Jerimaya 22:26 - Ika

²⁶ M jẹnkọ d'a ma yụ lẹ nnẹ mụn'ị ye alị ọzọ wụlẹni alị ụnụ, ụnụ a nọdị ebẹhụ ụnụ e we nwụn.

Jerimaya 22:26 Iomraidhean Croise

Ndị-nze Nke Ẹbụọ 24:15

Nebukadineza nọ kpụn Jehoyakini shi Babilọnụ; ọ kpụnrụnzị nnẹ eze lẹ inyẹnmẹ eze lẹ ndị-isi lẹ ndị w'a nụ oku wẹ imẹ alị ahụn, kpụn wẹ ile shi Babilọnụ.

Ndị-nze Nke Ẹbụọ 24:8

Jehoyakini rị nwa ahụa mmẹsatọ k'o họnrin eze; Jerusalẹm k'ọ nọ kị. Ifọn ẹtọ k'ọ kị. Nnẹ ẹ wụ Nehush'ta nwa Ẹl'natanị onyẹ Jerusalẹm.

Ndị-nze Nke Ẹbụọ 25:27

Hụn mẹ ẹ ahụa mmẹsa kwasị ọgụn wẹ nwụnrụn Jehoyakini eze Juda, Ẹvili-Mẹrọdakị nọ họnrin eze Babilọnụ. Hụn mẹ akpọhịn ẹsa kwasị ọgụn imẹ ifọn nke mmẹbụọ rịn'a, Ẹvili-Mẹrọdakị nọ gha ụlọ-ngan wepụha Jehoyakini eze Juda;

Ndị-nze Nke Ẹbụọ 25:29

Jehoyakini a gbụpụ ẹwuru-ngan, yiri ichẹn; d'e ru ụhụọhịn Jehoyakini nwụn ọ hụ e sọn eze Babilọnụ e ri.

Ndị-nze Nke Ẹbụọ 25:30

Eze hụ e ye Jehoyakini ihiẹn o gi e bi ụhụọhịn-ụhụọhịn Jehoyakini e we nwụn.

Azaya 22:17

Di-ẹnyi, lee ẹnya: Osolobuẹ e d'e kwọnkwọ ị ẹka ma ị tuhu!

Jerimaya 10:18

Makẹni Osolobuẹ sị, “M jẹnkọ nwan d'a ma ndị bi alịnị tuhu; m k'e bu okẹn nsọngbu tọnị wẹ, ẹnya a hụn wẹ ihiẹn.”

Jerimaya 13:18

“Osolobuẹ sị m, Sị eze rị a kịnị lẹ nnẹ ẹ, ‘Hidan nị ukpo-eze ụnụ, makẹni okpu-eze ụnụ ma mma jẹnkọ d'a gha ụnụ isi danpụ.’

Jerimaya 16:13

M jẹnkọ nwan d'a gha alịnị ma ụnụ tuhu, ma ụnụ ye alị ụnụ marịnlẹni, ndị nẹdi ụnụ marịnlẹni, ụnụ a nọ ebẹhụ fe mmọn-lẹ-iyi ichẹn-ichẹn uhinhin lẹ efinnaị, makẹni emẹkọnị m ụnụ omikẹn.’

Jerimaya 22:27

“Ụnụ ekinhẹnkọ alịnị hụn k'a rị a da ụnụ.”

Jerimaya 28:4

M k'e welụazịkwọ eze alị Juda wụ Jehoyakini wụ Jekọnaya nwa Jehoyakim ebeni, ịya lẹ ndị ọzọ ile wẹ gha Jerusalẹm kpụnshi alị Babilọnụ. Makẹni m k'e tibepụ agbụn hụn eze alị Babilọnụ yimẹ alị ile olu.’ Ya kẹ Osolobuẹ ku.”

Jerimaya 29:2

Ya wụ, o dejẹnni wẹ ya kẹ Nebukadineza ghagụ Jerusalẹm kpụnrụn eze wụ Jekọnaya lẹ nnẹ-eze kpụnshi Babilọnụ, wẹ lẹ ndị ịhaịmẹ eze lẹ ndị-ndu alị Juda lẹ isi-obodo wẹ wụ Jerusalẹm lẹ ndị omẹ-nka lẹ ndị ma kpụ goru lẹ igwe ichẹn-ichẹn.

Jerimaya 44:14

Onwọnni akpụ onyẹ ohu imẹ ndị Juda họdụnị hụn lashi Ijiptu d'e biri hụn jẹnkọ d'a wanahịnnị mọbụ hụn isi lakin alị Juda, ọsụọn'a n'ọ rị nwan a dụ wẹ nị wẹ lakin alị Juda d'e biri; onwọnni akpụ onyẹ ohu imẹ wẹ k'a lakinni mmanị akpụ madụ ole.”