Jerimaya 22:18 - Ika

¹⁸ Lee nwan ihiẹn Osolobuẹ ku banyeni i, Jehoyakim nwa Josaya rị a kị alị Juda: Osolobuẹ sị, “Akwankọnị w'a, ‘Nwẹnẹ m a laa! Nwẹnẹ m a laa!’ Akwankọnị w'a, ‘Heuu, di-nwọnni-ẹnyi a la! Eze a laa!’

Jerimaya 22:18 Iomraidhean Croise

Samuẹlụ Nke Ẹbụọ 1:26

Y'a fụka m-o, Jonatanị nwẹnẹ m! Ihiẹn i a sụọka m. Ihiẹn-ọsụsụọ i nwọnni m ehikẹ, ọ kadẹ nke ikpoho.

Ndị-nze Nke Ibuzọ 13:30

Ili ọ rụntọnị enwẹn ẹ k'o liye ẹ. Wẹ nọ kwann'a ẹkwan, a sị, “Heuu! Nwẹnẹ m!”

Ndị-nze Nke Ẹbụọ 23:36

Ahụa isẹn kwasị ọgụn kẹ Jehoyakim rị k'o họnrin eze. Jerusalẹm k'ọ nọ kị. Ahụa mmanaị k'ọ kị. Nnẹ ẹ wụ Zebida nwa Pẹdaya onyẹ obodo Ruma.

Ndị-nze Nke Ẹbụọ 23:6

Ọ nọ wepụ osisi ahụn wẹ zumẹ imẹ Ụlọ-nsọ Osolobuẹ wẹ gi a rụa Ashẹra, wepụ a imẹ Jerusalẹm, weshi ẹ Ọdanmgbugbu-Kidrọnụ, nọ ebẹhụ dụn a ọkụn. O gweriẹn ẹ, fesọnmẹ ẹ ye ikpẹkpẹ ndị alị.

Ndị-nze Nke Ẹbụọ 24:6

Jehoyakim a nwụnhụn, laburu ndị nẹdi ẹ, nwa a wụ Jehoyakini nọ họnrin eze nọkin ẹnya a.

Ihiẹn Mẹni Nke Ibuzọ 3:15

Ikẹnnyẹ Josaya mụ wụ Johananị nwa-ibuzọ a, Jehoyakim (hụn wụzị Ẹliakim) hụn wụ ọb'ẹbụọ, Zẹdikaya (hụn wụzị Matania) hụn wụ ọb'ẹtọ lẹ Shalum hụn wụ ọb'ẹnọ.

Ihiẹn Mẹni Nke Ẹbụọ 35:25

O nwọn ẹbụ onyẹ-amụma wụ Jerimaya de gi kwan Josaya hụn ikẹnnyẹ lẹ ikpoho ile a bụ ẹbụ gi a nyanhan Josaya d'e rukwọ ụhụọhịn tannị; ẹbụ ndị hụ nọ họnrin ọdịnalị imẹ Izrẹlụ; wẹ rị nwan ebe wẹ detọ Ẹbụ-ẹkwan.

Ihiẹn Mẹni Nke Ẹbụọ 36:5

Jehoyakim rị nwa ahụa isẹn kwasị ọgụn k'o họnrin eze. Ahụa mmanaị k'ọ kị; imẹ Jerusalẹm k'ọ nọ kị. O mẹ ihiẹn rịlẹni mma ẹnya Osolobuẹ wụ Chuku ẹ.

Jerimaya 16:4

Eje-emu jẹnkọ d'e gbu wẹ; onwọnni onyẹ jẹnkọ d'a kwannị wẹ mọbụ li wẹ; ozun wẹ jẹnkọ d'e jun alị kẹ nsịn-efin. Agha lẹ ụnwụn jẹnkọ d'e gbu wẹ; ozun wẹ k'a wụrụnị nnụnụ lẹ anụ-ọfịa ihiẹn-oriri.

Jerimaya 16:6

Kẹ onyẹ uku kẹ onyẹ nta jẹnkọ d'a nwụntọ alịnị; onwọnkọ onyẹ k'e lini wẹ mọbụ kwan wẹ; onwọnzikwọnị onyẹ jẹnkọ d'e be enwẹn ẹ ihiẹn mọbụ kọ ntutu ẹ n'ọ rị a kwan wẹ.

Jerimaya 21:11

“Sịzịdẹ ndị ikpụlọ eze alị Juda, ‘Gọn ni ntịn ihiẹn Osolobuẹ ku: ọ sị:

Jerimaya 22:10

Ẹlẹ eze wụ Josaya hụn nwụnhụnnị kẹ ụnụ sikọ d'a kwan mọbụ kwannị ẹkwan. Ka kwanma nị Shalum wụ Jeho-ahazị hụn rikin ẹ eze wẹ kpụnrụn nwan shi alị ọzọ, makẹni onwọnzini ogẹn o k'e gi kinhẹn mọbụ hụnzị alị a.

Jerimaya 22:12

O k'a nọ ebẹhụ wẹ kpụnshi ẹ nwụn; ọ hụnkọzị alịnị.”

Jerimaya 34:5

ọnwụn-ẹhi k'i jẹnkọ d'a nwụn. Kẹ wẹ dọn li ndị nẹdi i ọhụnma — ndị-nze hụn bu i ụzọ kị — fiyeni wẹ ọkụn, ẹrịra kẹ wẹ k'a dọn li i ọhụnma, fiyen'i ọkụn. Wẹ k'a kwan ị, a sị, “Eze ẹnyi-o! Eze ẹnyi-o!” Mmẹ lẹ enwẹn m wụ Osolobuẹ rị e kwe i nkwanị.’ ”

Jerimaya 36:30

“ ‘Lee nwan ihiẹn Osolobuẹ sị o k'e mẹ Jehoyakim eze Juda: Osolobuẹ sị: Onwọnni nwa Jehoyakim jẹnkọ d'a nọdị ukpo Defidi; wẹ k'a mahu ozun Jehoyakim, anwụn hụ a ma a efinaị, igirigi hụ e ziẹn ẹ uhinhin.