Jerimaya 23:10 - Ika

¹⁰ Alịnị ile e mẹ ndị ughẹrẹ ndị ughẹrẹ; abụmọnụ Osolobuẹ e mẹgụọ alị kpọpụ nkụn, ẹfịfịa rị ebe wẹ nọ a zụn anụ e shinwụn — makẹni wẹ rị e bi eje-obibi, e gi ikẹn wẹ e mẹ ihiẹn ile.

Jerimaya 23:10 Iomraidhean Croise

Ẹzra 10:18

Imẹ ẹbozo ndị nchụn-ẹjan, ndịnị wụ ndị hụn lụrụ ikpoho alị ọzọ: Ndị ikpụlọ Jeshụa nwa Jozadakị lẹ umunẹ ẹ rịn'a wụ Maaseya, Ẹliẹza, Jaribu lẹ Gẹdalia.

Ẹbụ-ọma 107:34

O wiwi alị te e mẹ ihiẹn ọhụnma, o họnrin alị-nnu e gbu ihiẹn-ugbo, ufiri eje-obibi ndị bin'ẹ.

Azaya 24:6

Ya kẹ abụmọnụ gi e ripụ elu-ụwa, ndị rịn'a k'e gi isi wẹ buru eje-ihiẹn wẹ mẹ. Ya haịn ọkụn gi dụnpụ ndị rị elu-ụwa, ndị họdụnị e hizini kaka.

Azaya 5:18

Nsọngbu rị e che ndị gi ntụ wẹ rị a tụ a dọkpụn njọ nọkẹ eriri, ndị dọkpụnkọ eje-omumẹ wẹ nọkẹ ibu wẹ gi eriri dọkpụnkọ,

Jerimaya 12:11

Wẹ k'e mẹ ẹ wụrụ alị la iwi, alị ọkpọ-nkụn hụn rị a kwanghọsị m; alịnị ile k'a la iwi, makẹni onwọnni onyẹ ọ rị mkpa.

Jerimaya 14:2

“Juda ile rị nwan a kwan; obodo ndị rịn'a rị a la iwi; wẹ hụ e goo alị Juda; okẹn ẹkwan rị imẹ Jerusalẹm.

Jerimaya 6:13

“Kẹ onyẹ-uku kẹ onyẹ-nta wẹ ile chọkọ ihiẹn a ban wẹ ẹkpa; kẹ ndị-amụma kẹ ndị nchụn-ẹjan, wẹ ile wụ ndị ntụ-lẹ-aghịghọ.

Jerimaya 7:9

“Ụnụ hụ e zun ohin, e gbu ịhịan, a na ibe ụnụ nwunyẹ — a zọ ụkụ e ye ọfịa, e kun ẹfan m bụ ntụ kẹ ụnụ rị a tụ, a mụyeni Baalụ nsẹnsi, e sọn mmọn-lẹ-iyi ụnụ marịnlẹni mbụ.

Jerimaya 9:10

Mmẹ wụ Jerimaya sị, “M k'a kwan ẹkwan elu ugu, e goo m; a bụ m ẹbụ, a kwan ọfịa wiwisọnmẹni hụn anụ te nọsọnmẹ a kpa nni imẹ atụ — makẹni wẹ ile a gbagụọ okpokoro, onwọnzini onyẹ a gha ebẹhụ; w'a ra nụzị olu anụ imẹ wẹ; kẹ nnụnụ kẹ anụ-ọfịa a gbachanrịngụọ a tọ.”

Jerimaya 9:12

Onyẹ marịn ihiẹn ọhụnma n'ọ saẹka ghọta ihiẹnni? Onyẹ kẹ Osolobuẹ gwa oku n'ọ saẹka kọwa ihiẹnni? Kị wẹ tikpọnị nwan alịnị la iwi, hụn o gi nwan nọ kẹ alị ọkpọ-nkụn ịhịan ghalẹni a s'ẹka a gha?

Jerimaya 9:2

K'ọ rị m, m nwọn ebe m'a gbashi imẹ atụ, ebe ndị-ijẹn a ranhịn, kẹni m yeni ndị nke m efe, kẹni m pụnị wẹ; makẹni wẹ wụ ndị ẹnya rịlẹni ụzọ ohu, igunrun ndị-ntụ!

Hosia 7:4

Ndị ughẹrẹ kẹ wẹ ile wụ; a nụ ọkụn kẹ ọkụn rị ẹnya-mgba brẹdi, hụn onyẹ e shi brẹdi ghalẹni a fụnwunzi d'e ru ni ogbe brẹdi a fụgụ.

Juwẹlụ 1:10

Ihiẹn wẹ kụn ugbo a lagụọ iwi, akpak'alị a kpọpụ nkụn; ọka ile e lagụọ iwi; manya hụ a kọ akọwaye; ofugbọn-olivu a kọgbu enwẹn ẹ!

Lẹvitikọsụ 5:1

“Onyẹ mẹ njọ yeni n'ọ jụ n'ọ shịakọ ẹri ihiẹn o gi ẹnya a hụn mọbụ ihiẹn o gi ntịn a nụ, bụ ọ nụghọ kẹ wẹ gi ẹfan Osolobuẹ sị ịhịan ile ku ihiẹn wẹ nụ lẹ ihiẹn wẹ hụn, o k'e gi isi ẹ buru ẹ;

Zẹfanaya 3:4

Ndị-amụma rịn'a e ku mpụ; a tụ ntụ! Ndị nchụn-ẹjan rịn'a hụ e mẹrụ ụlọ-nsọ, e gi Iwu Osolobuẹ e mẹ k'ọ sụọ wẹ.

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Timoti Ibuzọ 1:10

ndị ughẹrẹ lẹ ikẹnnyẹ wẹ lẹ ikẹnnyẹ e mẹ mgba lẹ ikpoho wẹ lẹ ikpoho e mẹ mgba; ndị e re ịhịan lẹ ndị e ṅọn ịhịan; ndị-ntụ lẹ ndị a shịa ẹri-ntụ — lẹzi ndị ọzọ ile e mẹ ihiẹn ọwụlẹ ya lẹ ezigbo nkuzi ghalẹni a dangbama.

Hibru 13:4

Gbayekẹnmẹ ni ọlụlụ di-lẹ-nwunyẹ; kẹ di kẹ nwunyẹ ẹ dọnmẹ enwẹn ẹ makẹ elu-ukpo wẹ gha a rụ, makẹni Osolobuẹ jẹnkọ d'a ma ndị ughẹrẹ ikpe.

Jemisi 4:4

Ndị ẹnya rịlẹni ụzọ ohu! Ụnụ amarịn nị ọwụ ụwa wụ eṅẹnrẹn Osolobuẹ? Ya wụ, onyẹ chọ n'ọ wụrụ ọwụ ụwa o họnrin eṅẹnrẹn Osolobuẹ.