Jerimaya 25:7 - Ika

⁷ Osolobuẹ sị, “Kanị, ụnụ egọnni m ntịn. Ụnụ e gigụọ ihiẹn ẹka ụnụ rụn kpasu m iwe. Ụnụ a dọhagụọnị enwẹn ụnụ eje-ihiẹn.”

Jerimaya 25:7 Iomraidhean Croise

Ndị-nze Nke Ẹbụọ 17:17

E gidẹ wẹ ụmụ wẹ ikẹnnyẹ lẹ ikpoho chụnnị mmọn ẹjan w'a dụn ọkụn. A gba wẹ ẹfa, a gwọ wẹ ọgụn — re enwẹn wẹ ye eje-ihiẹn, kpasu Osolobuẹ iwe.

Ndị-nze Nke Ẹbụọ 21:15

O k'e mẹ makẹni e mẹọlẹ wẹ eje-ihiẹn ẹnya m, a kpasu m iwe ọkpasu-ọkpasu ghakwọrị ụhụọhịn ndị nẹdi wẹ gha alị Ijiptu pụha d'e ru tannị.”

Ihiẹn Mẹni Nke Ẹbụọ 24:19

Osolobuẹ e zihẹni wẹ ndị-amụma n'o wekinhẹn wẹ, kanị, egini wẹ oku ile ndị-amụma ahụn gwa wẹ dọn.

Nehemiah 9:26

“Kanị e nupụkwọnị wẹ i isi; e nu wẹ Iwu i ye ụsụọ; e gbu wẹ ndị-amụma ị hụn gwa wẹ njọ wẹ kẹni wẹ gi ẹ rogharị buruhẹz'i; e mẹsọnmẹ wẹ ihiẹn bu ọda wẹ gi kpari i.

Itẹn 8:36

Kanị onyẹ ọwụlẹ nwọnhẹnlẹni m rị a rụ enwẹn ẹ ẹhụ; ndị ile ize m e ze, ọnwụn rị a sụọ wẹ a sụọ.”

Jerimaya 19:15

“Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Gọn ni ntịn! M jẹnkọ nwan d'e buhẹni obodoni lẹ mmụ alị ile fihunmẹn'ẹ nsọngbu ile m ku oku ẹ, makẹni e bugụọ wẹ isi-ikẹn, jụ n'e gọnkọ wẹ ntịn oku m.’ ”

Jerimaya 22:21

A dọghọ m ụnụ ẹka-ntịn ogẹn ẹhụ gi fu ụnụ, kanị ụnụ nọ sị, ‘Ẹnyi egọnkọ ị ntịn!’ Ẹrịra kẹ ụnụ e mẹ gha alị lala — ụnụ ara gi oku m dọn.

Jerimaya 25:8

Mmẹ wụ Osolobuẹ ihiẹn ile rị okpuru ẹ rị nwan a sị, “Makẹni ụnụ egọnni ntịn oku m,

Jerimaya 29:19

Makẹni egini wẹ oku m dọn, oku hụn m gi idibo m wụ ndị-amụma gwa wẹ ọgụgwa-ọgụgwa. Ya kẹ Osolobuẹ ku. Ụnụ nwẹn wẹ kpụnshi alị ndị-ọzọ egizikwọnị oku m dọn. Ya kẹ Osolobuẹ ku.

Jerimaya 44:7

“Osolobuẹ ihiẹn ile rị okpuru ẹ, hụn wụ Chuku Izrẹlụ rị nwan a sị: Kị ụnụ rị e mẹni enwẹn ụnụ okẹn eje-ihiẹnni, e gi ẹ e gbupụchanrịn ikẹnnyẹ lẹ ikpoho lẹ ụmụ-ẹka lẹ ndị rị a ra ẹran imẹ Juda, ịhịan gizilẹni họdụnị ụnụ?

Jerimaya 44:8

Kị ụnụ rịzị nwan e gini ihiẹn ụnụ gi ẹka ụnụ mẹmẹ a kpasu m iwe? A mụye nsẹnsi e gi a rụa mmọn-lẹ-iyi rị alị Ijiptu ụnụ bịa d'e biri. Ụnụ jẹnkọ tan d'e gi ẹ tikpọ enwẹn ụnụ. Ogẹn ahụn, ụnụ e họnrin ihiẹn wẹ gi a bụ ọnụ lẹ ihiẹn-ifẹnrẹn ẹnya ndị alị ndị ọzọ ile rị elu-ụwa.

Zẹkaraya 1:4

“Anọkwọlẹ ni kẹ ndị nẹdi ụnụ kanị hụn ndị-amụma mbụ gwa oku, sị, ‘Osolobuẹ ihiẹn ile rị okpuru ẹ sị: Bibehi ni eje-obibi ụnụ rị e bi, ụnụ e mẹbehi eje-ihiẹn ụnụ rị e mẹ.’ Kanị, anụnị we, emẹni wẹ ihiẹn m sị wẹ mẹ. Ya kẹ Osolobuẹ ihiẹn ile rị okpuru ẹ ku.

Ditrọnọmi 32:21

E gigụọ wẹ ihiẹn ahụn wụlẹni Chuku mẹ ẹnya fụma m, gi ihiẹn nwọnlẹni isi wẹ kpụ kpasu m iwe. M k'e gi ndị wụlẹni ihiẹn ọwụlẹ mẹ ẹnya fụma wẹ; m k'e gi alị nwọnlẹni nghọta kpasu wẹ iwe.