Jerimaya 25:11 - Ika

¹¹ Ebeni ile jẹnkọ d'a gba okpokoro, la iwi; alị ndịnị ile k'e fe eze alị Babilọnụ ọrọgbọ ahụa iri kwasị ọgụn-ẹtọ.

Jerimaya 25:11 Iomraidhean Croise

Ihiẹn Mẹni Nke Ẹbụọ 36:20

Ọ nọ kpọnrin ndị ile họdụ imẹ Jerusalẹm, ndị hụn wanahịn ọpịa-agha, kpụn wẹ shi Babilọnụ, wẹ nọ femẹ ya lẹ ụmụ a d'e ru mgbe alị-eze Pẹshịa gi kịma.

Azaya 5:6

M k'e mẹ ẹ họnrin alị la iwi, alị wẹ ghalẹni e befọn ihiẹn rịn'a mọbụ a rụn ugbo, ogun lẹ ọkịnkan e pu ẹ. M k'a sị igwere e zueyelẹ ẹ mirin.

Jerimaya 25:12

“Kanị, ahụa iri kwasị ọgụn-ẹtọ ahụn zugụ, m k'e ye eze Babilọnụ lẹ ndị alị a, ndị Kal'di, afụnfụn njọ wẹ. Mmẹ wụ Osolobuẹ e kugụọ a. M k'e mẹ ẹ gba okpokoro jẹnrin ejẹn.

Jerimaya 25:38

Ọ ghagụọ ebe o bi pụ nọkẹ ẹwọrọ; alị wẹ k'a gba okpokoro, yeni olulu onyẹ rị e mẹshi wẹ ikẹn, olulu ẹ hụn rị a dụn kẹ ọkụn.

Jerimaya 27:22

ọ sị, ‘Wẹ k'a kwa wẹ ile shi alị Babilọnụ, a nọdị wẹ ebẹhụ d'e ru mgbe m buchezi wẹ ẹnya. O ru ogẹn ahụn, m k'e welụa wẹ, buzi wẹ che ọnọdị wẹ ebeni.’ Ya kẹ Osolobuẹ ku.”

Jerimaya 27:7

Alị ile jẹnkọ d'e humẹn'ẹ isi, humẹni nwa a isi, humẹzini nwa-nwa a isi d'e ru ogẹn m'e gi tikpọzịkwọ alị ya nwẹn wụ Babilọnụ. O ru ogẹn hụ, alị bu ọda lẹ ndị-nze bu ọda a kpazịkwọ ikẹn jẹnkọ d'e mẹri Babilọnụ, kịma a.

Jerimaya 28:14

Makẹni, Osolobuẹ ihiẹn ile rị okpuru ẹ hụn wụ Chuku Izrẹlụ sị: E bugụọlẹ m agbụn-igwe che alị ichẹn-ichẹn olu kẹni wẹ humẹni eze Babilọnụ wụ Nebukadineza isi: wẹ k'e ferịrị a. E wegụọzịdẹ m anụ rị ọfịa che okpuru ẹ kịma.’ ”

Jerimaya 29:10

“Osolobuẹ sị, ‘Ahụa iri kwasị ọgụn-ẹtọ alị Babilọnụ e gi kpa ikẹn zugụ, a chọha m ụnụ d'e mẹzu nkwa ahụn m gi omikẹn kwe nị m jẹnkọ d'e wekinhẹn ụnụ alị ụnụ.

Jerimaya 4:26

E lee m ẹnya, alị nwẹn te e mẹ ihiẹn e họnringụọ atụ; obodo ile ịhịan te bi e mẹ mkpọkọ-mkpọkọ, makẹ ihiẹn Osolobuẹ mẹ; makẹ okẹn-olulu ọ rị e bu.

Jerimaya 4:27

Osolobuẹ sị, “Alịnị ile jẹnkọ d'a gba okpokoro, kanị etikpọchanrịnkọ m'a.

Jerimaya 43:10

“Y'a sị wẹ, ‘Osolobuẹ ihiẹn ile rị okpuru ẹ, hụn wụ Chuku Izrẹlụ sị: M jẹnkọ d'e zihẹ odibo m wụ Nebukadineza eze Babilọnụ. M k'e tumẹ ukpo-eze ẹ ye elu ebeni m liye ọmụma ndịnị; o k'a nọ elu ebeni shịapụ ịhara-eze ẹ.

Jerimaya 44:22

Makẹni Osolobuẹ asazịnị ẹka din eje-ihiẹn lẹ arụ ile ụnụ rị e mẹ haịn alị ụnụ gi nwan wụrụ ihiẹn wẹ gi a bụ ọnụ lẹ ebe gba okpokoro la iwi, alị ịhịan bizilẹni, k'o dọn rị tannị.

Izikẹlụ 12:19

Y'a sị ndị alị, ‘Lee ni ihiẹn Osolobuẹ nwọn ihiẹn ile ku banyeni ndị bi Jerusalẹm lẹ alị Izrẹlụ ile: wẹ k'a rị e hue uhue wẹ gha e ri ihiẹn-oriri wẹ; wẹ k'a gha a tụ egun wẹ gha a ra mirin, makẹni alị Izrẹlụ sikọ d'a gba okpokoro yeni eje-obibi ndị rịn'a bi.

Izikẹlụ 29:11

Onwọnni ụkụ ịhịan mọbụ anụ k'a ghan'a, onwọnni onyẹ k'e bin'ẹ, ọrọgbọ ahụa ọgụnnaị.

Izikẹlụ 6:14

M k'a tịnpụ ẹka, mẹshi wẹ ikẹn; e mẹ m alị wẹ gba okpokoro, la iwi, ghakwọrị atụ rị ẹbamịn ndịdan d'e ru alị Dibụla rị ẹbamịn-ugu. Ogẹn ahụn kẹ w'e gi marịn nị mmẹ wụ Osolobuẹ.’ ”

Daniẹlụ 9:2

imẹ ahụa ibuzọ ọ kịma, mmẹ wụ Daniẹlụ nọ gi ihiẹn wẹ de imẹ Ẹkụkwọ-nsọ, ihiẹn hụn Osolobuẹ gi onyẹ-amụma wụ Jerimaya ku, ghọta nị ahụa iri kwasị ọgụn-ẹtọ kẹ Jerusalẹm k'e mẹ mkpọkọ-mkpọkọ.

Lẹvitikọsụ 26:32

Ẹghẹẹ, mmẹ lẹ enwẹn m k'e tikpọ alị ụnụ la iwi, nke wụ nị ndị iṅẹnrẹn ụnụ hụn k'a bịa d'e biri ebẹhụ hụngụ k'ọ nọ, a jụsọhị wẹ.

Maịka 7:13

Kanị ụwa k'e mẹ mkpọkọ-mkpọkọ, yeni ihiẹn ndị rịn'a rị e mẹ.

Zẹkaraya 1:12

“Ya mmọn ozi Osolobuẹ nọ sị, ‘Euu Osolobuẹ nwọn ikẹn ile, nanị y'e biehan d'e mẹ omikẹn Jerusalẹm lẹ obodo ndị ya lẹ wẹ rị imẹ Juda, ndịnị ị rị e buni olulu ọrọgbọ ahụa iri kwasị ọgụn-ẹtọnị?’

Zẹkaraya 7:5

“Sị ndị alị Juda ile lẹ ndị nchụn-ẹjan nị m sị: ‘Ogẹn hụ ụnụ gi rị e bu ọnụ hụ, a kwan ẹkwan ifọn nke isẹn lẹ nke ẹsa, ọrọgbọ ahụa iri-kwasị ọgụn-ẹtọnị, mmẹ kẹ ụnụ bun'ẹ?