Jerimaya 27:14 - Ika

¹⁴ Ekwerikwọlẹ ni oku ndị-amụma ndị ahụn rị a sị ụnụ, ‘Ụnụ arịkọ okpuru eze alị Babilọnụ.’ Ntụ kẹ wẹ rịkwọ a tụ.

Jerimaya 27:14 Iomraidhean Croise

Jerimaya 14:14

Osolobuẹ nọ sị m, “Amụma-ntụ kẹ ndị-amụma ahụn rị e gi ẹfan m e bu. Ẹlẹ mmẹ zi wẹ; ẹlẹ mmẹ tumẹ wẹ; onwọnni ihiẹn m sị wẹ ku. Wẹ rị a hụnnị ụnụ ọhụn wụlẹni ezioku, a gba ẹfa nwọnlẹni isi, e ku ihiẹn uche wẹ gwa wẹ.

Jerimaya 23:21

Ezini m ndị-amụma hụ, e jẹnmẹ wẹ d'e zi ozi wẹ; agwanị m wẹ ihiẹn ọwụlẹ, bụ wẹ hụ e bu amụma.

Jerimaya 23:25

“A nụgụọ m ihiẹn ndị-amụma hụ gi ẹfan m e bu amụma ntụ rị e ku; wẹ rị e mẹ oku nrọ, ‘O nwọn ihiẹn m rọhụn; o nwọn ihiẹn m rọhụn!’

Jerimaya 28:15

Jerimaya onyẹ-amụma nọzị sị Hanania onyẹ-amụma, “Hanania, gọn nwan ntịn, Osolobuẹ ezini i bu amụmanị, kanị ị nọ mẹ ndịnị gi ntụ dọn.

Jerimaya 37:19

Elebe kẹ ndị-amụma ụnụ nwẹn rị nwan — ndị nwẹn sị ị nị eze Babilọnụ abịakọ d'a lụsọn yụ mọbụ alịnị agha?

Jerimaya 38:22

Wẹ k'e duru ikpoho ile họdụ obi-eze Juda dupụhanị ndị isi-agha eze ndị Babilọnụ. Ikpoho ahụn k'a mụ ị ẹmụ, a sị, ‘Ndị ọwụ ị nwẹn i gi dọn ẹnya e dufiegụọ ị, mẹri i! Ụkụ ị a tọgụọ nwan imẹ ẹpẹtẹ; ndị ọwụ ị a gbagụọ ị tọ!’

Ẹkwan 2:14

Ọhụn ndị-amụma ị hụnnị ị wụhụ ọhụn ntụ lẹ ọhụn nwọnlẹni isi, agwapụnị wẹ i njọ ị, gi ẹ napụ ị ẹgbụnnị kunrunn'i nwan. Oku wẹ gwa ị nị ya kẹ Osolobuẹ ku wụhụ ntụ lẹ ndufie.

Maịka 2:11

nọkẹ sị onyẹ-amụma ntụ te pụha a sị ndịnị, ‘Manya lala — kẹ hụn a tụnị,’ onyẹ-amụma nọ ẹrịra ya nwọn a sụọ ndịnị!

Zẹkaraya 10:2

Makẹni mmọn wẹ kpụ wụ ihiẹn-ẹti; ndị-ẹfa hụ a gba ẹfa ntụ, ndị nrọ hụ a rọ hụn nwọnlẹni isi, a rọkọ ịhịan obi nwọnlẹni isi; ịhịan hụ a wahunmẹ nọkẹ atụnrụn, a ta afụnfụn makẹni enwọn wẹ onyẹ e duni wẹ.

Matiu 7:15

“Kpachanpụ nị nị ndị amụma-ntụ ẹnya: w'e kọnrin kẹ atụnrụn, a bịa d'e kunrun ụnụ, kanị, eje-ẹwọrọ kẹ wẹ wụ imẹ.

Ndị Filipi 3:2

Kpachanpụ nị ẹnya makẹ nkitẹ ndị hụ! Kpachanpụ nị ẹnya makẹ ndị ahụn rị e mẹ eje-ihiẹn! Ẹghẹẹ, kpachanpụ nị ẹnya makẹ ndị hụ e bekika ịhịan ẹhụ nị wẹ rị a kwa ugun!

Jọnụ Ibuzọ 4:1

Ndị nke m, ẹlẹ mmọn ile gi ịhịan ku oku kẹ ụnụ k'e kweyeni, ka e lelegụ nị kẹ wẹ gha ẹka Osolobuẹ bịa nke-esi, makẹni, ndị amụma-ntụ bu ọda a pụhagụọ imẹ ụwa.