Jerimaya 22:3 - Ika

³ Osolobuẹ sị: mẹmẹ ni ihiẹn rị mma lẹ ihiẹn furuni. A gbapụha nị ndị wẹ rị a bịangbu ẹka ndị rị a bịangbuni wẹ. Emẹjalẹ ni abịamabịa lẹ ndị nwọnlẹni nẹdi lẹ ikpoho di wẹ nwụn mọbụ gi ẹka-ikẹn sọn wẹ, egbulẹ ni ndị nwọnlẹni ihiẹn wẹ mẹ ebeni.

Jerimaya 22:3 Iomraidhean Croise

Samuẹlụ Nke Ẹbụọ 23:3

Chuku Izrẹlụ ku oku, Ọmụma Izrẹlụ sị m: Onyẹ hụn gi ezi-omumẹ a kị, e gi egun Chuku a kị,

Ndị-nze Nke Ẹbụọ 24:4

kẹ ẹdeke ndị nwọnlẹni ihiẹn wẹ mẹ Manasẹ gbu. Makẹni Manasẹ mẹ ẹdeke ndị nwọnlẹni ihiẹn wẹ mẹ jun imẹ Jerusalẹm — ndị nwọnlẹni ihiẹn wẹ mẹ hụn o gbu; ufiri ẹ, Osolobuẹ achọnị n'ọ gbagharị.

Jobu 22:9

Y'a chụpụghọ ndị di wẹ nwụn, a gbarị wẹ ẹka, y'a napụghọ ndị nwọnlẹni nẹdi ihiẹn wẹ gi dọn ẹnya.

Jobu 24:9

Ịhịan hụ e weridẹ nwata nẹdi ẹ nwụnhụn wẹ kelẹni ha ẹran; wẹ hụ e gi ụmụ ndị igbẹnnyẹ e fieri ụgwọ.

Ẹbụ-ọma 68:5

Nẹdi ndị nwọnlẹni nẹdi k'ọ wụ, onyẹ hụn e kinni ikpoho di wẹ nwụn ọnụ wẹ: ịya kẹ Chuku hụn bi ebẹhụ rị nsọ wụ!

Ẹbụ-ọma 82:4

Zụọpụha nị ndị nwọnlẹni eyemẹka lẹ ndị rị e ri ụya; zụọpụha nị wẹ ẹka ndị-ejẹ.

Ẹbụ-ọma 94:21

W'e zuni ndị ezi-omumẹ umẹ, a ma ndị nwọnlẹni ihiẹn wẹ mẹ ikpe-ọnwụn.

Ẹbụ-ọma 94:6

Wẹ e gbu ikpoho di wẹ nwụn lẹ abịamabịa; e gbu ndị nwọnlẹni nẹdi;

Ọpụpụ 22:21

“Emẹjakwọlẹ ni abịamabịa mọbụ bịangbu ẹ, makẹni ụnụ nwẹn te wụ abịamabịa imẹ alị Ijiptu.

Ọpụpụ 22:22

“Emẹgbukwọlẹ ni okpoho di ẹ nwụn mọbụ onyẹ nwọnlẹni nẹdi mọbụ nnẹ.

Itẹn 23:10

Etuzụkakwọlẹ ihiẹn wẹ zumẹ okẹn ẹdẹi mọbụ narịn ndị nẹdi wẹ nwụnhụngụ alị wẹ,

Itẹn 6:17

Ẹnya onyẹ mpache, ire hụn a tụ ntụ; ẹka hụn e gbu ndị nwọnlẹni ihiẹn wẹ mẹ;

Azaya 1:23

Ndị-ọkịkị ị wụ ndị nnupụ-isi, uwẹ lẹ ndị ohin gba a wị; egho-azụụn a sụọ wẹ ile a sụọ; w'a chọsọnmẹ onyẹ k'e ye wẹ ihiẹn. W'a ra kuni ndị nwọnlẹni nẹdi ọnụ wẹ; w'a ra buchedẹ ẹnya oku ikpoho di wẹ nwụn.

Azaya 58:6

Ọnwan wụ ọnụ m sị ụnụ e bu: ịkpọpụ ndị wẹ rị e mẹ eje-ihiẹn ẹgan lẹ ịtọpụ ndị wẹ rị a kịgbu ẹgbụn, ịhatu ndị wẹ rị a bịangbu lẹ itibepụ agbụn ile rị wẹ olu. Ẹlẹ ịya?

Azaya 58:7

Ịgha e ri ị hụ a nyanhan ndị ẹgụn rị a gụn lẹ iye ogbẹnnyẹ nwọnlẹni ụlọ ebe o k'a nọdị; Ị hụn onyẹ gba ọtọ, y'e jemẹ ẹ ẹkwa lẹ ịhụn a nị y'a gbakitọnị nwẹnẹ i azụụn. Ẹlẹ ịya?

Jerimaya 19:4

M k'e mẹ ẹ makẹni ndịnị a gbakitọgụọ m azụụn, mẹrụ ebeni. A nọgụọ wẹ imẹ ẹ chụnyesọnmẹni mmọn ndị alị ọzọ rị ichẹn-ichẹn ẹjan nsẹnsi — mmọn ndị wẹ lẹ ndị nẹdi wẹ lẹ ndị-nze alị Juda marịnlẹni. E mẹgụọ wẹ ẹdeke ndị nwọnlẹni ihiẹn wẹ mẹ jun ebeni yeni ẹjan wẹ rị e gi wẹ a chụn.

Jerimaya 21:12

Ụnụ ndị ikpụlọ Defidi, lekwọ nị ihiẹn Osolobuẹ ku: E gikwọ nị ezioku a kị ụhụọhịn-ụhụọhịn; a zụọpụhakwọ nị ndị wẹ rị a bịangbu ẹka ndị rị a bịangbuni wẹ — amamgbe m'e gi ufiri eje-ihiẹn ụnụ mẹ gi ọnụma m mẹ ụnụ ihiẹn lekẹ ebe ọkụn nọ a dụn, ọkụn wẹ jẹnkọlẹni d'e tinyụn.

Jerimaya 22:17

“Kanị ẹnya ị lẹ obi i rịhụ ihiẹn i k'a narịn ịhịan, igbu ndị nwọnlẹni ihiẹn wẹ mẹ, ịbịangbu ịhịan lẹ ịtụnarịn wẹ ihiẹn wẹ.”

Jerimaya 26:16

Ya kẹ ịhaịmẹ lẹ ndị ile rị ebẹhụ nọ sị ndị nchụn-ẹjan lẹ ndị-amụma, “Okẹnnyẹni efuruni w'a ma ikpe-ọnwụn! Makẹni Osolobuẹ wụ Chuku ẹnyi ya zi ẹ ozini o zi ẹnyi.”

Jerimaya 5:28

tutu, e dẹn. Ẹfọ eje-ihiẹn ara jun wẹ; w'a ra kuni ndị nwọnlẹni nẹdi ọnụ wẹ ru isi ẹ. W'a ra shi ọnwụn nị ihiẹn ogbẹnnyẹ ru ẹ ẹka.

Jerimaya 7:23

kanị, ihiẹn m gwa wẹ wụ, ‘E mẹ ni ihiẹn m sị ụnụ e mẹ, nị m hụn ụzọ wụrụ Chuku ụnụ, ụnụ a wụrụ ndị nke m. E bini kẹ m sị ụnụ e bi kẹni ọ rịnị ụnụ mma.

Jerimaya 9:24

onyẹ k'a nyan isi ya gi ọnwan nyan isi: n'ọ marịnghọ m lẹni ọ ghọtaghọ m — nị m wụ Osolobuẹ, onyẹ hụn e gi ẹfọma lẹ ezioku lẹ ezi-omumẹ e mẹ ihiẹn elu-ụwa, makẹni uwẹ nwọn a sụọ m.” Ya kẹ Osolobuẹ ku.

Ẹkwan 3:36

kẹ ịhangbu onyẹ mẹlẹni njọ eṅẹn — Osolobuẹ ara kwadọn ihiẹn ndị nọ ẹrịra.

Izikẹlụ 18:12

omẹni ọ bịangbu ndị igbẹnnyẹ lẹ ndị elu rị a fụ; omẹni o zun ohin; omẹni ara wekinni ịhịan ihiẹn wẹ gi gbama ibe ẹka a; omẹni o fe mmọn, e mẹ arụ;

Izikẹlụ 18:7

omẹni ara mẹgbu ịhịan, kanị o wekinni ịhịan ihiẹn wẹ gi gbama ibe ẹka a; omẹni ara zun ohin, kanị o ye ndị ẹgụn rị a gụn ihiẹn-oriri, e ye ndị gba-ọtọ ẹkwa;

Izikẹlụ 22:7

Nẹdi lẹ nnẹ hụ a na mkpari imẹ i; wẹ hụ e mẹgbu abịamabịa imẹ i, e mẹja ndị nwọnlẹni nẹdi lẹ ikpoho di wẹ nwụn.

Izikẹlụ 45:9

“ ‘Osolobuẹ nwọn ihiẹn ile sị: O highọnị ụnụ ndị-ọkịkị Izrẹlụ! Kụsị nị ẹka-ikẹn lẹ mmẹgbu ụnụ! E mẹ ni ihiẹn rị mma lẹ ihiẹn furuni. Anapụzịlẹ ni ndị nke m ihiẹn wẹ. Ya kẹ Osolobuẹ Nwọn Ihiẹn Ile ku.

Juwẹlụ 3:19

“Ijiptu k'a gba okpokoro, Ẹdọm a gba okpokoro nọkẹ atụ makẹni wẹ maye ndị alị Juda ọgụn, nọ alị Juda gbu ndị nwọnlẹni ihiẹn wẹ mẹ wẹ.

Lẹvitikọsụ 19:15

“Ebulẹ ikpe ma onyẹ ikpe malẹni; egbeyelẹni ogbẹnnyẹ mọbụ kuyeni okẹn-ịhịan, ka hannị ibe i eṅẹn ọhụnma.

Emọsụ 5:15

Eje-ihiẹn ya zemẹ ụnụ ize; ihiẹn rị mma ya sụọma ụnụ; hụn n'a nị w'a han ezigbo eṅẹn ọgwa. Ikẹnkwọ Osolobuẹ, Chuku ihiẹn ile rị okpuru ẹ e gi ufiri ẹ mẹ omikẹn ụnụ, ụmụ Josẹfụ họdụnị.

Emọsụ 5:24

“Kama, nị nị ezigbo eṅẹn humẹ kẹ mirin, ezi-omumẹ ya humẹ kẹ mirin iyi ghalẹni a tahị.

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Maịka 6:8

Ịhịan, Osolobuẹ agwagụọ ị ihiẹn rị mma i k'e mẹ. Kị Osolobuẹ chọ ẹka ị karị iye ịhịan ihiẹn ẹ lẹ ihiẹn-ọsụsụọ lẹ iwelụa enwẹn i alị bini Chuku i?

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Matiu 23:23

“Nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Ụnụ a kụ ohu-imẹ-ụzọ-iri: kẹ nke arabasị-minti kẹ dilụ kẹ kumini — a latọ ihiẹn ndị ka mkpa imẹ Iwu hụn wụ imẹ ịhịan k'o furu lẹ omikẹn lẹ okukwe. Ihiẹn ndịnị ka mkpa furu ụnụ k'a gha e mẹ, e mẹzikwọ ndị ọzọ hụ.

Ditrọnọmi 10:18

Ịya e kinni onyẹ nwọnlẹni nẹdi lẹ nnẹ lẹ okpoho di ẹ nwụn ọnụ wẹ; o nwọn ihiẹn-ọsụsụọ abịamabịa, e ye ẹ ihiẹn-oriri lẹ ẹkwa.

Ditrọnọmi 24:17

Anapụkwọlẹ ni abịamabịa mọbụ nwa nwọnlẹni nẹdi ihiẹn run'ẹ, mọbụ kịnarịn okpoho di ẹ nwụn ẹwuru ẹ gi fieri ụgwọ.

Ditrọnọmi 24:7

Wẹ hụn onyẹ zunrun onyẹ Izrẹlụ ibe ẹ, a kpa a kẹ igbọn mọbụ re ẹ, wẹ k'e gburịrị onyẹ ahụn zunrun ịhịan. Ụnụ k'e gi ọhụn wepụchanrịn eje-ihiẹn imẹ igunrun ụnụ.

Ditrọnọmi 25:1

Omẹni ikpe seni ịhịan lẹ ibe ẹ, wẹ bu ẹ jẹn ọgwa nị ndị e dọnzi oku han eṅẹn, hatu hụn ri eṅẹn, hangbu hụn ikpe ma eṅẹn.

Ditrọnọmi 27:19

“Ịbụ-ọnụ ya rịnị onyẹ k'a napụ ndị abịamabịa, ndị nwọnlẹni nẹdi lẹ nnẹ lẹ ikpoho di wẹ nwụnhụn ihiẹn runi wẹ.” Ịhịan ile sị, “Isẹẹ!”

Jemisi 1:27

Ezigbo ofufe zu oke, rụlẹni ẹnya Osolobuẹ Nẹdi ẹnyi wụ hụnnị: ịtụnị ndị nwọnlẹni nẹdi mọbụ nnẹ lẹ ikpoho di wẹ nwụn rị e ri ụya ụya, lẹzi idọnmẹ enwẹn ịhịan makẹ ụwa gha e mẹrụ a.