Jerimaya 3:21 - Ika

²¹ Ụzụn rị elu-ugu ndịnị fọnni, ụzụn ẹkwan lẹ arịrịọ ndị Izrẹlụ rọ, makẹni e bimẹgụọ wẹ ghẹrẹ-ghẹrẹ-ghẹrẹ, zọ Osolobuẹ wụ Chuku wẹ.

Jerimaya 3:21 Iomraidhean Croise

Jobu 33:27

Ogẹn ahụn, ọ gwama ịhịan, ‘E mẹọlẹ m njọ, kpọ ihiẹn rị mma eje-ihiẹn, kanị Chuku egichanrịnnị ihiẹn ile m mẹ sọn m.

Itẹn 10:9

Onyẹ e dọnmẹ ẹka a ọchan jẹnkọnị, obi e rusọnmẹ ẹ alị, kanị wẹ k'a nwụn onyẹ ghẹrẹ-ghẹrẹ-ghẹrẹ.

Itẹn 19:3

Nzuzu ịhịan hụ e wiwi ẹ ihiẹn, kanị obi ẹ hụ a kpọnị Osolobuẹ ọnụma.

Azaya 15:2

Ndị bi Dibọnụ alị Mụabụ e shigụọ ụlọ-mmọn lẹ ebe wẹ nọsọnmẹ a chụn ẹjan d'a kwan ẹkwan; alị Mụabụ hụzị e goo alị wẹ wụ Nebo lẹ Mẹdẹba. A kọgụọ wẹ isi ile, kọpụ ẹtu ile.

Azaya 17:10

Kị haịn? Makẹni y'a zọgụọ Chuku ahụn a zụọpụhanị ị; y'a nyanhannị Ọmụma hụ y'a gbaban imẹ ẹ. Ọ sụọkwọ ị nwan kụn ihiẹn-akụnkụn rịgbu enwẹn ẹ mma, kụndẹ vaịnị pụ ichẹn wẹ gha alị ọzọ wẹhẹ;

Azaya 57:11

Onyẹ k'i rị a manị piripiri, a tụ egun ẹ hụnnị ile — i gi a tụ m ntụ ẹnịna; i gilẹni a nyanhan m mọbụ e rodẹ ihiẹn rị e mẹni? Ẹlẹ nkịtịnnị m gbabie haịn i gilẹni a tụ egun m?

Jerimaya 12:12

Kẹ elu ugu lẹ òke rị imẹ atụ, ndị lala d'e tikpọ alịnị k'e jun wẹ, makẹni uwẹ wụ ọpịa Osolobuẹ hụn k'e gburi ndị alịnị gha isini d'e ru isini; onwọnni onyẹ k'a hụn isi wanahịn.

Jerimaya 13:25

Ịya wụ ihiẹn run'i, ịya kẹ m keye i — makẹni y'a zọgụọ m, gi mmọn-lẹ-iyi wụlẹni Chuku dọn ẹnya. Ya kẹ Osolobuẹ ku.

Jerimaya 18:15

Kanị ndị nke m a zọgụọ m; wẹ hụ a mụyeni mmọn nwọnlẹni-isi nsẹnsi. O mẹgụọ wẹ kpọgburusọnmẹ, latọsọnmẹ ụzọ mbụ-mbụ hụ rị mma; o mẹ wẹ ghasọnmẹ ụzọ-ọfịa lẹ ụzọ rịlẹni mma.

Jerimaya 2:32

Nị nwagbọọ zọ yiri ejije ẹ? Nị okpoho rị a gba ẹkụkwọ zọ yiri ihiẹn-mma a? Bụ ndị nke m a zọgụọ m — zọgele m.

Jerimaya 3:2

“Ledẹ ẹnya elu òke ndịnị nwọnlẹni ihiẹn rịn'a, elee hụn ị nọtulẹni we enwẹn i ye wẹ gi mẹ ihiẹn sụọnị wẹ? Y'a nọdị alị mkpẹnrẹn ụzọ kẹ ịgbaraja, a rịọ alị ichẹn-ichẹn, e chedẹ wẹ ụzọ a dọdọn lekẹ onyẹ Arabụ rị imẹ atụ; y'e mẹrụchanrịngụọ alịnị ebe ị rị e sọn mmọn kẹ ịgbaraja lẹ ebe ị rị e bi eje-obibi.

Jerimaya 31:9

Wẹ k'e gi ẹkwan lụaha; wẹ k'a rị a rịọ m m welụakọnị wẹ. M k'e wejẹnsọnmẹ wẹ mkpẹnrẹn mirin rị mma, we wẹ ghasọnmẹ ụzọ riẹnni makẹ wẹ gha a kpọgburu, makẹni mmẹ wụ nẹdi Izrẹlụ; Ifrem wụ nwa ibuzọ m.”

Jerimaya 7:29

“Kpụnpụ nwan ntutu i tuhu, Juda, y'a nọdị elu-òke w'a nọ legha ị kwanma ụya, makẹni Osolobuẹ a jụgụọ agbọnị ọ rị e buni ọnụma.

Izikẹlụ 23:35

“Osolobuẹ Nwọn Ihiẹn ile sị nwan: Ebe o mẹni y'a zọgụọ m, nu m ye nkọ, ị k'a tarịrị afụnfụn eje-ughẹrẹ i lẹ ịgbaraja ị.”

Izikẹlụ 7:16

“Ndị k'a hụn isi gbapụ k'a gbashi elu ugu, a rịa lekẹ nduru rị ọdanmgbugbu, onyẹ-onyẹ hụ a kwannị njọ a.

Hosia 13:6

E ye m wẹ ihiẹn-oriri, ẹfọ e jun wẹ; ẹfọ e jungụ wẹ, wẹ nọ pachemẹ, zọ m.

Hosia 8:14

Izrẹlụ Ẹbamịn-ugu a zọgụọ Onyẹ keni wẹ, rụnsọnmẹ okẹn ụlọ: Juda hụ a tụnhunmẹ obodo-obodo mgbọn. M jẹnkọ nwan d'e zi ọkụn ye obodo ndị ahụn, ọkụn a dụnpụ okẹn ụlọ ndị ahụn.”

Maịka 3:9

Gọnkwọ nị ntịn, ụnụ ndị-isi ebọn Jekọpụ! Ụnụ ndị-ọkịkị Izrẹlụ! Ụnụ ndị ezigbo eṅẹn e ze ize, hụn e bu ihiẹn ile kụrụ ọtọ isi a kpọma alị,

Ọgụngụn 22:32

Mmọn-ozi Osolobuẹ ahụn nọ sị a, “K'i fịannị jaki i ihiẹn mgbe ẹtọnị? M bịa d'e chekin i ụzọ makẹni ijẹnni i jẹnkọ jọgbu enwẹn ẹ ẹnya m.

Ndị Kọrẹntị Nke Ẹbụọ 7:10

Makẹni, wẹ jụgbọ ịhịan nị hụnyẹ a nị a fụ a kẹ Osolobuẹ dọn chọ, o mẹ ẹ rohutọ — mmanị arịkọ a; kanị omẹni ize k'o ze hụnyẹ, ọnwụn k'o buhẹ.