Jerimaya 26:18 - Ika

¹⁸ “Kẹ Hezikaya wụ eze alị Juda, Maịka onyẹ obodo Morẹshẹti e bughọ amụma. Ọ sị ndị Juda ile, ‘Osolobuẹ ihiẹn ile rị okpuru ẹ sị: “Obodo Zayọnụ jẹnkọ d'e họnrin ọfịa, a rụndẹ w'a ugbo; Jerusalẹm jẹnkọ d'a wụrụ ikpọn ọmụma lẹ osisi wẹ te gi tụn ụlọ, uguni ụlọ-nsọ rị jẹnkọ d'e họnrin ọfịa ọfịa kin ẹnya.” ’

Jerimaya 26:18 Iomraidhean Croise

Ndị-nze Nke Ẹbụọ 19:25

“Y'e ke nụ? E tumẹgụọ m'a mbụ-mbụ n'o k'a rị ẹnịna. A kayegụọ m'a mbụ-mbụ; a nịgụọ m'a nwan mẹ, ya haịn i gi saẹka e gi obodo ndị wẹ tụnhunmẹ mgbọn e họnrin mkpọkọ-ụlọ mkpọkọ-ụlọ;

Ihiẹn Mẹni Nke Ẹbụọ 32:26

Hezikaya nọ rogharị, latọ nhọnrọn ọ rị a họnrọn, ya lẹ ndị Jerusalẹm. Ufiri ẹ, Osolobuẹ egizini ọnụma sọn wẹ ogẹn Hezikaya.

Nehemiah 4:2

Ihun ibe wẹ lẹ ndị-agha Sameria, ọ sị, “Kịnị kẹ ndị Ju ndịnị zelẹni rịdẹ e mẹ? Wẹ ro nị wẹ k'a sa ẹka dọnzi mgbọn wẹ? Wẹ ro nị wẹ chụnyenihụ Chuku ẹjan, mgbọn a nị wẹ rụn? Wẹ rodẹ nwan nị ọrụn akp'ọhịn rọ ra? Ọmụma ndị hụ wẹ rị e weri mkpọkọ mgbọn kẹ wẹ k'e gidẹ nwan tụn a ra, ọmụma dụngụ ọkụn?”

Ẹbụ-ọma 79:1

Chuku, ndị alị ọzọ a banhangụọ alị ị; e mẹrụgụọ wẹ Ụlọ-NSỌ ị, e tikpọgụọ wẹ Jerusalẹm, o họnrin mkpọkọ-mkpọkọ!!

Jerimaya 17:3

Ufiri ẹ, kẹ ugu m rị alịnị kẹ ihiẹn ile ụnụ nwọn lẹ ihiẹn ụnụ dọnmẹ, m k'e wechanrịn wẹ ye ndị-ọzọ kwarị, wẹ lẹ ukpo-mmọn ụnụ ndị ahụn yeni njọ ile ụnụ mẹ imẹ alịnị.

Jerimaya 51:37

Babilọnụ k'e họnrin mkpọkọ-mkpọkọ, anụ-ọfịa e bikin ẹ; ọ wụrụ ihiẹn egun w'e gi a kpa ẹmụ, ebe ịhịan bilẹni.

Jerimaya 9:11

Osolobuẹ sị, “M k'e mẹ Jerusalẹm wụrụ mkpọkọ-ụlọ, mkpọkọ-ụlọ, nkitẹ-ọfịa e bi atụ e biri ẹ; m k'e tikpọchanrịn obodo ndị rị alị Juda la iwi, onwọnzini onyẹ k'a sa ẹka bi imẹ wẹ.”

Maịka 1:1

Ọnwan wụ oku Osolobuẹ, hụn bịanị Maịka onyẹ obodo Morẹshẹti ogẹn Jọtam lẹ Ahazị lẹ Hezikaya gisọnmẹ kị alị Juda; ihiẹn ndịnị kẹ Maịka hụn banyeni obodo Sameria lẹ obodo Jerusalẹm.

Maịka 3:12

Ufiri ẹ, obodo Zayọnụ jẹnkọ d'a nọ kẹ ọfịa wẹ sụn dụkpọ, Jerusalẹm jẹnkọ d'e mẹ mkpọkọ-mkpọkọ; uguni ụlọ-nsọ rị elu ẹ jẹnkọ d'e họnrin ẹgboko rị elu ugu.

Maịka 4:1

Kanị o ru ogẹn ikpanzụụn, ugu ụlọ-nsọ Osolobuẹ sikọ d'e weri ọnọdị, nwọnnahịn ugu lẹ òke ile ọghọ; ndị alị ichẹn-ichẹn jẹnkọ d'a rị e rujẹn ẹ.

Zẹkaraya 8:3

“Osolobuẹ ihiẹn ile rị okpuru ẹ sị: e kinhẹngụọ m Zayọnụ; ẹghẹẹ, m sikọ d'e biri imẹ Jerusalẹm, a kpọma wẹ Jerusalẹm ‘Obodo ezioku’, kpọma ugu Osolobuẹ ihiẹn ile rị okpuru ẹ, ‘Ugu rị nsọ.’