Jerimaya 29:11 - Ika

¹¹ Makẹni, a marịnghọ m ihiẹn m bu obi banyeni ụnụ: ihiẹn rị mma rọ, ẹlẹ eje-ihiẹn, k'o dọn rịnị ụnụ mma ihun, kẹ ụnụ a dọn nwọn olilẹnya. Ya kẹ Osolobuẹ ku.

Jerimaya 29:11 Iomraidhean Croise

Jobu 23:13

Okusị-ọgụ k'ọ wụ; onyẹ k'a jụ a ihiẹn ọwụlẹ? Ihiẹn sụọn'a k'o mẹ.

Ẹbụ-ọma 33:11

Kanị ihiẹn Osolobuẹ romẹ k'a rị a bụn jẹnrin ejẹn, ihiẹn o bu obi k'a rị a gha ihun gha agbọ pụ agbọ.

Ẹbụ-ọma 40:5

Osolobuẹ wụ Chuku m — y'a rụnọlẹ ihiẹn a tụ ẹnya bu ọda i rotọnị ẹnyi; onwọnni onyẹ nọ kẹ ịyụ; m sị nị m gbama wẹ, wẹ k'a karị ẹka.

Ẹbụ-ọma 85:9

Ẹghẹẹ, o biekọ d'a zụọ ndị e fen'ẹ, kẹni alị ẹnyi nwọnmẹzi ọghọ a.

Azaya 27:4

Iwe arịzị e we m. Kanị, omẹni o puni m ogun-lẹ-ọkịnkan, a lụsọn m'a agha, e bi m ọkụn ye ẹ.

Jerimaya 23:5

Mmẹ wụ Osolobuẹ sị, “Ogẹn lala hụn m k'e gi wepụhanị Defidi Agalaba rị ọchan, eze hụn k'e gi akọ-lẹ-uche kị, e mẹ ihiẹn rị mma lẹ ihiẹn furuni imẹ alịnị.

Jerimaya 23:6

Ọ kịma, Juda a hụn isi, ihiẹn emẹkọ Izrẹlụ. Ẹfan wẹ k'e gi marịn a wụ: ‘Osolobuẹ A Tụnị Ẹnyi Ụya’.

Jerimaya 24:5

“Lee ihiẹn mmẹ Osolobuẹ hụn wụ Chuku Izrẹlụ rị e ku: Ogbe figi ndị ahụn rị mma wụ ndị Juda hụn m zipụ shi alị ndị Kal'di wụ Babilọnụ. M k'e weri wẹ kẹ ndị rị mma.

Jerimaya 30:10

“Odibo m wụ Jekọpụ, atụkwọlẹ egun; ẹghẹẹ, Izrẹlụ anịlẹ ndụn gụ ị. M jẹnkọ d'a gha alị hụ teni zụọpụha ụnụ; m jẹnkọ d'a zụọpụha ụmụ ị ẹka alị hụ gini wẹ. Ẹghẹẹ, Jekọpụ jẹnkọ d'e bi udọn lẹ ndọnkwa; onwọnzini onyẹ k'e rọn ẹ egun.

Jerimaya 30:9

“Osolobuẹ wụ Chuku wẹ kẹ wẹ k'e femẹ, ya lẹ eze wẹ onyẹ ẹbozo Defidi hụn m k'e wepụhanị wẹ.

Jerimaya 33:6

“ ‘Kanị, m jẹnkọ d'e dọnzi obodoni; m k'a zụọ wẹ, a dịnhịn wẹ, e mẹ m ihiẹn rịnị wẹ mma ọhụnma-ọhụnma, mẹsọnmẹ wẹ kẹ ndị nke m.

Ẹkwan 3:26

ọ rịka mma nị ịhịan gi ndidin cheri nị Osolobuẹ zụọpụha a.

Izikẹlụ 11:16

“Sị nwan, ‘Lee ni ihiẹn Osolobuẹ nwọn ihiẹn ile ku: Ọsụọn'a nị e te kpọnghọ m wẹ shi alị ndị ọzọ rị ebe teni, fe wẹ yesọnmẹ alị ichẹn-ichẹn, m hụ a nọyeni wẹ ẹkẹrẹ imẹ alị ndị wẹ shi.’

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Maịka 4:12

Kanị amarịn wẹ ihiẹn Osolobuẹ romẹ, aghọtanị wẹ uche ẹ; aghọtanị wẹ n'o kpọnhẹn wẹ d'a kụkpọ kẹ ọka!

Zẹkaraya 1:6

Kanị, ihiẹn ile m zi idibo m ndị-amụma d'a gwa ndị nẹdi ụnụ nị m k'e mẹ wẹ e mẹghọ wẹ, ẹlẹ ya? Ya kẹ ndị nẹdi ụnụ nọ nwan rohutọ, sị, ‘Ihiẹn ahụn Osolobuẹ wụ Chuku ẹnyi sị o k'e mẹ ẹnyi makẹ eje-omumẹ ẹnyi lẹ eje-ihiẹn ẹnyi mẹ k'o mẹ nwan ẹnyi.’ ”

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”