Jerimaya 27:15 - Ika

¹⁵ Osolobuẹ sị, ‘Ezikwọnị m wẹ. Wẹ rịkwọ e gi ẹfan m e bu amụma ntụ, Ụnụ gikwọ ihiẹn wẹ ku dọn, m jẹnkọ d'a chụpụ ụnụ, ụnụ a la iwi — kẹ ụnụ kẹ ndị-amụma ahụn rị e buni ụnụ amụma ndị ahụn.’ ”

Jerimaya 27:15 Iomraidhean Croise

Ihiẹn Mẹni Nke Ẹbụọ 25:16

Kanị eze e gbu oku ye ẹ ọnụ, sị, “Onyẹ tumẹ i onyẹ-ndụnmọdụn eze? Gba nkịtịn! Ra ị chọ nị wẹ gbu i?” Ya onyẹ-amụma nọ kubehi, kanị ọ sị, “Makẹ ihiẹnni i mẹ lẹ ndụnmọdụn m ị jụ, a marịnọlẹ m nị Osolobuẹ chọ n'o gbu i.”

Jerimaya 14:14

Osolobuẹ nọ sị m, “Amụma-ntụ kẹ ndị-amụma ahụn rị e gi ẹfan m e bu. Ẹlẹ mmẹ zi wẹ; ẹlẹ mmẹ tumẹ wẹ; onwọnni ihiẹn m sị wẹ ku. Wẹ rị a hụnnị ụnụ ọhụn wụlẹni ezioku, a gba ẹfa nwọnlẹni isi, e ku ihiẹn uche wẹ gwa wẹ.

Jerimaya 20:6

“ ‘Yụ nwẹn wụ Pashuru, wẹ k'a kpụn yụ lẹ ndị ile rị iwe i shi Babilọnụ. I k'a nọ ebẹhụ nwụnhụn; ebẹhụ kẹ wẹ k'e litọ ị, kẹ yụ kẹ ndị-ọwụ ị ile ị rị a tụ ntụ n'o nwọnni ihiẹn jẹnkọ d'e mẹni.’ ”

Jerimaya 23:15

Lee ni nwan ihiẹn Osolobuẹ ihiẹn ile rị okpuru ẹ ku banyeni ndị-amụma Jerusalẹm: “M k'e mẹ elu lu wẹ ilu kẹ ihiẹn-oriri e lu ilu, ye wẹ nsọngbu ra kẹ mirin wẹ buche nshi, makẹni ndị amụmanị e mẹgụọ eje-obibi ghagbarị alịnị ile.”

Jerimaya 23:21

Ezini m ndị-amụma hụ, e jẹnmẹ wẹ d'e zi ozi wẹ; agwanị m wẹ ihiẹn ọwụlẹ, bụ wẹ hụ e bu amụma.

Jerimaya 23:25

“A nụgụọ m ihiẹn ndị-amụma hụ gi ẹfan m e bu amụma ntụ rị e ku; wẹ rị e mẹ oku nrọ, ‘O nwọn ihiẹn m rọhụn; o nwọn ihiẹn m rọhụn!’

Jerimaya 27:10

Ntụ kẹ wẹ rịkwọ a tụ ụnụ, ntụ hụn k'e wepụ ụnụ alị ụnụ, we ụnụ shi ebe tegbu enwẹn ẹ; makẹni, m sikọ d'a chụpụ ụnụ, ụnụ a la iwi.

Jerimaya 29:8

“Ẹghẹẹ! Osolobuẹ ihiẹn ile rị okpuru ẹ, hụn wụ Chuku Izrẹlụ rị a sị: ‘Anịkwọlẹ ni ndị-amụma ụnụ hụn ụnụ lẹ wẹ rị dufie ụnụ, kẹ ndị rị a gbanị ụnụ ẹfa. Egọnkwọlẹ ni ntịn nrọ ndị ahụn ụnụ rị a rọ,

Jerimaya 29:9

makẹni amụma-ụgha kẹ wẹ rị e gi ẹfan m e buni ụnụ. Ẹlẹ mmẹ zi wẹ.’ Ya kẹ Osolobuẹ ku.

Jerimaya 38:22

Wẹ k'e duru ikpoho ile họdụ obi-eze Juda dupụhanị ndị isi-agha eze ndị Babilọnụ. Ikpoho ahụn k'a mụ ị ẹmụ, a sị, ‘Ndị ọwụ ị nwẹn i gi dọn ẹnya e dufiegụọ ị, mẹri i! Ụkụ ị a tọgụọ nwan imẹ ẹpẹtẹ; ndị ọwụ ị a gbagụọ ị tọ!’

Matiu 15:14

Hatu ni wẹ, wẹ wụ ndị-ndu ẹnya-ishi: onyẹ ẹnya-ishi dumẹ onyẹ ẹnya-ishi, wẹ ẹbụbụọ k'a danye mgbugbu.”

Matiu 24:24

Makẹni, ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha, rụnsọnmẹ okẹn ihiẹn-ahịma lẹ ọrụn-atụmẹnya, kẹni wẹ dufie ịhịan, dufiedẹ ndị Osolobuẹ họrị omẹni o te k'a nị wẹ mẹ.

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;