Jerimaya 26:20 - Ika

²⁰ O nwọnghọ okẹnnyẹ ọzọ gi ẹfan Osolobuẹ bu amụma ogẹnni lekẹ Jerimaya. Okẹnnyẹni wụ Yuria nwa Shẹmaya. Onyẹ obodo Kiriatị-Jiarim k'ọ wụ. Ya nwẹn buzi amụma nị eje-ihiẹn k'e mẹ obodoni lẹ alịnị wụ Juda kẹ Jerimaya dọn bu.

Jerimaya 26:20 Iomraidhean Croise

Ndị-nze Nke Ibuzọ 18:10

Ma Osolobuẹ wụ Chuku i, onwọnni alị mọbụ alị-eze di-nwọnni m zilẹni wẹ chọjẹn i. Ebe ọwụlẹ wẹ nọ sị ‘Ẹlaịja arị ebeni’, ọ sị alị-eze hụ mọbụ alị hụ kun iyi nị ezioku-ezioku ahụnnị wẹ i.

Ndị-nze Nke Ẹbụọ 23:37

Jehoyakim mẹ ihiẹn rịlẹni mma ẹnya Osolobuẹ. O mẹ kẹ ndị nẹdi ẹ kanị dọn mẹ.

Jerimaya 2:30

Afụnfụn ile m ye ndị nke i la iwi; egini wẹ mkpịnsịn m fịan wẹ bihutọ ẹka. Ụnụ e gigụọ ọpịa-agha gbu ndị-amụma wẹ zihẹni ụnụ kẹ eje-ẹwọrọ e gburi anụ.

Jerimaya 36:19

Ndị-isi hụ nọ sị Baruku, “D'a warị, ịyụ lẹ Jerimaya. Anịkwọlẹ ni onyẹ ọwụlẹ marịn ebe ụnụ rị.”

Joshụa 15:60

Kiriatị-Baalụ (hụn wụ Kiriatị-Jiarim) lẹ Raba — obodo ẹbụọ lẹ ụmụ-alị wẹ.

Joshụa 18:14

Ọ nọ ẹbamịn ọdịdan-ẹnyanwụn ugu ahụn rị ihun Bẹt-Họrọnụ Rị Ndịdan gbegi, dọn ihun ẹbamịn ndịdan-mirin, pụha Kiriatị-Baalụ (hụn wụ Kiriatị-Jiarim), obodo ndị ebọn Juda. Ebeni k'o ru nkọ shi ọdịdan-ẹnyanwụn.

Joshụa 9:17

Ya Ndị Izrẹlụ nọ buli, nke akp'ọhịn ẹtọ, wẹ nọ ru obodo ndị rị alị Gibiọnụ: ndịnị wụsọnmẹ obodo wẹ: Gibiọnụ, Kẹfira, Biẹrọtụ lẹ Kiriatị-Jiarim.

Samuẹlụ Nke Ibuzọ 6:21

Ya wẹ nọ zi ozi jẹnni ndị Kiriatị-Jiarim, sị wẹ, “Ndị Filistia e bukinhẹngụọ Ẹkpẹti Osolobuẹ. D'e buru n'ẹ shi alị ụnụ.”

Samuẹlụ Nke Ibuzọ 7:2

Ahụa ọgụn gbegbegbe kẹ Ẹkpẹti Osolobuẹ nọdị imẹ Kiriatị-Jiarim. Ọrọgbọ hụ ile, ndị Izrẹlụ ile hụ a kwan, a chọ eyemẹka Osolobuẹ ọda-ọda.