Jerimaya 23:32 - Ika

³² Mmẹ lẹ ndị-amụma gi ihiẹn wẹ rọhụn hụn wụlẹni oku m e bu amụma rọ. Wẹ hụ e ziẹn nrọ ndị ahụn, e gi ihiẹn ile wụlẹni nke m wẹ rị e mẹ e dufie ndị nke m, ihiẹn ile wẹ rịlẹni a jụ m e mẹ; ezini m wẹ, etumẹni m wẹ. Onwọnni ẹka wẹ rị e yeni ndị nke m kaka.’

Jerimaya 23:32 Iomraidhean Croise

Jobu 13:4

Nke ụnụ, ụnụ rịhụ e kpumẹ ezioku ụnụ marịn; ndị idibiẹ marịnlẹni ọrụn kẹ ụnụ ile wụ!

Azaya 3:12

Ụmụ-ndu hụ a kị ndị nke m nkịgbu, ikpoho hụzịd'a kị wẹ. Euu, ndị nke m, ndị-ndu ụnụ rị e duhuhu ụnụ; e wepụ ụnụ ụzọ rị mma.

Azaya 9:15

ndị-ichẹn lẹ ndị-ndu wụ isi, ndị-amụma rị a kuzi ntụ wụ ọdụndụn.

Jerimaya 23:13

“O nwọn ihiẹn jọgbu enwẹn ẹ m hụn ẹka ndị amụma alị Sameria: wẹ gi ẹfan Baalụ bu amụma, gi ẹ dufie ndị nke m ndị Izrẹlụ.

Jerimaya 23:16

Osolobuẹ ihiẹn ile rị okpuru ẹ sị, “Egikwọlẹ ni ihiẹn ndị-amụma hụ rị a gwa ụnụ dọn. Wẹ rị e dufie ụnụ! Ihiẹn wẹ rị e ro kẹ wẹ rị e ku, ẹlẹ ihiẹn wẹ nụ ọnụ Osolobuẹ.

Jerimaya 23:25

“A nụgụọ m ihiẹn ndị-amụma hụ gi ẹfan m e bu amụma ntụ rị e ku; wẹ rị e mẹ oku nrọ, ‘O nwọn ihiẹn m rọhụn; o nwọn ihiẹn m rọhụn!’

Jerimaya 23:31

Mmẹ lẹ wẹ rọ — ndị amụmanị hụn e ku ihiẹn rị wẹ ọnụ, a sị nị Osolobuẹ ku.

Jerimaya 29:31

“Zi ozi jẹnni ndị ahụn ile wẹ kpụnshi alị ọzọ. Sị wẹ nị Osolobuẹ e kuọlẹ ihiẹn jẹnkọ d'e mẹ Shẹmaya onyẹ Nẹhẹlam, sị ‘Ebe o mẹni Shẹmaya e bugụọnị ụnụ amụma hụn m zilẹn'ẹ, mẹ ụnụ gi ntụ dọn ẹnya,

Jerimaya 7:8

Ka lee ẹ nwan, ụnụ hụ e gi ntụ hụn jẹnkọlẹni d'a bannị ụnụ erere e dọn ẹnya.

Ẹkwan 2:14

Ọhụn ndị-amụma ị hụnnị ị wụhụ ọhụn ntụ lẹ ọhụn nwọnlẹni isi, agwapụnị wẹ i njọ ị, gi ẹ napụ ị ẹgbụnnị kunrunn'i nwan. Oku wẹ gwa ị nị ya kẹ Osolobuẹ ku wụhụ ntụ lẹ ndufie.

Ẹkwan 3:37

Onyẹ k'a s'ẹka ku, o mẹ, omẹni Osolobuẹ ekuni ẹrịra?

Zẹfanaya 3:4

Ndị-amụma rịn'a e ku mpụ; a tụ ntụ! Ndị nchụn-ẹjan rịn'a hụ e mẹrụ ụlọ-nsọ, e gi Iwu Osolobuẹ e mẹ k'ọ sụọ wẹ.

Zẹkaraya 10:2

Makẹni mmọn wẹ kpụ wụ ihiẹn-ẹti; ndị-ẹfa hụ a gba ẹfa ntụ, ndị nrọ hụ a rọ hụn nwọnlẹni isi, a rọkọ ịhịan obi nwọnlẹni isi; ịhịan hụ a wahunmẹ nọkẹ atụnrụn, a ta afụnfụn makẹni enwọn wẹ onyẹ e duni wẹ.

Matiu 15:14

Hatu ni wẹ, wẹ wụ ndị-ndu ẹnya-ishi: onyẹ ẹnya-ishi dumẹ onyẹ ẹnya-ishi, wẹ ẹbụbụọ k'a danye mgbugbu.”

Ndị Kọrẹntị Nke Ẹbụọ 1:17

Kẹ m ku ẹ nị m lala alala, m gidẹ nwan obi-ẹbụọ ku ẹ ra? Ra m'e mẹdẹ nwan kẹ ndị ụwa, a sị, “ẹghẹẹ” lẹ “mba,” mgbe ohu?

Ditrọnọmi 18:20

Kanị, nke onyẹ-amụma ọwụlẹ hụn k'e gi ẹfan m ku ihiẹn m zilẹn'ẹ mọbụ hụn gi ẹfan mmọn-lẹ-iyi ku, wẹ k'e gburịrị a.”

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;