Jerimaya 27:22 - Ika

²² ọ sị, ‘Wẹ k'a kwa wẹ ile shi alị Babilọnụ, a nọdị wẹ ebẹhụ d'e ru mgbe m buchezi wẹ ẹnya. O ru ogẹn ahụn, m k'e welụa wẹ, buzi wẹ che ọnọdị wẹ ebeni.’ Ya kẹ Osolobuẹ ku.”

Jerimaya 27:22 Iomraidhean Croise

Ndị-nze Nke Ẹbụọ 25:13

Ndị Kal'di Babilọnụ hụ nọ gbuka adansụn igwe-bronzu ẹbụọ ndị ahụn rị ihun Ụlọ-nsọ Osolobuẹ, trọkụ igwe-bronzu ndị hụ afẹrẹ rịsọnmẹ lẹ tankị mirin uku igwe-bronzu hụ; wẹ nọ bu igwe-bronzu ahụn ile la Babilọnụ.

Ihiẹn Mẹni Nke Ẹbụọ 36:21

Alị nọ zu ikẹn ẹ — ọrọgbọ ile wẹ gizilẹni bi ẹ. O zu ikẹn, ahụa iri kwasị ọgụn-ẹtọ hụ e zu, nọkẹ kẹ Osolobuẹ dọn ku ghahanị onyẹ-amụma wụ Jerimaya.

Ẹzra 1:11

Wẹ ile wụ ihiẹn goru lẹ siliva nnụ kwasị nnụ-uku-isẹn (5,400). Ihiẹn ndịnị ile kẹ Shẹshibaza welụa Jerusalẹm ogẹn ndị wẹ kpụnjẹn Babilọnụ gi kinhẹn Jerusalẹm.

Ẹzra 7:19

Hụn a nị ihiẹn ile wẹ buche i ẹka wẹ gi e fe ofufe imẹ Ụlọ-nsọ Chuku i e rughọ ihun Chuku imẹ Jerusalẹm.

Ẹzra 7:9

Ụhụọhịn ibuzọ imẹ ifọn ibuzọ k'ọ gha Babilọnụ buli, ọ nọ ru Jerusalẹm ụhụọhịn ibuzọ imẹ ifọn nke isẹn, makẹni Chuku yen'ẹ ẹka ọda-ọda.

Itẹn 21:30

Onwọnni amamihiẹn mọbụ nghọta mọbụ ndụnmọdụn hụn wẹ gi e mẹri Osolobuẹ.

Jerimaya 20:5

M k'e bu ihiẹn ile ndị obodoni wụ Jerusalẹm nwọn ye ndị-iṅẹnrẹn wẹ — m k'e bu ihiẹn ile wẹ rụnpụha imẹ obodoni lẹ ihiẹn ile rị mkpa wẹ butọ lẹ ihiẹn ile ndị-nze Juda butọ ye ndị-iṅẹnrẹn wẹ, a kwarị wẹ wẹ lashi Babilọnụ, ọ wụrụ ihiẹn wẹ nwọnhẹn imẹ agha.

Jerimaya 27:21

Lee ni ihiẹn Osolobuẹ ihiẹn ile rị okpuru ẹ, hụn wụ Chuku Izrẹlụ ku banyeni ihiẹn ile họdụ imẹ ụlọ-nsọ Osolobuẹ lẹ imẹ obi-eze alị Juda lẹ imẹ Jerusalẹm:

Jerimaya 27:7

Alị ile jẹnkọ d'e humẹn'ẹ isi, humẹni nwa a isi, humẹzini nwa-nwa a isi d'e ru ogẹn m'e gi tikpọzịkwọ alị ya nwẹn wụ Babilọnụ. O ru ogẹn hụ, alị bu ọda lẹ ndị-nze bu ọda a kpazịkwọ ikẹn jẹnkọ d'e mẹri Babilọnụ, kịma a.

Jerimaya 29:10

“Osolobuẹ sị, ‘Ahụa iri kwasị ọgụn-ẹtọ alị Babilọnụ e gi kpa ikẹn zugụ, a chọha m ụnụ d'e mẹzu nkwa ahụn m gi omikẹn kwe nị m jẹnkọ d'e wekinhẹn ụnụ alị ụnụ.

Jerimaya 32:5

A sị nị Osolobuẹ sị nị ‘Nebukadineza jẹnkọ d'e we Zẹdikaya shi Babilọnụ, ọ nọdị ebẹhụ d'e ru mgbe m'e gi mẹgụ a ihiẹn.’ Nị Osolobuẹ sị, ‘Ọsụọn'a nị ụnụ lụsọn ndị Babilọnụ ọgụn, ọ ghakọnị ụnụ’?”

Jerimaya 34:2

“Osolobuẹ hụn wụ Chuku Izrẹlụ sị: Jẹnburu Zẹdikaya wụ eze alịnị wụ Juda, sị a, ‘Osolobuẹ sị: M'e d'e bu obodoni wụ Jerusalẹm che eze ndị Babilọnụ ẹka, o k'a kpọ a ọkụn.

Jerimaya 34:3

Yụ lẹ enwẹn i wụ Zẹdikaya awanahịnkọ eze Babilọnụ hụ, kaka. Wẹ k'a nwụndọnrịrị ị, bu i che ẹ ẹka. Yụ lẹ ịya k'a hụn elee-m elee-i, ụnụ e kutarị elee-m, elee-i. Wẹ k'a kpụn ị shi Babilọnụ.

Jerimaya 34:5

ọnwụn-ẹhi k'i jẹnkọ d'a nwụn. Kẹ wẹ dọn li ndị nẹdi i ọhụnma — ndị-nze hụn bu i ụzọ kị — fiyeni wẹ ọkụn, ẹrịra kẹ wẹ k'a dọn li i ọhụnma, fiyen'i ọkụn. Wẹ k'a kwan ị, a sị, “Eze ẹnyi-o! Eze ẹnyi-o!” Mmẹ lẹ enwẹn m wụ Osolobuẹ rị e kwe i nkwanị.’ ”

Daniẹlụ 5:23

Ị nọ bushimẹdẹ enwẹn i elu ebe Onyẹ nwọn elu-igwee rị, sị wẹ kịhanị ị mkpu ndị wẹ weri imẹ Ụlọ-nsọ a, ịyụ lẹ ndị-isi lẹ inyẹnmẹ i lẹ ndị mgba ị nọ gi wẹ ra manya; ị nọ jama mmọn ichẹn-ichẹn mma — kẹ nke goru kẹ nke siliva kẹ nke igwe-bronzu kẹ nke igwe-mmaka kẹ nke osisi kẹ nke ọmụma — mmọn ndị hụn ghalẹni e legha ụzọ mọbụ a nụ ihiẹn mọbụ a ghọta ihiẹn. Bụ y'e yeni Chuku ọghọ — Chuku, hụn gi ndụn ị lẹ ọpụpụ ị lẹ ọbanhan i.

Daniẹlụ 9:2

imẹ ahụa ibuzọ ọ kịma, mmẹ wụ Daniẹlụ nọ gi ihiẹn wẹ de imẹ Ẹkụkwọ-nsọ, ihiẹn hụn Osolobuẹ gi onyẹ-amụma wụ Jerimaya ku, ghọta nị ahụa iri kwasị ọgụn-ẹtọ kẹ Jerusalẹm k'e mẹ mkpọkọ-mkpọkọ.