Jerimaya 26:13 - Ika

¹³ Ka bihutọ nị nwan ẹka, mẹbehi eje-ihiẹn; gọn ni Osolobuẹ wụ Chuku ụnụ ntịn, kẹni Osolobuẹ rohutọ, latọ ihiẹn ọ sị o k'e mẹ ụnụ.

Jerimaya 26:13 Iomraidhean Croise

Ọpụpụ 32:14

Ya Osolobuẹ nọzilẹni mẹ ihiẹn ọ sị o k'e mẹ wẹ; o tikpọzịnị wẹ k'o te dọn ku.

Azaya 1:19

Omẹni ụnụ e wepụha obi, humẹ isi, ụnụ k'e ri ezigbo ihiẹn rị alịnị;

Azaya 55:7

Onyẹ eje-omumẹ ya la eje-obibi ẹ tọ; eje-ịhịan ya la eje-iroro ẹ tọ. Ya kinhẹn d'e kunrun Osolobuẹ, n'ọ hụn ụzọ mẹn'ẹ omikẹn; ya kinhẹn d'e kunrun Chuku ẹnyi, makẹni o k'a gbagharịchanrịn a.

Jerimaya 11:4

ihiẹn ndị hụn m sị ndị nẹdi ụnụ kanị e mẹ kẹ m wepụha wẹ imẹ okẹn ọkụn hụ wụ alị Ijiptu.’ M sị wẹ, ‘Humẹni ni m isi, mẹsọnmẹ ihiẹn m sị ụnụ mẹ. Ụnụ mẹ wẹ, ụnụ a wụrụ ndị nke m, mmẹ nwẹn a wụrụ Chuku ụnụ.

Jerimaya 18:11

“Gwa nwan ndị Juda lẹ ndị ile bi obodo Jerusalẹm nị Osolobuẹ sị: m rị a kwademẹ ihiẹn m jẹnkọ d'e mẹ ụnụ, m rị a mamanị ụnụ eje-ihiẹn. La nị nwan eje-obibi ụnụ tọ; onyẹ-onyẹ imẹ ụnụ ya bihutọ ẹka, mẹmẹ ihiẹn rị mma.

Jerimaya 18:8

nị ndị ahụn m gwa oku e bihutọ ẹka, latọ eje-ihiẹn wẹ rị e mẹ, mmẹ nwẹn sikọ d'e rohutọ, emẹkọzị m wẹ ihiẹn m te sị nị m k'e mẹ wẹ.

Jerimaya 26:19

“Eze wụ Hezikaya lẹ ndị Juda ile e gbughọ a? Hezikaya atụnị egun Osolobuẹ? Ọ nọ rịọ Osolobuẹ n'o mẹ omikẹn wẹ, ẹlẹ ya? Osolobuẹ erohutọnị, latọ ihiẹn ọ sị o k'e mẹ wẹ? Ẹnyi nwẹn e d'e buhẹkwọnị enwẹn ẹnyi nsọngbu!”

Jerimaya 26:3

Ikẹnkwọ e gọn wẹ ntịn, onyẹ-onyẹ a kụsị eje-obibi ọ rị e bi, e gi m ufiri ẹ latọ ihiẹn m rị a chọ nị m mẹ wẹ makẹ eje-obibi wẹ.

Jerimaya 35:15

M hụ e zihẹni ụnụ idibo m ndị amụmanị ile ozihẹ-ozihẹ. Wẹ hụ a sị ụnụ, “Onyẹ ọwụlẹ ya mẹbehikwọ eje-ihiẹn ọ rị e mẹ, mẹmẹ ihiẹn rị mma; arụazịlẹ ni mmọn — kẹni ụnụ bisọnmẹ alịnị m ye ụnụ lẹ ndị nẹdi ụnụ.” Kanị, ụnụ achọnị nị ụnụ nụ, ụnụ egọnni m ntịn.

Jerimaya 36:3

Ikẹnkwọ ndị Juda a nụ ihiẹn ile m chọ nị m mẹ wẹ, onyẹ-onyẹ e bihutọ ẹka, mẹbehi eje-ihiẹn ọ rị e mẹ, a gbagharị m wẹ eje-omumẹ wẹ lẹ njọ wẹ.”

Jerimaya 38:20

Jerimaya nọ sị a, “Ewekọ wẹ i ye wẹ. Dodo gọn ntịn ihiẹn Osolobuẹ ku, hụn m rị a gwa ị. Mẹ ẹ kẹni ọ rịn'ị mma, y'a hụn isi.

Jerimaya 42:10

Omẹni ụnụ e rohutọ, nọdị alịnị, m sikọ d'a gọzi ụnụ; m k'a tụn ụnụ kẹ ụlọ, etikpọkọ m ụnụ; m k'a gbọma ụnụ, ehuepụkọ m ụnụ — makẹni ọ fụka m nị m mẹ ụnụ ihiẹnni ile m mẹ ụnụ.

Izikẹlụ 33:11

Sị wẹ nwan nị mmẹ, Osolobuẹ Nwọn Ihiẹn ile, sị, ‘Ma isi m, o mẹkwọ nị ọnwụn eje-ịhịan a sụọ m asụọ! Ihiẹn m chọ wụ n'o bihutọ ẹka, rị ndụn!! Bihutọ nị ẹka! La nị eje-obibi ụnụ tọ! Kị ụnụ ndị Izrẹlụ k'a nwụnnị?’

Juwẹlụ 2:14

Onyẹ ma? Ikẹnkwọ o rohutọ, mẹ omikẹn, gọzidẹ ụnụ — ụnụ a hụn ọka lẹ manya ụnụ e gi ye Osolobuẹ wụ Chuku ụnụ oyiye.

Jona 3:9

Onyẹ marịn? Ikẹnkwọ Osolobuẹ e gharị, ikẹnkwọ olulu ẹ a rọ, ẹnyi a hụn isi.”

Jona 4:2

Ya Jona nọ mẹ ekpere sị Osolobuẹ, “Heuu Osolobuẹ! Ekuni m'ẹ nị m d'a gha ụlọ buli n'i jẹnkọ d'e mẹ ẹnịna? Ịya haịn m te gi gbashikọ Tashishi. Amarịnghọ m n'ị wụ Chuku hụn e ro ịhịan, n'i wụ Onyẹ-omikẹn; nị y'a ra bukẹnrin olulu; nị y'e nwọnkẹ ihiẹn-ọsụsụọ ịhịan, nị y'e rohutọ a latọ afụnfụn i te k'e ye ịhịan.

Ditrọnọmi 32:36

Osolobuẹ k'a tụnnị ndị nke ẹ ụya, mẹ omikẹn idibo ẹ, ọ hụn a nị ndụn a gụgụọ wẹ, nị onwọnni onyẹ họdụnị — kẹ igbọn kẹ ndị nwọn enwẹn wẹ.

Hibru 5:9

O gigụ a nwan ru ogo, ọ nọ wụrụ onyẹ hụn nzụọpụha itẹbitẹ gha ẹka a a bịanị onyẹ ọwụlẹ humẹn'ẹ isi —

Ndị Han Eṅẹn 2:18

Ogẹn ọwụlẹ Osolobuẹ gi ye ndị Izrẹlụ onyẹ-ndu a hannị wẹ eṅẹn, o sikọ d'a nọyeni onyẹ-ndu hụ, zụọpụha wẹ ẹka ndị-iṅẹnrẹn wẹ onyẹ-ndu hụ e we nwụn, makẹni omikẹn wẹ e mẹ Osolobuẹ wẹ gha a sụn udẹn okpuru ndị rị e mẹshi wẹ ikẹn a bịangbuni wẹ.