Jerimaya 23:24 - Ika

²⁴ Nị ịhịan saẹka warị ebe zuerini amamgbe m'a hụn a? Ụnụ amarịn nị m rị ebe ile rị elu-igwee lẹ ụwa?

Jerimaya 23:24 Iomraidhean Croise

Jẹnẹsisi 16:13

Ya Haga nọ kpọ Osolobuẹ hụn gwa a oku “Ẹl-rọị”, hụn wụ “Chuku hụn rị e leghanị”, makẹni ọ sị, “Mmẹ gidẹ nwan ẹnya m hụn Onyẹ-hụn-e-leghanị m ra?”

Ndị-nze Nke Ibuzọ 8:27

“Kanị, nị Osolobuẹ biridẹ nwan elu ụwa ra? Elu-igwere ile, kẹ elu-igwee hụn kachanrịndẹ elu e jẹn, asakọ ẹka ru i, ọrịwụzị Ụlọ-nsọ hụnnị m tụn!

Ihiẹn Mẹni Nke Ẹbụọ 2:6

Kanị, onyẹ k'a sadẹ nwan ẹka tụnnị Chuku ẹnyi ụlọ, ebe o mẹni kẹ igwereni kẹ hụn kachanrịndẹ elu e jẹn asakọ ẹka ru ẹ? Onyẹ kẹ m wụ nwan? Ụlọ ọwụlẹ m k'a tụnn'a, ọ karịkọ ebe w'a nọ chụnn'a ẹjan.

Ihiẹn Mẹni Nke Ẹbụọ 6:18

“Kanị, nị Chuku sọndẹ ịhịan biri enu-ụwa nke-esi? Elu-igwere lẹ enwẹn ẹ, kẹ elu-igwere kachanrịndẹ elu e jẹn asakọ ẹka ru i, ọrịwụzị Ụlọ-nsọnị m tụn!

Jobu 34:21

Ẹnya Chuku e legha ịhịan ebe ọwụlẹ ọ ghakọ; ọ hụn nzọmụkụ wẹ ile.

Jobu 34:22

Onwọnni ebe gba ishi ẹnya a, onwọnni ebe wẹ sị ọ gbaka ishi ẹnya a, hụn ndị e mẹ eje-ihiẹn a nọ warị.

Ẹbụ-ọma 10:11

Eje-ịhịan a sị enwẹn ẹ, “Ẹnya Chuku arịd'a, o bupụgụọ ihun — ara hụndẹ ihiẹn m rị e mẹ!”

Ẹbụ-ọma 139:7

Elebe kẹ m gbakọnị Mmọn ị? Elebe kẹ m gbakọn'ị?

Ẹbụ-ọma 139:8

M shi igwere, ị hụ ebẹhụ; m shi alị-mmọn d'e dinẹ, ị hụzị ebẹhụ.

Ẹbụ-ọma 148:13

Wẹ ile jama ẹfan Osolobuẹ mma, makẹni ẹfan a kachanrịn nke ndị ọzọ; ikpẹn ẹ ka nke elu-ụwa lẹ elu-igwee.

Ẹbụ-ọma 90:8

Y'e bu njọ ẹnyi e che ihun i ogẹn ile; y'e wepụhadẹ njọ ẹnyi mẹ nzuzue ihun i.

Itẹn 15:3

Ẹnya Osolobuẹ rị ụzọ ile, e lee ndị eje-omumẹ lẹ ndị ezi-omumẹ.

Azaya 29:15

Nsọngbu rị e che ndị a lịlịma wẹ nị wẹ zuemẹni Osolobuẹ ẹfọ, ndị hụn a nọ imẹ ishi e mẹ ihiẹn wẹ rị e mẹ, a sị, “Onyẹ k'a hụn ẹnyi? Onyẹ nwọn marịn?”

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Azaya 66:1

Lee ni ihiẹn Osolobuẹ ku, ọ sị, “Elu-igwee wụ ukpo-eze m; elu-ụwa wụ ebe m'a tụkwasị ụkụ. Elee ụlọ k'i k'a tụnnị m nwan? Elebe wụ ebẹhụ m k'e bi?

Jerimaya 16:17

M hụ a hụn ihiẹn ile wẹ rị e mẹ, onwọnni hụn zuerini ebe m rị, onwọnni njọ wẹ m ghalẹni e legha.

Jerimaya 32:19

Y'e rokẹkwọ! Y'e mẹkẹ okẹn-ihiẹn!! Y'a hụnchanrịn ihiẹn ile ịhịan rị e mẹ, e gi obibi onyẹ-onyẹ lẹ ihiẹn o mẹ e sọn ẹ, a kụ a ụgwọ-ọrụn.

Jerimaya 49:10

Kanị, mmẹ nwẹn jẹnkọ d'a gba ebọn Isọ wụ Ẹdọm ẹka, m k'e kpu ebe ile ọ warị oghe, ọ sakọzị ẹka zueri. M k'e tikpọ kẹ mmụ a kẹ ndị ebọn ẹ kẹ ndị nọkunmẹn'ẹ, ọ rịkọzị a.

Izikẹlụ 8:12

Osolobuẹ nọ sị m, “Nwa-ịhịan, ị hụ a hụn ihiẹn ndị-ichẹn Izrẹlụ rị a rụn imẹ ishi? Ihiẹn onyẹ-onyẹ rị mmughẹ o setọsọnmẹ mmọn a rụn — a sị enwẹn wẹ, ‘Osolobuẹ arị a hụn ẹnyi. Osolobuẹ a gbakitọgụọ alịnị azụụn.’ ”

Izikẹlụ 9:9

Ọ nọ sị m, “Njọ ndị Izrẹlụ Ẹbamịn-ugu lẹ ndị Juda a karịgụọ ẹka ọda-ọda; ogbugbu-ogbugbu e jungụọ alịnị, eje-obibi e jun isi-alịnị wụ Jerusalẹm — makẹni wẹ rị a sị enwẹn wẹ, ‘Osolobuẹ a jụgụọ alịnị! Osolobuẹ arị a hụn ihiẹn rị e mẹni!’

Daniẹlụ 2:22

Ịya e wepụha ihiẹn mini lẹ ihiẹn zuerini ifọn, ịya marịn ihiẹn rị imẹ ishi, ịya lẹ ukpẹ wị bi.

Daniẹlụ 4:35

Ndị ile bi elu-ụwa enwọn kẹ wẹ han ebe ọ rị. Ihiẹn sụọn'a k'o mẹ — kẹ ebe ikẹn ndị rị elu-igwee rị kẹ ebe ndị rị elu-ụwa rị. Onwọnni onyẹ a sa ẹka e gbọndọn ẹ mọbụ sị a: “K'i mẹni ihiẹnni?”

Ndị Ẹfẹsọsụ 1:23

Ụka wụ ẹhụ a; imẹ ụka kẹ ihiẹn ile banyen'ẹ rị; ya lẹ enwẹn ẹ wụ onyẹ hụn rị ebe ile, hụn e mẹ ihiẹn ile e zu oke.

Hibru 4:13

Ẹnya Osolobuẹ, onwọnni ihiẹn zuerini. Ẹghẹẹ, ihiẹn ile gba ọtọ, rị oghe, ẹnya onyẹ hụ ẹnyi jẹnkọ d'e ye mgbakọ.