Jerimaya 26:3 - Ika

³ Ikẹnkwọ e gọn wẹ ntịn, onyẹ-onyẹ a kụsị eje-obibi ọ rị e bi, e gi m ufiri ẹ latọ ihiẹn m rị a chọ nị m mẹ wẹ makẹ eje-obibi wẹ.

Jerimaya 26:3 Iomraidhean Croise

Ndị-nze Nke Ibuzọ 21:27

Ogẹn Ehabụ gi nụgụ ihiẹn ndịnị Ẹlaịja ku, ọ nọ tika ẹwuru ẹ, yiri ẹkpa-mkpụrụ hụn wụ ẹkwa-achọ, nọkẹ onyẹ njọ a rị e wutẹ; o bu ọnụ. O yi ẹkpa ahụn ranhịn; o mẹshịazịnị ẹhụ.

Ndị-nze Nke Ibuzọ 21:29

“Y'a hụnghọ kẹ Ehabụ welụa enwẹn ẹ alị ihun m? Makẹni o welụa enwẹn ẹ alị, emẹkọ m'a ihiẹn m ku ogẹn nke ẹ, kama, ogẹn nwa a kẹ m'e gi mẹ ẹ.”

Jerimaya 26:13

Ka bihutọ nị nwan ẹka, mẹbehi eje-ihiẹn; gọn ni Osolobuẹ wụ Chuku ụnụ ntịn, kẹni Osolobuẹ rohutọ, latọ ihiẹn ọ sị o k'e mẹ ụnụ.

Jerimaya 26:19

“Eze wụ Hezikaya lẹ ndị Juda ile e gbughọ a? Hezikaya atụnị egun Osolobuẹ? Ọ nọ rịọ Osolobuẹ n'o mẹ omikẹn wẹ, ẹlẹ ya? Osolobuẹ erohutọnị, latọ ihiẹn ọ sị o k'e mẹ wẹ? Ẹnyi nwẹn e d'e buhẹkwọnị enwẹn ẹnyi nsọngbu!”

Jerimaya 36:3

Ikẹnkwọ ndị Juda a nụ ihiẹn ile m chọ nị m mẹ wẹ, onyẹ-onyẹ e bihutọ ẹka, mẹbehi eje-ihiẹn ọ rị e mẹ, a gbagharị m wẹ eje-omumẹ wẹ lẹ njọ wẹ.”

Jerimaya 36:7

Ikẹnkwọ nị wẹ rịọghọ Osolobuẹ n'ọ gbagharị wẹ, onyẹ-onyẹ a latọ eje-obibi ẹ, makẹni Osolobuẹ e kugụọkwọ a n'o k'e gi okẹn iwe lẹ okẹn-ọnụma mẹshi ndịnị ikẹn.”

Izikẹlụ 12:3

“Nwa-ịhịan, kịkwama nwan ihiẹn i che ẹkpa nọkẹ onyẹ wẹ wepụkọ alị a, y'a nọ idẹnya wẹ buru ẹ pụ ebe eki rị elu; y'a gha ebe ị rị pụ lekẹ onyẹ wẹ wepụkọ alị a, shikọ ebe ọzọ. Ikẹnkwọ a ghọta we — ọsụọkwọn'a nị ebọn isi-ikẹn kẹ wẹ wụ.

Izikẹlụ 18:21

“Kanị, omẹni onyẹ-njọ e bihutọ ẹka, mẹbehi njọ ile ọ rị e mẹ, mẹmẹ ihiẹn ile m sị wẹ e mẹ, e mẹ onyẹ ọwụlẹ k'o furu, e mẹ ihiẹn furuni, o k'a rịrịrị ndụn; ọ nwụnkọ.

Hosia 11:9

Ẹlẹ m k'e mẹchanrịn kẹ olulu rị m obi han. Etikpọchanrịnkọ m Ifrem — makẹni, Osolobuẹ kẹ m wụ, ẹlẹ m ịhịan. Mmẹ wụ Onyẹ Ahụn Rị Nsọ hụn rị imẹ igunrun ụnụ — egichanrịnkọ m olulu rị m obi sọn ụnụ.

Juwẹlụ 2:14

Onyẹ ma? Ikẹnkwọ o rohutọ, mẹ omikẹn, gọzidẹ ụnụ — ụnụ a hụn ọka lẹ manya ụnụ e gi ye Osolobuẹ wụ Chuku ụnụ oyiye.

Jona 4:2

Ya Jona nọ mẹ ekpere sị Osolobuẹ, “Heuu Osolobuẹ! Ekuni m'ẹ nị m d'a gha ụlọ buli n'i jẹnkọ d'e mẹ ẹnịna? Ịya haịn m te gi gbashikọ Tashishi. Amarịnghọ m n'ị wụ Chuku hụn e ro ịhịan, n'i wụ Onyẹ-omikẹn; nị y'a ra bukẹnrin olulu; nị y'e nwọnkẹ ihiẹn-ọsụsụọ ịhịan, nị y'e rohutọ a latọ afụnfụn i te k'e ye ịhịan.