Jerimaya 23:12 - Ika

¹² Ufiri ẹ, ụzọ wẹ k'a rị e kpo; wẹ sikọ d'a chụ wẹ ye imẹ ishi, a dantọ wẹ ebẹhụ. M k'e mẹ wẹ okẹn-ihiẹn o ru ogẹn m'e gi ye wẹ afụnfụn. Mmẹ wụ Osolobuẹ e kugụọ a!

Jerimaya 23:12 Iomraidhean Croise

Jobu 18:18

W'a gha imẹ ukpẹ a chụ a e ye imẹ ishi, a chụpụchanrịnd'a elu ụwa.

Ẹbụ-ọma 35:6

ụzọ ya gba wẹ ishi ẹnya, e kpori wẹ, hụn mmọn-ozi Osolobuẹ gi chụkọ wẹ.

Ẹbụ-ọma 73:18

Ezioku-ezioku, y'e bugụọ wẹ che ebe e kponi; y'e mẹ wẹ a dan, a dangungwọn!

Ẹbụ-ọma 82:5

Ụnụ amarịn ihiẹn, ụnụ enwọn nghọta, ụnụ rị a wahunmẹ imẹ ishi, elu-ụwa e mẹ zizizi.

Ọpụpụ 32:34

Jẹnmẹ nwan; duru wẹ shi ebẹhụ m ku; lee ẹ, mmọn-ozi m k'e burun'i ụzọ. K'osilẹrị, ogẹn ru m'e gi ye afụnfụn, m k'e yekwọ wẹ afụnfụn njọ wẹ.”

Itẹn 4:19

Ụzọ ndị njọ nọ kẹ ẹkpa-ishi; w'a ra marịn ihiẹn ụkụ wẹ kpọgburu.

Azaya 8:22

Wẹ lee ẹnya alị, a hụn wẹ nsọngbu lẹ ishi lẹ eje-ụya sụọ — a tụ wẹ wẹ ye imẹ ụya hụ.

Jerimaya 11:23

Onwọnkọdẹ kaka akpụ onyẹ ohu m jẹnkọ d'a latọ imẹ wẹ, makẹni eje-nsọngbu kẹ m welanị ndị Anatọtụ ogẹn m'e gi ye wẹ afụnfụn.”

Jerimaya 13:16

Kwerikwọ nị hụn Osolobuẹ wụ Chuku ụnụ ku gi ye ẹ ọghọ — o gini d'e mẹ ishi gbakpumẹ ụnụ, ụnụ gini d'a kpọgburumẹ lekẹ onyẹ-ijẹn ghakọ elu òke ebe eki rị e gi. Ụnụ rị a tụ ẹnya ukpẹ, kanị Osolobuẹ k'e mẹ ẹ wụrụ ẹkpa-ishi; o k'e mẹ ẹ wụrụ okẹn ishi.

Jerimaya 48:44

Onyẹ gbanahịn ihiẹn-egun ahụn, ọ danye imẹ mgbugbu hụ; onyẹ hụn isi nyinpụha imẹ mgbugbu hụ, ọ danban ọnyan hụ. Makẹni, m welanị alị Mụabụ ogẹn o gi ta afụnfụn furun'ẹ. Mmẹ wụ Osolobuẹ e kugụọ a.

Jerimaya 50:27

Gbuchanrịn nị okoro efin wẹ; kpụnrụn nị wẹ d'e gbu! Nsọngbu k'a rịnị wẹ makẹni ogẹn wẹ e rugụọ — o ruọlẹ ogẹn w'e gi narịn afụnfụn ihiẹn wẹ mẹ.

Jerimaya 8:12

Ifẹnrẹn eje-obibi wẹ hụdẹ e mẹ wẹ? Elebedẹ! Ifẹnrẹn arị wẹ ẹnya kaka! Wẹ ghadẹ e mẹ ẹ, e mẹ wẹ isi kan-kan-kan! Wẹ k'a nwụn nwan kẹ ndị ọzọ dọn nwụn; wẹ k'e ru alị ogẹn m'e gi ye wẹ afụnfụn.’ ” Ya kẹ Osolobuẹ ku.

Ẹkwan 2:20

“Euu Osolobuẹ, ledẹ k'ọ rị m! Onyẹ k'i mẹtu ẹnịna? Nị ikpoho e ri ụmụ ẹfọ wẹ, ụmụ wẹ rị e gi ẹka wẹ a zụn? Nị ịhịan e gbu ndị nchụn-ẹjan lẹ ndị-amụma imẹ Ụlọ-nsọ Osolobuẹ?

Maịka 7:4

Mma wẹ e mẹ nọ kẹ ogun; onyẹ hụn kụrụ ọtọ imẹ wẹ akanị ụgba ogun-lẹ-ọkịnkan mma. Kanị ogẹn ahụn ndị-nche ụnụ gwatọ ụnụ a bịagụọ, ogẹn m'e gi ye ụnụ afụnfụn; o sikọ d'a gba ụnụ ngharị-ẹnya!

Jọnụ 12:35

Jesu nọ sị wẹ, “Ukpẹ jẹnkọ d'e sọnzi ụnụ nọdị ẹkẹrẹ sụọ. A ghahunmẹ ni nwan hụnnị ụnụ nwọn ukpẹ, amamgbe ọhịhị a gbakunrun ụnụ idẹnmuzi, makẹni onyẹ ghakọ imẹ ishi amarịn ebe o jẹnkọ.

Ditrọnọmi 32:35

Mmẹ nwọn mẹgwarị; m k'a kụ wẹ ụgwọ ihiẹn wẹ mẹ. O ru ogẹn hụ, ụkụ wẹ k'e kpori; ụhụọhịn w'e gi tikpọ wẹ a rịgụọ nsue, ọnwụn wẹ gbala ọsọ.

Jọnụ Ibuzọ 2:11

Kanị, onyẹ hụn e ze ize ibe ẹ rị imẹ ishi; imẹ ishi k'ọ ghakọ, ọ marịn ebe o jẹnkọ makẹni ishi hụ a gbakingụọ a ẹnya.

Judu 1:13

Wẹ nọhụ kẹ mirin ohimin rị e mẹhunmẹni, ihiẹn ifẹnrẹn wẹ hụ a gbọshi elu kẹ ụfọfọ; wẹ wụ kokisẹ ụzọ ohu ghalẹni e ru, ndị Osolobuẹ kwademẹni ishi ka ishi a gba hụn k'a rị jẹnrin ejẹn!