Jerimaya 3:13 - Ika

¹³ Ka kwerihụ nị y'e mẹọlẹ njọ, nị y'e nupụgụọ isi okpuru Osolobuẹ wụ Chuku i, y'e wegụọ enwẹn i kwanị mmọn alị ọzọ rị ichẹn-ichẹn okpuru osisi ọwụlẹ duni, y'e mẹni ihiẹn m sị ị mẹ.” Ya kẹ Osolobuẹ ku.

Jerimaya 3:13 Iomraidhean Croise

Nehemiah 9:2

Ndị wụ ndị Izrẹlụ kẹti-kẹti e wepụgụọlẹ enwẹn wẹ ebe ndị alị ọzọ ile rị. Ya wẹ nọ nọ ebe wẹ wuzo kupụha njọ wẹ lẹ njọ ndị nẹdi wẹ kanị.

Itẹn 28:13

Ara masịnị onyẹ hụn e kpumẹ njọ a, kanị onyẹ hụn e kupụha njọ a, e bihutọ ẹka, kẹ wẹ e mẹni omikẹn.

Azaya 57:5

Ụnụ ile hụn rị a kpasu enwẹn ụnụ lekẹ ịgbaraja ebe lẹ ebe osisi okuu duni jun lẹ okpuru osisi ọwụlẹ duni — ebe ụnụ rị a rụa mmọn; ụnụ ndị rị e gi mmụ ụnụ a chụn ẹjan imẹ ọdanmgbugbu lẹ oghe rịsọnmẹ mkpọnụnụ ugu.

Jerimaya 14:10

Lee ihiẹn Osolobuẹ ku banyeni ndịnị: “Ịkpahuni a sụọ wẹ ọda-ọda; ụkụ ara nọ wẹ ụzọ ohu. Ufiri ẹ kẹ Osolobuẹ gilẹni a nabanhan wẹ; m jẹnkọ nwan d'a nyanhan eje-omumẹ wẹ, ye wẹ afụnfụn njọ wẹ.”

Jerimaya 14:20

Euu, Osolobuẹ, ẹnyi e kwerigụọ nị ẹnyi e mẹọlẹ njọ lẹni ndị nẹdi ẹnyi mẹ njọ; ẹnyi e mẹgụọ ị njọ nke-esi.

Jerimaya 2:20

O teọlẹ ị kpagipụ ihiẹn m gi limẹ i, tibepụ eriri ẹ; ị sị, ‘Efekọ m'ị!’ Eziẹ-eziẹ, y'a nọ elu òke ọwụlẹ jẹn elu lẹ okpuru osisi ọwụlẹ duni e we enwẹn ụnụ a kwanị mmọn lẹ iyi — kẹ ịgbaraja dọn e mẹ ịhịan.

Jerimaya 2:25

‘Kụsịkwọ makẹ akpụkụ ị gha e richanpụchanrịn, makẹ ẹkpịrị gha a kpọ ị nkụn.’ Kanị ị sị, ‘Agwazịlẹ m! Mmọn ndị ọzọ a sụọmarịngụọ m, m k'e sọnrịrị wẹ!’

Jerimaya 3:2

“Ledẹ ẹnya elu òke ndịnị nwọnlẹni ihiẹn rịn'a, elee hụn ị nọtulẹni we enwẹn i ye wẹ gi mẹ ihiẹn sụọnị wẹ? Y'a nọdị alị mkpẹnrẹn ụzọ kẹ ịgbaraja, a rịọ alị ichẹn-ichẹn, e chedẹ wẹ ụzọ a dọdọn lekẹ onyẹ Arabụ rị imẹ atụ; y'e mẹrụchanrịngụọ alịnị ebe ị rị e sọn mmọn kẹ ịgbaraja lẹ ebe ị rị e bi eje-obibi.

Jerimaya 3:25

Nị ẹnyi gi ifẹnrẹn ihiẹn ẹnyi mẹ dan alị, nị ẹnyi nị ifẹnrẹn ihiẹn ẹnyi mẹ ru ẹnyi ẹhụ. Ẹnyi e mẹgụọ Osolobuẹ wụ Chuku ẹnyi njọ — kẹ ẹnyi kẹ ndị nẹdi ẹnyi; ghakwọrị ebe ẹnyi rị nwata d'e ru tannị, ẹnyi e ara humẹni Osolobuẹ wụ Chuku ẹnyi isi.”

Jerimaya 3:6

Ogẹn Josaya gi wụ eze Juda, Osolobuẹ nọ sị m, “Y'a hụngụọ ihiẹn Izrẹlụ Ẹbamịn-ugu danpụgụnị mẹ? O jẹnsọnmẹgụọ elu òke jẹn elu lẹ okpuru osisi ọwụlẹ duni d'a gba ịgbaraja a wụ ife mmọn ichẹn-ichẹn.

Jerimaya 7:24

Kanị, egọndẹni wẹ ntịn, achọdẹni wẹ nị wẹ nụ; a gbasọnmẹdẹ wẹ isi-akwanran, mẹsọnmẹ ihiẹn eje-obi wẹ ye wẹ. Hụn nkẹ w'e gi e shi ihun, wẹ hụ a la azụụn.

Jerimaya 7:26

Kanị ndị mụkwasị ụnụ nkẹ egọnzikwọnị m ntịn, efeyeni wẹ oku m ẹnya. E busọnmẹ wẹ isi-ikẹn, mẹkarịdẹ ndị nẹdi wẹ eje-ihiẹn.’

Izikẹlụ 16:15

“ ‘Kanị ị nọ gi mma-ẹhụ ị dọn ẹnya, gi ufiri ẹfan ị rị a kpọnị gụnma agụngụn ịgbaraja. E we ẹhụ ị e ye onyẹ ọwụlẹ ghafekọnị n'o mẹ mgba ị.

Hosia 5:15

A la m wẹ tọ, jẹnmẹ d'e ru mgbe wẹ kweri n'e mẹgụọ wẹ eje-ihiẹn, chọma ihun m. Eziẹ-eziẹ, wẹ tabe afụnfụn, e gi wẹ obi wẹ ile chọma m.”

Ditrọnọmi 12:2

Tikpọpụchanrịn nị ebe ile alị ichẹn-ichẹn ụnụ k'e weri alị wẹ a nọ e fe mmọn-lẹ-iyi wẹ — kẹ ndị rịsọnmẹ ugu jẹn elu, kẹ ndị rịsọnmẹ elu òke kẹ ndị rị okpuru osisi ile nwọn igungun ghalẹni a gbụ ẹhụhụọ.