Jerimaya 25:9 - Ika

⁹ m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Jerimaya 25:9 Iomraidhean Croise

Ndị-nze Nke Ẹbụọ 24:2

Ya Osolobuẹ nọ zihẹmẹn'ẹ ndị-agha Kal'di alị Babilọnụ, ndị-agha alị Aram, ndị-agha alị Mụabụ lẹ ndị-agha alị Amọnụ d'a maye ya lẹ ndị Juda ọgụn. Osolobuẹ zi ndịnị kẹni wẹ tikpọ Juda, nọkẹ kẹ Osolobuẹ dọn gi ndị idibo ẹ wụ ndị-amụma ku ẹ.

Ihiẹn Mẹni Nke Ẹbụọ 29:8

Ya kẹ Osolobuẹ nọ nwan gi olulu sọn Juda lẹ Jerusalẹm, gi wẹ họnrin ihiẹn w'a gbanị ọsọ, ihiẹn-ụya lẹ ihiẹn w'a mụ ẹmụ, kẹ ụnụ dọn nwan rị a hụn a.

Ihiẹn Mẹni Nke Ẹbụọ 36:21

Alị nọ zu ikẹn ẹ — ọrọgbọ ile wẹ gizilẹni bi ẹ. O zu ikẹn, ahụa iri kwasị ọgụn-ẹtọ hụ e zu, nọkẹ kẹ Osolobuẹ dọn ku ghahanị onyẹ-amụma wụ Jerimaya.

Itẹn 21:1

Akpobi eze nọkẹ mirin rị e huni ẹka Osolobuẹ — Ebe ọwụlẹ sụọ Osolobuẹ k'o mẹ ẹ e shi.

Azaya 10:5

Osolobuẹ sị, “Nsọngbu rị e che alị Asiria — hụn wụ nwan mkpịnsịn m gi rị a ghọsị olulu m, hụn bu ẹgbe m gi a ghọsị ọnụma m!

Azaya 13:3

E zigụọ m ndị m họrị; a kpọgụọ m ndị-odogun agha m nị wẹ d'a ghọsị wẹ nị iwe rị e we m — ndị agha m họrị hụn a nyan isi, e mẹkarị enwẹn wẹ.

Azaya 39:7

Wẹ k'e weridẹ ndị wẹ k'e weri imẹ ụmụ ị kẹti-kẹti, wara wẹ gi wẹ họnrin ndị ọrụn-eze imẹ obi-eze eze Babilọnụ.’ ”

Azaya 44:28

Mmẹ ku oku Saịrọsị, sị, ‘Ịya wụ onyẹ e duni m anụ. O k'e mẹkwama uche m’; o k'a sị wẹ, ‘Tụndọnzi ni Jerusalẹm’, sị wẹ, ‘Gbedọnzi ni iyetọ Ụlọ-NSỌ Osolobuẹ.’ ”

Jerimaya 1:14

Ya kẹ Osolobuẹ nọ sị m, “Wẹ k'a gha ẹbamịn-ugu hu ntikpọ kpu ndị ile rị alịnị.

Jerimaya 1:15

M'e d'a kpọha alị-eze ndị rị ẹbamịn-ugu.” Ya kẹ Osolobuẹ ku. “Ndị-nze wẹ k'a bịa d'e tumẹsọnmẹ ukpo-eze wẹ ọnụ-mgbọn ile rị Jerusalẹm; wẹ k'e tikpọ mgbọn ile fihunmẹn'ẹ lẹ obodo ndị ọzọ ile rịzị alị Juda.

Jerimaya 10:22

Gọn ntịn! Ẹnyi hụ a nụ ozi, okẹn mkpọtụ ndị agha alị rị ẹbamịn-ugu! Wẹ k'e mẹ obodo ndị rịsọnmẹ alị Juda gba okpokoro, ọ wụrụ ebe nkitẹ-ọfịa e bi.

Jerimaya 12:14

Mmẹ wụ Osolobuẹ sị, “O mẹ nke eje-alị ndị ahụn ile nọkunmẹ ndị nke m Izrẹlụ, alị ndị hụn rị a napụ wẹ alị m ye wẹ, m jẹnkọ d'e huepụsọnmẹ wẹ alị wẹ nọkẹ osisi, zụọpụha ikpụlọ Juda ẹka wẹ.

Jerimaya 18:16

Alị wẹ jẹnkọ nwan d'a gba okpokoro, wụrụ ihiẹn w'a mụ ẹmụ jẹnrin ejẹn; onyẹ ghafe, o be ọrịọ, finfin isi.

Jerimaya 2:15

E dẹngụọnị w'a kẹ ẹwọrọ; a bangụọnị w'a mban. E tikpọgụọ wẹ alị a la iwi; a dụngụọ wẹ obodo ndị rịn'a ọkụn gba wẹ okpokoro.

Jerimaya 20:4

Makẹni, Osolobuẹ sị, ‘M k'e mẹ i ihiẹn k'a tụ kẹ yụ kẹ ndị-ọwụ ị egun. Ndị-iṅẹnrẹn wẹ k'a nọ idẹnya ị gi ọpịa-agha gbu wẹ. M k'e we ndị Juda ile ye eze ndị Babilọnụ mẹri, ọ kpụnrụn ndị ọ k'a kpụnrụn shi Babilọnụ, o gi ọpịa-agha gbu ndị o k'e gbu.

Jerimaya 24:9

M k'e gi wẹ họnrin ihiẹn a tụ egun lẹ ihiẹn jọgbu enwẹn ẹ ẹnya ndị alị ile rị elu ụwa. Ebe ọwụlẹ m k'a chụshi wẹ, wẹ k'a wụrụ ihiẹn-ifẹnrẹn lẹ ihiẹn wẹ gi e ku oku, ihiẹn wẹ gi a kpa ẹmụ lẹ ihiẹn wẹ gi a bụ ọnụ.

Jerimaya 25:8

Mmẹ wụ Osolobuẹ ihiẹn ile rị okpuru ẹ rị nwan a sị, “Makẹni ụnụ egọnni ntịn oku m,

Jerimaya 29:18

Ẹghẹẹ, m k'e gi ọpịa-agha lẹ ụnwụn lẹ eje-emu chụ wẹ. Ndị alị-eze ile rị ụwa hụn ihiẹn m mẹ ndị ahụn, egun a tụ wẹ. Wẹ k'a wụrụ ihiẹn wẹ gi a bụ ọnụ, ihiẹn w'a hụn a jụpụ ẹsọn, ihiẹn w'a mụ ẹmụ lẹ ihiẹn-ifẹnrẹn ẹnya ndị alị ile m k'a chụjẹn wẹ.

Jerimaya 35:11

Kanị, hụnnị eze Babilọnụ wụ Nebukadineza bịa nwan d'a lụsọn alị Juda agha, ẹnyi nọ sị, ‘Nị ẹnyi gwẹrụ (gwarị) kwashi Jerusalẹm d'a nọdị, kẹni ẹnyi hụn isi wanahịn ndị Babilọnụ lẹ ndị-agha alị Aram.’ Ya haịn ẹnyi gi nwan rị Jerusalẹm.”

Jerimaya 36:2

“Weri ẹkụkwọ detu ihiẹn ile m gwa ị banyeni alị Izrẹlụ, alị Juda lẹ alị ndị ọzọ ile — gha ogẹn m gi gwama ị oku, ogẹn Josaya gi wụ eze, d'e ru ogẹnni.

Jerimaya 36:29

Sị Jehoyakim wụ eze Juda, nị Osolobuẹ sị, ‘Y'a dụngụọ ẹkụkwọ hụ ọkụn, sị Jerimaya, “Kị haịn i gi de nị eze ndị Babilọnụ k'a bịarịrị d'e tikpọ alịnị, gbuchanrịn kẹ ịhịan kẹ anụmanụ rịn'a?”

Jerimaya 4:7

Ẹwọrọ a ghagụọ ebe o bi pụha; onyẹ rị e tikpọ alị ichẹn-ichẹn e buligụọ. Ọ ghaọlẹ ebe ọ rị pụha d'e tikpọ alị ụnụ la iwi. Obodo ile rị alị ụnụ jẹnkọ d'e họnrin mkpọkọ-mkpọkọ, obodo ịhịan bilẹni.

Jerimaya 40:2

Ogẹn onyẹ hụ kị ndị-agha e che eze Babilọnụ nche gi hụn Jerimaya, ọ nọ weri ẹ shi ụsụọ, sị a, “Osolobuẹ wụ Chuku i ku ẹ n'o k'e wẹhẹni alịnị eje-ihiẹn.

Jerimaya 43:10

“Y'a sị wẹ, ‘Osolobuẹ ihiẹn ile rị okpuru ẹ, hụn wụ Chuku Izrẹlụ sị: M jẹnkọ d'e zihẹ odibo m wụ Nebukadineza eze Babilọnụ. M k'e tumẹ ukpo-eze ẹ ye elu ebeni m liye ọmụma ndịnị; o k'a nọ elu ebeni shịapụ ịhara-eze ẹ.

Jerimaya 46:20

“Ijiptu nọ kẹ nwa-efin ma mma ọda-ọda; kanị ẹnwụn lala d'a gba a — ẹnwụn gha ẹbamịn-ugu lala.

Jerimaya 49:19

“Lee ẹ! Kẹ ẹwọrọ dọn a gha ọfịa mkpẹnrẹn Iyi-Jọdanị a pụha ebe atụnrụn nọ a kpa nni mkpẹnrẹn mirin hụ ghalẹni a tahị: ẹrịra kẹ m k'a maye Ẹdọm idẹnmuzi, mẹ wẹ gba alị wẹ tọ. Onyẹ m chọ kẹ m e gi mẹ ẹ. Onyẹ nọ kẹ mmẹ? Onyẹ k'a jụ m ihiẹn ọwụlẹ? Elee eze k'a s'ẹka che m ọgụn?”

Jerimaya 6:1

“Zụọrịkwọ nị isi ụnụ, ụnụ ndị Bẹnjamini! Ghakwọ nị Jerusalẹm gbapụ! Gbu ni ni wẹ (opi) ọdụ imẹ obodo Tẹkụa nị wẹ gbapụ! Weshini ni wẹ ihiẹn-ahịma elu imẹ Bẹt-Hakẹrẹm kẹni wẹ gbapụ. Makẹni ẹregede nsọngbu gha ẹbamịn-ugu lala, okẹn ntikpọ hụn k'a jọgbu enwẹn ẹ.

Jerimaya 8:16

Oro ẹshin-agha ndị-iṅẹnrẹn gi lala rị a han, a hanrukwọrị alị Danị; ẹshin wẹ ndị ahụn nwọn ndụn ọda-ọda hụ e yi oro alịnị ile hụ e mẹhunmẹ. Wẹ lala d'e ripụ alịnị lẹ ihiẹn ile rịn'a, obodoni lẹ ndị ile bin'ẹ.”

Izikẹlụ 12:20

Wẹ k'e tikpọchanrịn obodo ile rịn'a ịhịan bi, alị hụ ile a gba okpokoro. Ogẹn hụ kẹ ụnụ k'a marịn nị mmẹ wụ Osolobuẹ!’ ”

Izikẹlụ 16:40

Wẹ k'a kịha igunrun d'a kpụ ị gbu, wẹ k'a ma ị ọmụma, gi ọpịa-agha jakịka ị.

Izikẹlụ 21:11

“ ‘Wẹ gwa wẹ finchan ọpịa-agha ahụn, kẹni wẹ kwọndọn ẹ; e sụọnchanpụgụọ w'a, finchan a, kẹni wẹ bu ẹ che ẹka onyẹ hụn sikọ d'e gbuni.

Izikẹlụ 26:7

“Osolobuẹ Nwọn Ihiẹn Ile sị: M sikọ nwan d'a gha ẹbamịn-ugu wẹhẹ Nebukadineza eze Babilọnụ, eze rị a kị ndị-nze, n'ọ bịa d'a lụsọn Taya agha. O kịla ẹshin lẹ ụgbọ-ẹshin lẹ ndị gi ẹshin a lụ agha lẹ igwerigwe ndị-agha.

Izikẹlụ 36:5

Osolobuẹ Nwọn Ihiẹn Ile sị: E gigụọ m okẹn olulu m lẹ ẹnya rị a fụnị m ku ihiẹn m k'e mẹ alị ndị ọzọ lẹ Ẹdọm ile, ndị rị e mẹ alị m lekẹsị nke wẹ rọ, ọ hụ a sụọ wẹ, lelịa Izrẹlụ, e weri ọfịa ndị wẹ nọ a zụn anụ rịn'a.”

Daniẹlụ 5:18

“Eze-Agụ, Chuku Hụn Kachanrịnnị ye nẹdi i wụ Nebukadineza ọkịkị, mẹ ẹ wụrụ okẹn ịhịan, ye ẹ ọghọ lẹ ikpẹn.

Habakọkụ 1:12

“Euu Osolobuẹ, y'ẹlẹzi Onyẹ hụn rị ẹdẹi ra? Chuku m, Onyẹ-nsọ m, ẹnyi anwụnkọ! Euu Osolobuẹ, y'e tumẹgụọ ndị Babilọnụ n'i gi wẹ ye afụnfụn njọ. Heuu, Okẹn-nkumẹ, y'e tumẹgụọ wẹ nwan n'i gi wẹ jụgbọ.

Habakọkụ 1:17

Nị wẹ tọ nwan e gi ọga e kpọnrin ịhịan nọkẹ azụn, e tikpọ alị ndị ọzọ bụ ẹgozizi ara mẹ wẹ?”

Ditrọnọmi 28:37

Ụnụ k'a wụrụ ihiẹn w'e beni ọrịọ lẹ ihiẹn-ẹmụ imẹ igunrun ndị alị ile Osolobuẹ k'a chụshi ụnụ.