Jerimaya 29:12 - Ika

¹² “ ‘Ụnụ jẹnkọ d'a kpọku m, mẹ ekpere, rịọ m, a za m ụnụ.

Jerimaya 29:12 Iomraidhean Croise

Ihiẹn Mẹni Nke Ẹbụọ 33:13

Ogẹn o gi mẹ ekpere jẹnni Osolobuẹ, arịrịọ a nọ mẹtụ Osolobuẹ, ọ nọ gọn ẹ ntịn; ya ọ nọ wekinhẹn ẹ Jerusalẹm, wezi alị-eze ẹ ye ẹ kịma. Ya kẹ Manasẹ nọ marịn nị Osolobuẹ wụ Chuku nke esi.

Ihiẹn Mẹni Nke Ẹbụọ 6:38

e gi wẹ obi wẹ ile lẹ umẹ-ndụn wẹ ile gbehutọ buruhẹ i ebẹhụ wẹ rị imẹ alị wẹ nwụnjẹn wẹ, bu ihun zinmẹ alị i ye ndị nẹdi wẹ lẹ obodoni ị họrị lẹ ụnọ-nsọ m tụn makẹ Ẹfan ị;

Jobu 22:27

I mẹ ekpere kpọku ẹ, ọ nụ olu i; yụ nwẹn k'e mẹzu nkwa ndị i kwe ẹ.

Ẹbụ-ọma 10:17

Euu Osolobuẹ, y'a nụgụọ ihiẹn ndị wẹ rị a bịangbu rịọ ị; y'a gba wẹ umẹ a gba; y'a nụ ẹkwan wẹ a nụ —

Ẹbụ-ọma 145:19

O ye ndị hụn a gbayen'ẹ ihiẹn a gụnnị wẹ; ọ nụ ẹkwan wẹ, a zụọpụha wẹ.

Ẹbụ-ọma 50:15

kpọku m ogẹn nsọngbu, m k'a zụọpụha ị, y'a ja m mma.

Azaya 26:16

Osolobuẹ, wẹ buruhẹ i kẹ wẹ rị imẹ nsọngbu — nsọngbu hụn i gi rị a dọ wẹ ẹka-ntịn, wẹ hụ e ku ẹkẹrẹ-ẹkẹrẹ, e mẹ ekpere.

Azaya 30:19

Ụnụ ndị Zayọnụ, ndị bi Jerusalẹm, ụnụ akwankọzị ẹkwan. O jẹnkọ d'e mẹni ụnụ omikẹn ọda-ọda ụnụ kwanghọsị a! Hụn o gihụ nụ ẹkwan ụnụ, o k'a za ụnụ.

Azaya 65:24

Wẹ gini d'a kpọku m, a za m wẹ; wẹ gini d'a rịọgụ, a nụgụọ m ekpere wẹ.

Jerimaya 31:9

Wẹ k'e gi ẹkwan lụaha; wẹ k'a rị a rịọ m m welụakọnị wẹ. M k'e wejẹnsọnmẹ wẹ mkpẹnrẹn mirin rị mma, we wẹ ghasọnmẹ ụzọ riẹnni makẹ wẹ gha a kpọgburu, makẹni mmẹ wụ nẹdi Izrẹlụ; Ifrem wụ nwa ibuzọ m.”

Jerimaya 33:3

‘Kpọku m, m k'a za ị, gwa ị okẹn-ihiẹn zuerini, hụn ị marịnlẹni.

Jerimaya 50:4

“Osolobuẹ sị, ‘O ru ogẹn ahụn, ndị Izrẹlụ Ẹbamịn-ugu lẹ ndị Juda k'e gi ẹnya-mirin chọma Osolobuẹ wụ Chuku wẹ.

Jerimaya 51:50

Ụnụ ndị wanahịn ọpịa-agha, a la nị, emẹkwọlẹ ni ẹlẹẹ! Nyanhan nị Osolobuẹ ebẹhụ teni ụnụ rị, nyanhan nị Jerusalẹm ebẹhụ.

Izikẹlụ 36:37

“Osolobuẹ Nwọn Ihiẹn Ile sị: ‘M k'a nịzị ndị Izrẹlụ rịọ m mẹni wẹ ihiẹn; m k'e mẹ ndị nke wẹ barahị nọkẹ atụnrụn,

Hosia 14:9

Ndị marịn ihiẹn wẹ ghọta ihiẹn ndịnị; ndị nwọn nghọta wẹ marịn ihiẹn wẹ wụ. Makẹni ụzọ Osolobuẹ furu efuru, ndị kụrụ ọtọ a gha wẹ, kanị ndị e mẹfieni a kpọgburu, a dan.

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”