Jerimaya 29:8 - Ika

⁸ “Ẹghẹẹ! Osolobuẹ ihiẹn ile rị okpuru ẹ, hụn wụ Chuku Izrẹlụ rị a sị: ‘Anịkwọlẹ ni ndị-amụma ụnụ hụn ụnụ lẹ wẹ rị dufie ụnụ, kẹ ndị rị a gbanị ụnụ ẹfa. Egọnkwọlẹ ni ntịn nrọ ndị ahụn ụnụ rị a rọ,

Jerimaya 29:8 Iomraidhean Croise

Jerimaya 14:14

Osolobuẹ nọ sị m, “Amụma-ntụ kẹ ndị-amụma ahụn rị e gi ẹfan m e bu. Ẹlẹ mmẹ zi wẹ; ẹlẹ mmẹ tumẹ wẹ; onwọnni ihiẹn m sị wẹ ku. Wẹ rị a hụnnị ụnụ ọhụn wụlẹni ezioku, a gba ẹfa nwọnlẹni isi, e ku ihiẹn uche wẹ gwa wẹ.

Jerimaya 23:16

Osolobuẹ ihiẹn ile rị okpuru ẹ sị, “Egikwọlẹ ni ihiẹn ndị-amụma hụ rị a gwa ụnụ dọn. Wẹ rị e dufie ụnụ! Ihiẹn wẹ rị e ro kẹ wẹ rị e ku, ẹlẹ ihiẹn wẹ nụ ọnụ Osolobuẹ.

Jerimaya 23:21

Ezini m ndị-amụma hụ, e jẹnmẹ wẹ d'e zi ozi wẹ; agwanị m wẹ ihiẹn ọwụlẹ, bụ wẹ hụ e bu amụma.

Jerimaya 23:25

“A nụgụọ m ihiẹn ndị-amụma hụ gi ẹfan m e bu amụma ntụ rị e ku; wẹ rị e mẹ oku nrọ, ‘O nwọn ihiẹn m rọhụn; o nwọn ihiẹn m rọhụn!’

Jerimaya 23:27

Ndịnị hụn rị a chọ nị wẹ gi nrọ ndị ahụn w'e ziẹnni ibe wẹ mẹ ndị nke m zọ ẹfan m, nọkẹ kẹ ndị nẹdi wẹ dọn zọ ẹfan m ebe wẹ rị a rụa Baalụ.

Jerimaya 27:9

Ya wụ, egikwọlẹ ni oku ndị-amụma ụnụ dọn — wẹ lẹ ndị a gbanị ụnụ ẹfa lẹ ndị a rọ nrọ imẹ igunrun ụnụ lẹ ndị a hụnnị ụnụ ụzọ lẹ ndị-ihẹnrẹn ụnụ — ebe o mẹ ni wẹ rị a sị ụnụ nị “Eze Babilọnụ emẹrikọ ụnụ.”

Jerimaya 28:15

Jerimaya onyẹ-amụma nọzị sị Hanania onyẹ-amụma, “Hanania, gọn nwan ntịn, Osolobuẹ ezini i bu amụmanị, kanị ị nọ mẹ ndịnị gi ntụ dọn.

Jerimaya 29:1

Ọnwan wụ ihiẹn onyẹ-amụma wụ Jerimaya de imẹ ẹkụkwọ-ozi. Obodo Jerusalẹm k'ọ nọ de ẹ jẹnni ndị-isi họdụ imẹ ndị wẹ kpụnshi alị Babilọnụ, wẹ lẹ ndị nchụn-ẹjan lẹ ndị-amụma lẹ ndị ọzọ ile Nebukadineza gha Jerusalẹm kpụnshi alị Babilọnụ.

Jerimaya 29:15

“Ikẹnkwọ ụnụ hụ a sị enwẹn ụnụ, ‘Osolobuẹ e wepụhagụọnị ẹnyi ndị-amụma imẹ Babilọnụ ebeni ẹnyi rị.’

Jerimaya 29:21

Lee ni ihiẹn Osolobuẹ ihiẹn ile rị okpuru ẹ hụn wụ Chuku Izrẹlụ ku banyeni Ehabụ nwa Kolaya lẹ Zẹdikaya nwa Maaseya, madụ ẹbụọ hụ gi ẹfan m e buni ụnụ amụma-ntụ: ‘M jẹnkọ d'e bu wẹ che ẹka Nebukadineza wụ eze alị Babilọnụ, o gbu wẹ idẹnya ụnụ.

Jerimaya 29:23

M k'e mẹ wẹ ẹbụbụọ ẹrịra makẹni e mẹgụọ wẹ arụ imẹ Izrẹlụ; a nagụọ wẹ ibe wẹ inyẹnmẹ, gi ẹfan m tụ ntụ, ku ihiẹn m gwalẹni wẹ kụ. A marịnghọ m ihiẹn wẹ mẹ; m wụ ọshẹri.’ ” Ya kẹ Osolobuẹ ku.

Jerimaya 37:9

Osolobuẹ sị ụnụ — atụkwọlẹ ni enwẹn ụnụ ntụ nị ndị Babilọnụ k'a hatu ụnụ ye. Ahatukọkwọ wẹ ụnụ!

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Ẹkwan 2:14

Ọhụn ndị-amụma ị hụnnị ị wụhụ ọhụn ntụ lẹ ọhụn nwọnlẹni isi, agwapụnị wẹ i njọ ị, gi ẹ napụ ị ẹgbụnnị kunrunn'i nwan. Oku wẹ gwa ị nị ya kẹ Osolobuẹ ku wụhụ ntụ lẹ ndufie.

Izikẹlụ 13:6

Wẹ hụ a hụn ọhụn ntụ, a gba ẹfa ntụ, a sị, ‘Osolobuẹ sị,’ bụ Osolobuẹ ezini wẹ; kanị wẹ hụ e lee ẹnya nị oku wẹ bụn.

Maịka 2:11

nọkẹ sị onyẹ-amụma ntụ te pụha a sị ndịnị, ‘Manya lala — kẹ hụn a tụnị,’ onyẹ-amụma nọ ẹrịra ya nwọn a sụọ ndịnị!

Zẹkaraya 13:4

Ifẹnrẹn ibu-amụma k'a rị e mẹ ịhịan ogẹn ahụn; eyikọzi wẹ akpụkpọ-anụ nọkẹ ndị amụma amamgbe ịhịan a marịn wẹ.

Matiu 24:24

Makẹni, ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha, rụnsọnmẹ okẹn ihiẹn-ahịma lẹ ọrụn-atụmẹnya, kẹni wẹ dufie ịhịan, dufiedẹ ndị Osolobuẹ họrị omẹni o te k'a nị wẹ mẹ.

Luku 21:8

Jesu nọ sị wẹ, “Dọnrin ni ẹnya makẹ wẹ gha e dufie ụnụ. Makẹni, ndị bu ọda sikọ d'e gi ẹfan m bịa, a sị, ‘Mmẹ wụ Kraịstị;’ a sịzị, ‘Ogẹn hụ e rugụọ!’ Ka esọnkwọlẹ ni wẹ.

Luku 6:26

Nsọngbu rị e che ụnụ ogẹn ọwụlẹ ịhịan ile rị e ku oku ụnụ ọhụnma, makẹni ẹrịra kẹ ndị nẹdi wẹ mẹ ndị amụma-ụgha mbụ-mbụ.

Ndị Rom 16:18

Makẹni ndị nọ ẹrịra arị e fe Di-nwọnni-ẹnyi wụ Kraịstị, kanị ẹfọ wẹ lẹ ihiẹn a gụnnị wẹ kẹ wẹ rị e fe. W'e gi ọnụ-ọma lẹ oku ọnụnụ-ire e dufie ndị marịnlẹni ihiẹn.

Ndị Ẹfẹsọsụ 4:14

makẹ ẹnyi gha a wụsọnmẹ ụmụẹka, ndị ẹbi e bushi ihun-lẹ-azụụn, ndị-nkuzi ọwụlẹ e buhunmẹ kẹ ufere, ndị ịhịan gi nkuzi ẹro lẹ aghịghọ e dufie.

Ndị Ẹfẹsọsụ 5:6

Anịkwọlẹ ni onyẹ ọwụlẹ gi oku nwọnlẹni isi dufie ụnụ, makẹni ufiri ihiẹn ndịnị kẹ iwe-lẹ-ọnụma Osolobuẹ gi a bịanị ndị nnupụ-isi.

Ndị Tẹsalonika Nke Ẹbụọ 2:3

Anịkwọlẹ ni onyẹ ọwụlẹ gi ụzọ ọwụlẹ dufie ụnụ: Ụhụọhịn hụ abịakọ mmanị okẹn nnupụ-isi hụ lalanị bịagụ, e wepụhagụ wẹ Eje-ịhịan hụ, Onyẹ ahụn ntikpọ rị e che.

Timoti Nke Ẹbụọ 3:13

Kanị ndị eje-ịhịan lẹ ndị ndufie jẹnkọ d'a gha a jọwaye njọ; e dufie ndị ọzọ, ndị ọzọ hụ e dufie wẹ.

Jọnụ Ibuzọ 4:1

Ndị nke m, ẹlẹ mmọn ile gi ịhịan ku oku kẹ ụnụ k'e kweyeni, ka e lelegụ nị kẹ wẹ gha ẹka Osolobuẹ bịa nke-esi, makẹni, ndị amụma-ntụ bu ọda a pụhagụọ imẹ ụwa.

Rẹvẹleshọnụ 13:14

O gi ọrụn-atụmẹnya ndịnị wẹ ye ẹ ikẹn rụndọnni eje-anụ ibuzọ hụ dufie ndị bi elu-ụwa, sị wẹ kpụ eje-anụ ibuzọ ahụn wẹ gi ọpịa-agha begbu, hụn rịzị nwan ndụn.

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;