Jerimaya 23:14 - Ika

¹⁴ A hụnzị m nwan ihiẹn a gba ẹnya-mirin ẹka ndị amụma Jerusalẹm: Wẹ rị a ghẹrẹ, e gi ntụ e bi. Wẹ hụ a kwadọn ndị eje-omumẹ, hụn o gi mẹni onwọnzini onyẹ a latọ eje-ihiẹn. Wẹ ile rị nwan kẹ alị Sodọm ẹnya m; ndị Jerusalẹm rị nwan kẹ alị Gomora ẹnya m.”

Jerimaya 23:14 Iomraidhean Croise

Jẹnẹsisi 13:13

Bụ ndị Sodọm e mẹ njọ ọda-ọda. W'e mẹ ihiẹn Osolobuẹ sị w'e emẹlẹ e mẹshi ẹ ikẹn.

Jẹnẹsisi 18:20

Ya Osolobuẹ nọ sị Ebraham, “Ihiẹn rị a kpọ imẹ Sodọm lẹ Gomora a karị; njọ wẹ rị e mẹ a karị ẹka!

Jẹnẹsisi 19:24

ya kẹ Osolobuẹ nọ gi ẹka a gha elu-igwee hu nsịn-ẹnyanwụn lẹ ọkụn kpu alị Sodọm lẹ alị Gomora nọkẹ mirin rị e zueni;

Jẹnẹsisi 19:25

tikpọpụ obodo ndị ahụn lẹ ẹgbẹrẹ hụ ile rị alị aradan hụ lẹ ndị ile bi imẹ obodo ndị ahụn lẹzi ihiẹn ile rị e sue alị.

Azaya 9:15

ndị-ichẹn lẹ ndị-ndu wụ isi, ndị-amụma rị a kuzi ntụ wụ ọdụndụn.

Jerimaya 14:14

Osolobuẹ nọ sị m, “Amụma-ntụ kẹ ndị-amụma ahụn rị e gi ẹfan m e bu. Ẹlẹ mmẹ zi wẹ; ẹlẹ mmẹ tumẹ wẹ; onwọnni ihiẹn m sị wẹ ku. Wẹ rị a hụnnị ụnụ ọhụn wụlẹni ezioku, a gba ẹfa nwọnlẹni isi, e ku ihiẹn uche wẹ gwa wẹ.

Jerimaya 18:13

“Ufiri ẹ, mmẹ wụ Osolobuẹ sị, ‘D'a jụsọnmẹ ni ndị alị ichẹn-ichẹn: onyẹ nụtu ihiẹn nọ ẹnịna? Nwagbọọ wụ Izrẹlụ e mẹọlẹ arụ ka arụ!

Jerimaya 20:16

Onyẹ hụ ya rị kẹ obodo ndị ahụn, obodo ndị Osolobuẹ tikpọ, o mẹni omikẹn wẹ. Ya nụsọnmẹ ẹkwan-ụya ụtụntụn, nụsọnmẹ oro-agha efinaị,

Jerimaya 23:17

A tọ wẹ a sị ndị rị e lelịa Osolobuẹ, ‘Osolobuẹ sị o k'a rịnị ụnụ mma.’ A sị ndị isi-ikẹn rị e mẹ ihiẹn obi wẹ gwa wẹ, ‘Ihiẹn emẹkọ ụnụ.’

Jerimaya 23:22

Omẹni e te nọdịọlẹ wẹ ọgwa m, nkẹ e zi wẹ ndị nke m ozi m, e mẹ wẹ wẹ bibehi eje-obibi wẹ, mẹ wẹ latọ eje-ihiẹn ndị wẹ rị e mẹ.

Jerimaya 23:32

Mmẹ lẹ ndị-amụma gi ihiẹn wẹ rọhụn hụn wụlẹni oku m e bu amụma rọ. Wẹ hụ e ziẹn nrọ ndị ahụn, e gi ihiẹn ile wụlẹni nke m wẹ rị e mẹ e dufie ndị nke m, ihiẹn ile wẹ rịlẹni a jụ m e mẹ; ezini m wẹ, etumẹni m wẹ. Onwọnni ẹka wẹ rị e yeni ndị nke m kaka.’

Jerimaya 29:21

Lee ni ihiẹn Osolobuẹ ihiẹn ile rị okpuru ẹ hụn wụ Chuku Izrẹlụ ku banyeni Ehabụ nwa Kolaya lẹ Zẹdikaya nwa Maaseya, madụ ẹbụọ hụ gi ẹfan m e buni ụnụ amụma-ntụ: ‘M jẹnkọ d'e bu wẹ che ẹka Nebukadineza wụ eze alị Babilọnụ, o gbu wẹ idẹnya ụnụ.

Jerimaya 29:23

M k'e mẹ wẹ ẹbụbụọ ẹrịra makẹni e mẹgụọ wẹ arụ imẹ Izrẹlụ; a nagụọ wẹ ibe wẹ inyẹnmẹ, gi ẹfan m tụ ntụ, ku ihiẹn m gwalẹni wẹ kụ. A marịnghọ m ihiẹn wẹ mẹ; m wụ ọshẹri.’ ” Ya kẹ Osolobuẹ ku.

Jerimaya 36:2

“Weri ẹkụkwọ detu ihiẹn ile m gwa ị banyeni alị Izrẹlụ, alị Juda lẹ alị ndị ọzọ ile — gha ogẹn m gi gwama ị oku, ogẹn Josaya gi wụ eze, d'e ru ogẹnni.

Jerimaya 49:18

Mmẹ wụ Osolobuẹ sị, “Kẹ m dọn tikpọ Sodọm lẹ Gomora lẹ alị ndị nọkunmẹni wẹ, nke wụnị onwọnzini onyẹ bin'ẹ, ẹrịra kẹ m k'e tikpọ Ẹdọm ịhịan ebikọzị a.

Ẹkwan 4:6

Afụnfụn wẹ ye ndị nke ẹnyi, ka nwan hụn wẹ ye ndị Sodọm — hụn wẹ tikpọpụ ozigbo-ozigbo onwọnni onyẹ bịa d'e yen'ẹ ẹka.

Izikẹlụ 13:16

ndị amụma Izrẹlụ nẹi buni Jerusalẹm amụma, a hụnn'a ọhụn nị nsọngbu arịa bụ nsọngbu jun ejun. Ya kẹ Osolobuẹ Nwọn Ihiẹn Ile ku.’ ”

Izikẹlụ 13:19

Ụnụ rị e gi ufiri ọka-bali junhụ ọb'ẹka w'e kpọnye ụnụ lẹ mpekele brẹdi e budan m ẹnya ndị nke m. Ụnụ hụ e gi ntụ ụnụ rị a tụ ndị nke m hụn gi ntụ e dọn e gbu ndị furu ni wẹ rị ndụn, a latọ ndị furu ni wẹ nwụn.

Izikẹlụ 22:25

“Ndị-amụma rịn'a a kịgbamagụọ, e mẹ kẹ ẹwọrọ rị e dẹnni, a dọrinrin anụ o gbu; wẹ hụ e gbu ịhịan; wẹ hụ e buru ihiẹn rị mma lẹ ihiẹn rị mkpa; wẹ hụ e gbunarịn ikpoho bu ọda rịn'a di wẹ.

Hosia 6:10

A hụnọlẹ m eje-ihiẹn jọgbu enwẹn ẹ imẹ Izrẹlụ Ẹbamịn-ugu: ndị Ifrem nọ ebẹhụ a gba ịgbaraja ife-mmọn; ndị Izrẹlụ rị ebẹhụ a rụgụọ.

Emọsụ 4:11

M nọ gi ntikpọ sọn ụnụ kẹ m dọn tikpọ Sodọm lẹ Gomora, ndị họdụnị nọ nwan rị kẹ ihiẹn wẹ lọpụha imẹ ọkụn, kanị, ụnụ egikwọn'a rogharị d'e kunrun m.” Ya kẹ Osolobuẹ ku.

Maịka 1:5

Wẹ ile lala makẹni ụmụ Jekọpụ mẹfie emẹfie, wẹ lala makẹ njọ ikpụlọ Izrẹlụ mẹsọnmẹ. Kị wụ njọ ụmụ Jekọpụ? Ẹlẹ obodo Sameria k'ọ rị? Elebe kẹ ukpo-mmọn jun imẹ Juda? Ẹlẹ Jerusalẹm?

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Zẹfanaya 3:4

Ndị-amụma rịn'a e ku mpụ; a tụ ntụ! Ndị nchụn-ẹjan rịn'a hụ e mẹrụ ụlọ-nsọ, e gi Iwu Osolobuẹ e mẹ k'ọ sụọ wẹ.

Zẹkaraya 13:2

Osolobuẹ ihiẹn ile rị okpuru ẹ sị: “O ru ogẹn ahụn, m k'e wepụchanrịn ẹfan mmọn imẹ alị Izrẹlụ, nke wụnị anyanhankọzịdẹ wẹ wẹ; m k'e wepụzịkwọ ndị-amụma ntụ lẹ mmọn eje-obibi alịnị,

Malakaị 1:1

Ọnwan wụ ozi Osolobuẹ sị Malakaị zi ndị Izrẹlụ.

Matiu 11:24

M rị nwan a gwa ị, emẹrukọ wẹ Sodọm ihiẹn wẹ k'e mẹ i Ụhụọhịn Okinkin-ikpe!”

Ditrọnọmi 32:32

Vaịnị eje-alị Sodọm mẹ kẹ wẹ wụ, vaịnị ugbo eje-alị wụ Gomora; Ogbe wẹ wụ nshi-nshi, ọhịọ wẹ e lu ilu.

Timoti Ibuzọ 4:2

ebe wẹ nọ e sọn nkuzi ndị-ntụ lẹ ndị ihunnaị obi ghalẹni e gbuzi mgbu makẹni a dagbugụọ w'a.

Pita Nke Ẹbụọ 2:6

omẹni ọ maghọ alị Sodọm lẹ alị Gomora ikpe, dụn wẹ ọkụn, e họnrin wẹ ntụn, o gi wẹ ghọsị ihiẹn jẹnkọ d'e mẹ ndị jụ oku Osolobuẹ;

Judu 1:7

Ẹrịra kẹ ndị Sodọm lẹ Gomora lẹ obodo ndị nọkunmẹni wẹ mẹzi, bu enwẹn wẹ che ughẹrẹ lẹ ihiẹn-ụrụ, ya wẹ nọ narịn afụnfụn ọkụn-itẹbitẹ. Wẹ nọ wụrụ ihiẹn wẹ gi a gba ịhịan mkpịnsịn-ẹka ẹnya.

Rẹvẹleshọnụ 11:8

Ozun wẹ k'a rị ụzọ ụwaya kanị rị obodo uku hụ wẹ gi “Sodọm” lẹ “Ijiptu” marịn imẹ-mmọn, obodo ohu hụ wẹ nọ kpọgbu Di-nwọnni wẹ.

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.