Jerimaya 23:15 - Ika

¹⁵ Lee ni nwan ihiẹn Osolobuẹ ihiẹn ile rị okpuru ẹ ku banyeni ndị-amụma Jerusalẹm: “M k'e mẹ elu lu wẹ ilu kẹ ihiẹn-oriri e lu ilu, ye wẹ nsọngbu ra kẹ mirin wẹ buche nshi, makẹni ndị amụmanị e mẹgụọ eje-obibi ghagbarị alịnị ile.”

Jerimaya 23:15 Iomraidhean Croise

Ẹbụ-ọma 69:21

E bu wẹ eje-ẹfịfịa e lu ilu che ihiẹn-oriri m; ye m manya rụ-ụka ra!

Jerimaya 14:15

Lee nwan ihiẹn mmẹ wụ Osolobuẹ ku banyeni ndị-amụma ndị ahụn gi ẹfan m e bu amụma: ẹlẹ mmẹ zi wẹ, kanị wẹ hụ a sị, ‘Kẹ ọpịa-agha kẹ ụnwụn erukọ alịnị.’ Ufiri ẹ, ọpịa-agha lẹ ụnwụn k'e gbu ndị-amụma hụ.

Jerimaya 8:14

Ndị alịnị k'a sị, “Kị ẹnyi nọdịzịnị nwan ebeni? Kokomẹ ni nị ẹnyi gbashi obodo ẹnyi ndị ẹnyi tụnhunmẹ mgbọn omẹni ọnwụn rọ, ẹnyi a nọ ebẹhụ nwụn — ebe o mẹni Osolobuẹ wụ Chuku ẹnyi a magụọ ẹnyi ikpe-ọnwụn, o yegụọ ẹnyi afụnfụn ra lekẹ mirin wẹ buche nshi, makẹni ẹnyi e mẹgụọ a njọ.

Jerimaya 9:14

Kanị a gba wẹ isi-akwanran kẹ obi wẹ dọn gwa wẹ, fesọnmẹ Baalụ kẹ ndị nẹdi wẹ dọn kuzi wẹ.

Jerimaya 9:15

Ya kẹ Osolobuẹ ihiẹn ile rị okpuru ẹ, hụn wụ Chuku Izrẹlụ, gi nwan sị: ‘Ihiẹn m k'e mẹ ndịnị k'e mẹ elu lu wẹ ilu kẹ ihiẹn-oriri e lu ilu, o k'a rị wẹ kẹ ndị wẹ ye mirin wẹ buche nshi ra.

Ẹkwan 3:15

O yegụọ m ẹhụhụọ e lu ilu yejun m ẹfọ, ye m olulu-anụ ra rajun ẹfọ.

Ẹkwan 3:19

Nyanhan afụnfụn m lẹ ọwahunmẹ m rị a wahunmẹ — k'ọ jọhan njọ lẹ k'o dọn rị a fụ m.

Ẹkwan 3:5

O kehunmẹgụọ m, gi ihiẹn-ikẹn jọgbu enwẹn ẹ fihunmẹ m.

Zẹkaraya 13:2

Osolobuẹ ihiẹn ile rị okpuru ẹ sị: “O ru ogẹn ahụn, m k'e wepụchanrịn ẹfan mmọn imẹ alị Izrẹlụ, nke wụnị anyanhankọzịdẹ wẹ wẹ; m k'e wepụzịkwọ ndị-amụma ntụ lẹ mmọn eje-obibi alịnị,

Matiu 27:34

wẹ nọ ye Jesu manya wẹ buche ihiẹn e lu ilu ra, kanị, ọ danmịn a, ọ nọ jụ n'ọ rakọ a.

Ditrọnọmi 29:18

Hụnkwọ n'a nị onwọnni okẹnnyẹ mọbụ okpoho mọbụ ẹbozo mọbụ ebọn ọwụlẹ rị imẹ igunrun ụnụ tannị obi ẹ gha ebe Osolobuẹ wụ Chuku ẹnyi rị pụ d'e femẹ mmọn-lẹ-iyi ndị alị ndị ahụn; hụnkwọ n'a nị onwọnni eje-mkpọgụn rị imẹ igunrun ụnụ a mị eje-mkpụrụ e lu ilu, e gbuni.

Rẹvẹleshọnụ 8:11

Ẹfan kokisẹ hụ wụ “Elumilu.” Imẹ mirin ile rịnị, ụzọ ohu nọ lumẹ ilu, ọ họdụ ụzọ ẹbụọ. Ndị bu ọda nọ nwụnhụn makẹ mirin hụ rị e lu ilu.