Jerimaya 25:10 - Ika

¹⁰ M k'e wepụ ịghọghọ lẹ anwịnrịn imẹ alị ndịnị — hụn wụnị anụkọzị wẹ olu ikẹnnyẹ lẹ ikpoho rị a gba-ẹkụkwọ ẹfọ rị a sụọ ụsụọ, anụkọzị wẹ ukwere ọlọ lẹ odo; ahụnkọzị wẹ ukpẹ rị e nwun iwe ịhịan kaka.

Jerimaya 25:10 Iomraidhean Croise

Ẹsta 3:13

Wẹ nọ we ẹkụkwọ-ozi ndị hụ yesọnmẹ ndị-ozi a gba ọsọ, e weri wẹ ozini ghagbarị Azụụn ile Ahazẹrusu rị a kị, a sị ịhịan ile wẹ gi akp'ọhịn ohu, nke akp'ọhịn mmẹtọ imẹ ifọn nke mmẹbụọ, hụn wụ ọnwan Ada, tikpọ ndị ju ile, gbuchanrịn wẹ — kẹ ikoro kẹ ndị ẹgẹdi, kẹ ikpoho kẹ ụmụ-ẹka; ọ sịzịkwọ wẹ kwarịchanrịn ihiẹn wẹ.

Ẹsta 7:4

Makẹni, e regụọlẹ wẹ mmẹ lẹ ndị nke m kẹni wẹ tikpọ ẹnyi, gbu ẹnyi, kẹni ẹnyi gụchanrịn. Omẹni orire mmaka kẹ wẹ te re ẹnyi nị ẹnyi wụrụ igbọn, m kẹ m'a gba nkịtịn, makẹni ọhụn ẹlẹ hụn nkẹ m'e gi yemẹ eze nsọngbu.”

Ẹsta 8:11

Iwu hụ, hụn wụ nwan iwu eze, sị nị e yegụọ wẹ ndị Ju rị obodo ọwụlẹ ikẹn w'e gi zu lẹ hụn w'e gi zụọrị isi wẹ; ikẹn w'e gi tikpọ, gbu, zachanpụ ndị-agha ọwụlẹ mọbụ alị ọwụlẹ mọbụ Azụụn ọwụlẹ, kẹ ikpoho wẹ kẹ ụmụ-ẹka, ndị ọwụlẹ k'a maye wẹ ọgụn — lẹ ikẹn w'e gi kwarị ihiẹn wẹ.

Azaya 47:2

Weri ọlọ n'ị kwọmadẹ ọka; wepụ ẹkwa ahụn i gi kpumẹ ihun; gbụpụ ẹbulukun n'ị la ụkụ tọ oghe; gi ụkụ fetusọnmẹ iyi.

Jerimaya 16:9

Mmẹ wụ Osolobuẹ ihiẹn ile rị okpuru ẹ, Chuku ndị Izrẹlụ rị e ku ẹ nị m'e d'a nọ idẹnya ụnụ, ogẹn nke ụnụ, kụsị ẹbụ-ịghọghọ lẹ anwịnrịn imẹ alịnị, anụkọzị wẹ olu ikẹnnyẹ lẹ ikpoho rị a gba-ẹkụkwọ ẹfọ rị a sụọ ụsụọ.

Jerimaya 48:33

Ịghọghọ lẹ anwịnrịn arịkọzị imẹ alị ugbo hụ wụ alị Mụabụ. Anịkọzị m wẹ hụn manya ebe wẹ nọ a pịnpụha manya; anụkọzị wẹ olu onyẹ rị a ghọghọ a zọ ogbe-vaịnị e wepụha manya; ọsụọn'a oro rị a rị, ọwụkọ oro ịghọghọ.

Jerimaya 7:34

M k'e mẹ wẹ anụzịlẹ olu ndị rị e nwọn ịghọghọ lẹ anwịnrịn lẹ ndị rị a gba ẹkụkwọ imẹ obodo ile rị alị Juda lẹ ọgbara-ogbe ile rị obodo Jerusalẹm, makẹni alịnị k'a gba okpokoro.

Ẹkwan 5:15

Ịghọghọ arịzị ẹnyi obi; ẹkwan a narịngụọ ẹnyi egu ẹnyi rị e tẹn.

Izikẹlụ 26:13

M k'a kụsị ị ẹbụ ị; anụkọzị wẹ ukwere ụbọ ị.

Hosia 2:11

M k'a kụsị mmẹmmẹ wẹ ile: kẹ ndị wẹ e mẹ ahụa-ahụa, kẹ hụn Ifọn gi pụ kẹ Ụhụọhịn Ezumikẹn, mmẹmmẹ-ofufe ile wẹ tumẹni wẹ.