Jerimaya 3:12 - Ika

¹² “D'e bu ẹnya zinmẹ ẹbamịn-ugu n'ị hị ihiẹnni: sị wẹ, ‘Izrẹlụ danpụgụnị, kinhẹn azụụn.’ Ya kẹ Osolobuẹ ku. ‘Ebupụkọzị m ụnụ ihun, onyẹ omikẹn kẹ m wụ.’ Ya kẹ Osolobuẹ ku. “Ewekọ m iwe jẹnrin ejẹn.

Jerimaya 3:12 Iomraidhean Croise

Jẹnẹsisi 4:7

I mẹ ihiẹn rị mma, anabanhankọ m'ị? Kanị, omẹni y'e gini ẹka rị mma sọn ihiẹnni, lẹhụ, njọ warị ọnụmụzọ; ọ rị a chọ ị. Mẹrikwọ a!”

Ndị-nze Nke Ẹbụọ 15:29

Ogẹn Pẹka gi wụ eze Izrẹlụ Ẹbamịn ugu kẹ eze Asiria — hụn wụ nwan Tiglatị-Pilesa — gizi bịa, weri obodo ndịnị wẹ: Ijọnụ lẹ Ebẹlụ-Bẹt-Maaka lẹ Janụa lẹ Kẹdẹshi lẹ Hazọ. Ọ nọzị weri Gilẹdị lẹ Galili (o weri alị Naf'tali ile rị Galili). Ọ nọ kpụnrụn ndị bini wẹ, shi alị a wụ Asiria.

Ndị-nze Nke Ẹbụọ 17:23

Osolobuẹ e we wepụ wẹ ihun ẹ, owepụ ahụn o gisọnmẹ ndị amụma ndị idibo ẹ ile gwatọ wẹ. E wepụ wẹ nwan ndị Izrẹlụ Ẹbamịn ugu alị wẹ, kpụnrụn wẹ shi Asiria, wẹ hụ nwan ebẹhụ d'e ru tannị.

Ndị-nze Nke Ẹbụọ 17:6

Hụn mẹ ẹ ahụa itenẹi Hoshia kịma, eze Asiria nọ saẹka mẹri Sameria, ọ ban a ẹka; ọ nọ kpụnrụn ndị Izrẹlụ Ẹbamịn ugu shi Asiria. Ọ nọ mẹ wẹ birisọnmẹ imẹ Hala lẹ Gozanị rị ẹhụ Iyi Habọ lẹzi obodo ndị ọzọ rị alị ndị Mẹdịa.

Ndị-nze Nke Ẹbụọ 18:1

Hụn mẹ ẹ ahụa ẹtọ Hoshia nwa Ẹla kịma ndị Izrẹlụ rị Ẹbamịn ugu kẹ Hezikaya nwa Ahazị họnrin eze ndị Juda.

Ihiẹn Mẹni Nke Ẹbụọ 29:10

“M chọ nwan nị m kwe Osolobuẹ wụ Chuku Izrẹlụ nkwa nị ẹnyi jẹnkọ d'e mẹ ihiẹn o ku, kẹni okẹn-olulu o gi e sọn ẹnyi rọ.

Ihiẹn Mẹni Nke Ẹbụọ 30:9

Ụnụ rogharị femẹzi Osolobuẹ, ndị nwụnrụn umunẹ ụnụ lẹ ụmụ ụnụ k'e mẹni wẹ omikẹn, a nị wẹ wẹ lụakinhẹn alịnị, makẹni Osolobuẹ wụ Chuku ụnụ wụ onyẹ ẹfọma lẹ onyẹ omikẹn. O bupụkọ ụnụ ihun, omẹni ụnụ e rogharị femẹzi ẹ.”

Ẹbụ-ọma 103:17

Kanị ihiẹn-ọsụsụọ Osolobuẹ e sọn ndị a gbayen'ẹ gha alị lala, o sọn wẹ jẹnrin ejẹn; o mẹsọnmẹni wẹ ihiẹn furuni d'e rudẹ ẹka ụmụ lẹ ụmụ-ụmụ wẹ,

Ẹbụ-ọma 103:8

Osolobuẹ e mẹ omikẹn, o mẹyeni ịhịan; ara bukẹnrin olulu, o mẹni ndị nke ẹ omikẹn.

Ẹbụ-ọma 103:9

O kpebe, ọ gbagharị; ara we iwe jẹnrin ejẹn.

Ẹbụ-ọma 145:8

Osolobuẹ e mẹyekẹni ịhịan; o mẹ omikẹn; ara bukẹnrin olulu; o nwọnkẹ ihiẹn-ọsụsụọ.

Ẹbụ-ọma 79:5

Osolobuẹ, nanị k'o k'e biehan? N'i busọn ẹnyi olulu jẹnrin ejẹn? N'i gi ẹnyanị rị a fụn'ị dụngbu ẹnyi lekẹ ọkụn?!

Ẹbụ-ọma 86:15

Kanị Osolobuẹ, ị wụ Chuku omikẹn hụn e mẹyeni ịhịan, Chuku hụn ghalẹni e bukẹnrin olulu, onyẹ okẹn ihiẹn-ọsụsụọ hụn e mẹsọnmẹ hụn run'ẹ.

Ẹbụ-ọma 86:5

Makẹni y'a rịka mma, Osolobuẹ; y'a gbagharị njọ; y'a ghọsị ndị a kpọkun'i ihiẹn-ọsụsụọ ọda-ọda.

Itẹn 28:13

Ara masịnị onyẹ hụn e kpumẹ njọ a, kanị onyẹ hụn e kupụha njọ a, e bihutọ ẹka, kẹ wẹ e mẹni omikẹn.

Azaya 31:6

“Euu ndị Izrẹlụ, kin ni nwan azụụn buru Osolobuẹ, ọ sụọn'a nị ụnụ e gigụọ nnupụ-isi ụnụ mẹ ẹ njọ ọda-ọda.

Azaya 44:22

E finchanpụgụọ m mmẹfie ụnụ ile rịkẹ igwere gitọnị, zapụ njọ ụnụ lekẹ igirigi ụtụntụn. Kinhẹn ni nwan d'e kunrun m, n'a gbarịgụọ m ụnụ.

Jerimaya 11:6

Ya kẹ Osolobuẹ nọ sị m, “D'a hị ihiẹnni imẹ obodo ndị rị alị Juda lẹ ọgbara-ogbe ile rị imẹ obodo Jerusalẹm, sị wẹ, ‘Gọn ni ntịn ihiẹn mmẹ lẹ ụnụ kwerigbama, ụnụ e gi ẹ e bi.

Jerimaya 12:15

M huepụgụ ndị alị ndị ahụn ile, m k'e mẹni Izrẹlụ omikẹn, wekinsọnmẹ onyẹ-onyẹ ukuu ẹ lẹ alị a.

Jerimaya 23:8

Wẹ k'a gha a sị, ‘Ma Osolobuẹ hụn gha alị rị ẹbamịn-ugu lẹ alị ile o te chụshi ndị Izrẹlụ wekinhẹn wẹ alị wẹ.’ Makẹni, ogẹn ahụn wẹ k'e birizi alịnị hụn wụ nke wẹ.”

Jerimaya 3:1

“Okẹnnyẹ kpechan nwunyẹ ẹ, nị hụn okpoho a pụ, lụma okẹnnyẹ ọzọ, nị di ẹ mbụ lụmazị a? Alị a rụchanrịnkọ o mẹ ẹ? Kanị ị hụ e bi kẹ ịgbaraja ya lẹ ndị bu ọda rị a sụọ, nị ị buruhẹzi m nwan?” Ya kẹ Osolobuẹ ku.

Jerimaya 3:14

Osolobuẹ sị, “Ụnụ ndị danpụgụnị: kinhẹn ni, nị mmẹ wụ di-nwọnni ụnụ! M k'a gha imẹ igunrun ụnụ họrịsọnmẹ onyẹ ohu-ohu imẹ obodo ọwụlẹ, madụ ẹbụọ-ẹbụọ imẹ ebọn ọwụlẹ, e welụa m wẹ obodo Zayọnụ.

Jerimaya 3:18

O ru ogẹn ahụn, ikpụlọ Juda k'a bannị ikpụlọ Izrẹlụ. Wẹ ile k'a wị gha alị rị ẹbamịn-ugu lụaha alịnị m ye ndị nẹdi ụnụ kanị weri nị ya wụ ukuu wẹ.

Jerimaya 3:22

Ụnụ ndị danpụgụnị, kinhẹn ni; m k'a zụọ ụnụ emu ịdankin-azụụn. “Ẹghẹẹ, ẹnyi k'e kinhẹn, makẹni ịyụ wụ Osolobuẹ Chuku ẹnyi.

Jerimaya 3:5

n'ị tọ e ze ize? N'i busọnmẹ olulu jẹnrin ejẹn?’ Ẹnịna kẹ ụnụ e ku, kanị ụnụ e mẹsọnmẹ eje-ihiẹn ile a nị ụnụ e mẹ.”

Jerimaya 3:7

Ihiẹnni ile o mẹ, m te roni o k'e kinhẹn d'e kunrun m, kanị, o kinhẹnni. Juda nwẹnẹ-ẹ-okpoho ẹnya rịlẹni ụzọ ohu a hụnghọ ihiẹn mẹni.

Jerimaya 30:11

M k'a nọyen'i, zụọpụha ị. Ọsụọn'a m tikpọchanrịn alị ndị ahụn ile m fe i ye, e tikpọchanrịnkọ m'ị. M k'e ye i afụnfụn nkesi, kanị hụn furuni; anịkọ m'ị lachanrịn ọfẹ. Ya kẹ Osolobuẹ ku.”

Jerimaya 31:20

Osolobuẹ sị: ẹlẹ nwa m kẹ Ifrem wụdẹ nwan ra; nwa m hụn rị m obi, nwa m hụn ẹfọ gi a sụọ m ụsụọ? Ọsụọn'a nị m'e ku ẹ ni ihiẹn ọ rị e mẹ arị mma, ọ rị m obi ọda-ọda. Ọ da m ọda-ọda; omikẹn ẹ e mẹ m e mẹ.

Jerimaya 31:21

“Tumẹsọnmẹ ni ahịma wẹ gi a kọma ụzọ ẹnya; zuyesọnmẹ ni osisi wẹ gi a marịn ụzọ. Kọma nị ụwaya ẹnya — ụzọ hụn ụnụ gha pụ. Kinhẹn azụụn, nwagbọọ wụ Izrẹlụ; lụaha nị obodo ụnụ ndịnị.

Jerimaya 31:8

M jẹnkọ d'a gha alị hụ rị ẹbamịn-ugu wekinhẹn wẹ, gha ebe ile wẹ rị imẹ ụwa welụa wẹ. Ndị ẹnya-ishi lẹ ndị ngụrọ k'a rịdẹ imẹ wẹ, kẹ ikpoho rị imẹ lẹ ndị imẹ rị e mẹ, igunrun ahụn k'a lụanị k'e hi-ogbe.

Jerimaya 33:26

ya wụ a jụ m ụmụ Jekọpụ lẹ odibo m wụ Defidi, ya wụ e mẹ m ụmụ Defidi kịbehi ebọn Jekọpụ wụ Izrẹlụ — ụmụ Ebraham, Aziki lẹ Jekọpụ. Ezioku, m jẹnkọ d'e wepụha wẹ ẹka ndị gini wẹ, e mẹni m wẹ omikẹn.’ ”

Jerimaya 4:1

Osolobuẹ sị, “Ụnụ ndị Izrẹlụ, omẹni ụnụ kinla d'e kunrun m, kinhẹn ni nwan. Omẹni ụnụ e wepụghọ ihiẹn ndị ahụn rụnị ụnụ kọma ihun m, nị ụnụ akpahuzịnị;

Ẹkwan 3:22

ihiẹn-ọsụsụọ Osolobuẹ haịn wẹ gilẹni gbuchanrịn ẹnyi, makẹni omikẹn ẹ ara gụ.

Izikẹlụ 11:17

“Sị wẹ nwan, nị Osolobuẹ nwọn ihiẹn ile sị wẹ, ‘M jẹnkọ d'a gha imẹ ndị alị ndị ọzọ lẹ alị ichẹn-ichẹn m fe ụnụ ye kịlụa ụnụ; e weyezi m ụnụ alị Izrẹlụ.’

Izikẹlụ 33:11

Sị wẹ nwan nị mmẹ, Osolobuẹ Nwọn Ihiẹn ile, sị, ‘Ma isi m, o mẹkwọ nị ọnwụn eje-ịhịan a sụọ m asụọ! Ihiẹn m chọ wụ n'o bihutọ ẹka, rị ndụn!! Bihutọ nị ẹka! La nị eje-obibi ụnụ tọ! Kị ụnụ ndị Izrẹlụ k'a nwụnnị?’

Izikẹlụ 39:25

“Osolobuẹ Nwọn Ihiẹn Ile sị: M k'e wepụha nwan ebọn Jekọpụ ẹka ndị gini wẹ. Ẹghẹẹ, m sikọ nwan d'e mẹ omikẹn Izrẹlụ ile; m sikọ d'e mẹ nị m dọnmẹ Ẹfan-nsọ m.

Hosia 6:1

Wẹ k'a sị, “Nị ẹnyi kinni azụụn ebe Osolobuẹ rị! Ọ dọkịkagụọ ẹnyi, kanị, o k'a zụọ ẹnyi; ọ rụgụọ ẹnyi ẹhụ, kanị, o k'e kẹnmẹ ẹtẹ ẹnyi.

Lẹvitikọsụ 26:40

“Kanị, omẹni e gi wẹ ọnụ wẹ ku njọ wẹ lẹ njọ ndị nẹdi wẹ, ku ẹ nị wẹ gbakitọ m azụụn, mẹ m ihiẹn,

Zẹkaraya 1:4

“Anọkwọlẹ ni kẹ ndị nẹdi ụnụ kanị hụn ndị-amụma mbụ gwa oku, sị, ‘Osolobuẹ ihiẹn ile rị okpuru ẹ sị: Bibehi ni eje-obibi ụnụ rị e bi, ụnụ e mẹbehi eje-ihiẹn ụnụ rị e mẹ.’ Kanị, anụnị we, emẹni wẹ ihiẹn m sị wẹ mẹ. Ya kẹ Osolobuẹ ihiẹn ile rị okpuru ẹ ku.

Ditrọnọmi 30:2

nị ụnụ lẹ ụmụ ụnụ e gbehutọ buru Osolobuẹ wụ Chuku ụnụ, gi obi ụnụ ile lẹ umẹ-ndụn ụnụ ile mẹmẹ ihiẹn ile m gwa ụnụ tannị,