Jerimaya 27:7 - Ika

⁷ Alị ile jẹnkọ d'e humẹn'ẹ isi, humẹni nwa a isi, humẹzini nwa-nwa a isi d'e ru ogẹn m'e gi tikpọzịkwọ alị ya nwẹn wụ Babilọnụ. O ru ogẹn hụ, alị bu ọda lẹ ndị-nze bu ọda a kpazịkwọ ikẹn jẹnkọ d'e mẹri Babilọnụ, kịma a.

Jerimaya 27:7 Iomraidhean Croise

Ẹbụ-ọma 37:13

kanị ẹmụ kẹ Osolobuẹ a mụ ndị-njọ, makẹni ọ marịngụọ nị ụhụọhịn wẹ lala alala.

Azaya 13:1

Ihiẹnni kẹ Osolobuẹ ghọsị Azaya nwa Emọzụ banyeni Babilọnụ.

Azaya 21:9

Lee ẹ, okẹnnyẹ ohu gi ụgbọ-ẹshin lala — lẹ ẹshin ndị wẹ kwọngbama ẹbụọ-ẹbụọ dọnkpụkọn'a. Ihiẹn ọ shịarị m wụ, ‘Babilọnụ a dangụọ! Mmọn ile wẹ kpụ e gungwọnpụgụọ tọ alị!’ ”

Jerimaya 27:22

ọ sị, ‘Wẹ k'a kwa wẹ ile shi alị Babilọnụ, a nọdị wẹ ebẹhụ d'e ru mgbe m buchezi wẹ ẹnya. O ru ogẹn ahụn, m k'e welụa wẹ, buzi wẹ che ọnọdị wẹ ebeni.’ Ya kẹ Osolobuẹ ku.”

Jerimaya 34:1

Ọnwan wụ ihiẹn Osolobuẹ gwa Jerimaya ogẹn ahụn Nebukadineza wụ eze ndị Babilọnụ lẹ ndị agha a ile lẹ ndị alị-eze ile rị okpuru ẹ gi rị a lụsọn obodo Jerusalẹm lẹ obodo ndị nọkunmẹn'ẹ agha: ọ sị a,

Jerimaya 44:30

Mmẹ wụ Osolobuẹ rị nwan e ku ẹ nị m jẹnkọ d'e we Hofra wụ Fẹro eze Ijiptu che ẹka ndị-iṅẹnrẹn ẹ rị a chọ nị wẹ gbu ẹ — kẹ m dọn we Zẹdikaya wụ eze ụnụ ndị Juda che ẹka eṅẹnrẹn ẹ wụ Nebukadineza eze Babilọnụ hụn chọkọ a ogbugbu.’ ”

Jerimaya 46:13

Ọnwan wụ ihiẹn Osolobuẹ gwa onyẹ-amụma wụ Jerimaya banyeni ọbịbịa Nebukadineza wụ eze Babilọnụ k'a bịa d'a lụsọn alị Ijiptu agha:

Jerimaya 52:31

O ru ahụa nke mmẹsa kwasị ọgụn wẹ kpụnrụn Jehoyakini wụ eze Juda, hụn wụ ahụa ibuzọ Ẹvili-Mẹrọdakị kịma Babilọnụ, Ẹvili-Mẹrọdakị nọ mẹni Jehoyakini omikẹn, gha ụlọ-ngan wepụha a. Nke akpọhịn isẹn-kwasị-ọgụn imẹ ifọn nke mmẹbụọ k'o wepụha a.

Izikẹlụ 30:24

M k'e mẹ ẹka eze Babilọnụ kẹnrẹn, bu ọpịa-agha m che ẹ ẹka, kanị m k'a kpagi Fẹro eze Ijiptu ẹka, ọ sụn udẹn ihun eze Babilọnụ nọkẹ onyẹ wẹ rụ eje-ẹhụ.

Daniẹlụ 2:37

Agụ, ịyụ wụ eze hụn rị a kị ndị-nze. Chuku hụn rị elu-igwee e yegụọ ị ọkịkị lẹ ikẹn lẹ ndị-agha lẹ ọghọ;

Daniẹlụ 4:22

Eze-Agụ, ịyụ wụ osisi hụ! Y'e họnringụọ okẹn-ịhịan zeni — y'e mẹkẹnmẹkẹ okẹn-ịhịan nọkẹ kẹ okẹn osisi hụ dọn sụntụ igwere; ọkịkị ị a ghagbarịgụọ ụwa ile.

Habakọkụ 2:7

Ndị ụnụ rị a na ụtụ elihikọ idẹnmizi maye ụnụ? Ndị k'e rọn ụnụ egun etẹnhinkọ, ụnụ nwẹn e họnrin ihiẹn wẹ kpọnlụa agha?

Habakọkụ 2:8

Makẹni ụnụ e gbugụọ ndị alị bu ọda kwarị ihiẹn wẹ, ndị họdụsọnmẹ alị ndị hụ k'e gbu ụnụ, kwarị ihiẹn ụnụ — makẹ ndị ụnụ gbu lẹ eje-ihiẹn ụnụ mẹ alị lẹ obodo rị ichẹn-ichẹn lẹ ndị bi imẹ wẹ.

Rẹvẹleshọnụ 14:8

Mmọn-ozi ọzọ, hụn mẹ ẹ ẹbụọ, nọ pụha, a sị, “Ọ dangụọ! Obodo uku ahụn wụ Babilọnụ a dangụọ! Okpoho ahụn mẹ alị ile ra manya a hụn wụ ịgbaraja a!”

Rẹvẹleshọnụ 16:19

Ya kẹ obodo uku hụ nọ kebe ụzọ ẹtọ; obodo shịa ẹfọ rịsọnmẹ alị ile nọ tikpọchanrịn. Osolobuẹ a nyanhan Babilọnụ uku hụ, we mkpu hụ iwe-lẹ-ọnụma a rị ye ẹ ra kẹ manya.