Jerimaya 22:17 - Ika

¹⁷ “Kanị ẹnya ị lẹ obi i rịhụ ihiẹn i k'a narịn ịhịan, igbu ndị nwọnlẹni ihiẹn wẹ mẹ, ịbịangbu ịhịan lẹ ịtụnarịn wẹ ihiẹn wẹ.”

Jerimaya 22:17 Iomraidhean Croise

Ndị-nze Nke Ibuzọ 21:19

Sị a, ‘Lee ihiẹn Osolobuẹ ku: ọ sị, “Y'e gbugụọnị ịhịan weri ukuu ẹ?” ’ Sịzị a, ‘Lee nwan ihiẹn Osolobuẹ ku: “Ebẹhụ nkitẹ nọ ra ẹdeke Nabọtụ kẹ nkitẹ k'a nọzịkwọ ra ẹdeke i — ẹghẹẹ, nke i!” ’ ”

Ndị-nze Nke Ẹbụọ 23:37

Jehoyakim mẹ ihiẹn rịlẹni mma ẹnya Osolobuẹ. O mẹ kẹ ndị nẹdi ẹ kanị dọn mẹ.

Ndị-nze Nke Ẹbụọ 24:4

kẹ ẹdeke ndị nwọnlẹni ihiẹn wẹ mẹ Manasẹ gbu. Makẹni Manasẹ mẹ ẹdeke ndị nwọnlẹni ihiẹn wẹ mẹ jun imẹ Jerusalẹm — ndị nwọnlẹni ihiẹn wẹ mẹ hụn o gbu; ufiri ẹ, Osolobuẹ achọnị n'ọ gbagharị.

Ihiẹn Mẹni Nke Ẹbụọ 36:8

Ihiẹn ndị ọzọ mẹni ogẹn Jehoyakim gi kị, arụ ile o mẹ lẹ eje-ihiẹn ile wẹ hụn ẹka a rị imẹ ẹkụkwọ ndị-nze Izrẹlụ lẹ Juda. Jehoyakini nwa a nọ rikin ẹ eze.

Jobu 31:7

“Omẹkwọnị ụkụ m a ghagụọ ụzọ hụ rị mma pụ; omẹkwọnị ẹnya m a kịghọ obi m mọbụ nị ẹka m a rụgụọ,

Ẹbụ-ọma 10:3

O gi ihiẹn rị a gụnn'a a nyan isi; o kuyeni onyẹ ẹnya-uku, a kpọlịa Osolobuẹ.

Ọpụpụ 18:21

Ka gha imẹ wẹ ile họrị ndị k'a saẹka kị — ikẹnnyẹ hụn a tụ egun Chuku, ikẹnnyẹ wẹ gi e dọn ẹnya hụn ghalẹni e ri egho azụụn; y'e tumẹsọnmẹ wẹ nị wẹ kị wẹ; ndị k'a kị madụ nnụ-uku nnụ-uku, ndị k'a kị ọgụn-isẹn ọgụn-isẹn, ndị k'a kị iri-kwasị-ọgụnnaị iri-kwasị-ọgụnnaị lẹ ndị k'a kị iri-iri.

Itẹn 24:2

makẹni eje-ihiẹn kẹ obi wẹ e ro, oku kẹ wẹ gi ọnụ wẹ a chọ.

Azaya 56:11

Nkitẹ okẹn ihiẹn-oriri kẹ wẹ wụ, ẹfọ ara jun wẹ! Ndị-ndu nwọnlẹni nghọta kẹ wẹ wụ; wẹ ile e mẹsọnmẹ ihiẹn sụọnị wẹ, onyẹ-onyẹ hụ a chọ nke-ẹ nke-ẹ.”

Jerimaya 17:11

Nnụnụ hụn e zuru ẹkwan o yilẹni d'e gbu — lẹ onyẹ e gi mmẹgbu a kpa egho wụ ohu; o gini d'e bi ebi, egho a la; ikpanzụụn, a hụn w'a n'ọ wụ nzuzu.

Jerimaya 19:4

M k'e mẹ ẹ makẹni ndịnị a gbakitọgụọ m azụụn, mẹrụ ebeni. A nọgụọ wẹ imẹ ẹ chụnyesọnmẹni mmọn ndị alị ọzọ rị ichẹn-ichẹn ẹjan nsẹnsi — mmọn ndị wẹ lẹ ndị nẹdi wẹ lẹ ndị-nze alị Juda marịnlẹni. E mẹgụọ wẹ ẹdeke ndị nwọnlẹni ihiẹn wẹ mẹ jun ebeni yeni ẹjan wẹ rị e gi wẹ a chụn.

Jerimaya 22:3

Osolobuẹ sị: mẹmẹ ni ihiẹn rị mma lẹ ihiẹn furuni. A gbapụha nị ndị wẹ rị a bịangbu ẹka ndị rị a bịangbuni wẹ. Emẹjalẹ ni abịamabịa lẹ ndị nwọnlẹni nẹdi lẹ ikpoho di wẹ nwụn mọbụ gi ẹka-ikẹn sọn wẹ, egbulẹ ni ndị nwọnlẹni ihiẹn wẹ mẹ ebeni.

Jerimaya 6:13

“Kẹ onyẹ-uku kẹ onyẹ-nta wẹ ile chọkọ ihiẹn a ban wẹ ẹkpa; kẹ ndị-amụma kẹ ndị nchụn-ẹjan, wẹ ile wụ ndị ntụ-lẹ-aghịghọ.

Jerimaya 6:6

Lee ihiẹn Osolobuẹ ihiẹn ile rị okpuru ẹ ku, “Gbutusọnmẹ ni osisi ndị rị ụsụọ obodo Jerusalẹm gi rụnrụn mkpọnyin ndị kehunmẹ obodo nwọn mgbọn a nọ a lụ a agha. Wẹ k'e yerịrị obodoni afụnfụn — makẹni mmẹgbu-mmẹgbu jun imẹ ẹ.

Jerimaya 7:6

ụnụ a bịangbubehi abịamabịa bi alị ụnụ lẹ ụmụ nwọnlẹni nẹdi lẹ ikpoho di nwụnnahịn, gbubehi ndị nwọnlẹni ihiẹn wẹ mẹ ụnụ alịnị, sọnbehi mmọn-lẹ-iyi ndị ahụn ụnụ rị e sọn rị a na ụnụ isi,

Jerimaya 8:10

Ufiri ihiẹn wẹ rị e mẹ, m k'e we inyẹnmẹ wẹ ye ndị ọzọ, we ugbo wẹ ye ndị ọzọ weri. Kẹ ndị uku kẹ ndị nta, ẹnya wẹ ile rị ihiẹn k'a ban wẹ ẹkpa; kẹ ndị-amụma kẹ ndị nchụn-ẹjan wụchanrịn ndị ntụ-lẹ-aghịghọ.

Izikẹlụ 18:12

omẹni ọ bịangbu ndị igbẹnnyẹ lẹ ndị elu rị a fụ; omẹni o zun ohin; omẹni ara wekinni ịhịan ihiẹn wẹ gi gbama ibe ẹka a; omẹni o fe mmọn, e mẹ arụ;

Izikẹlụ 19:6

O sọn ẹwọrọ ndị ọzọ kpama, o zekẹnmẹ. Ọ mụrụn kẹ w'e gbu anụ; o gburimẹ ịhịan,

Izikẹlụ 19:7

e weri inyẹnmẹ wẹ latọ. O tikpọ obodo wẹ a la iwi; o dẹn, ndụn a gụ alị lẹ ndị rịn'a.

Izikẹlụ 19:9

Wẹ nọ gi ukpo kọn ẹ ye imẹ ngịngan, wẹ ẹ jẹnni eze Babilọnụ. E bu w'ẹ che ụlọ-ngan, kẹni wẹ nụbehi olu ẹ elu-ugu alị Izrẹlụ.

Izikẹlụ 22:6

“Lee ndị-isi Izrẹlụ, onyẹ-onyẹ imẹ wẹ hụ e gi ọkwa a a kpa ikẹn imẹ i, e gbu ịhịan.

Izikẹlụ 33:31

Ndị nke m hụ a bịa d'e kunrun i kẹ wẹ dọn a bịa, a nọdị ihun i, e gọn ntịn oku i, kanị a rị wẹ e mẹ ihiẹn wẹ rị a nụ. E nwọnkẹ wẹ ọnụ-ọma, kanị wẹ hụkwọ a chọ nke wẹ nke wẹ.

Maịka 2:2

Wẹ chọ alị mọbụ ugbo ịhịan, a narịn w'a ya; omẹni ụlọ rọ, e weri w'ẹ; wẹ hụ a bịangbu ịhịan, e weri ụlọ a; a bịangbu ịhịan, e weri ukuu ẹ.

Maịka 3:10

hụn gi igbu-ọchụn a tụn Zayọnụ, hụn gi mmẹgbu a tụn Jerusalẹm.

Zẹfanaya 3:3

Ndị-isi rịn'a nọhụ kẹ ẹwọrọ rị e dẹnni; ndị a hannị wẹ eṅẹn nọhụ kẹ eje-anụ e ri anụ, hụn ghalẹni a nị eki e fọnkunrun ihiẹn o gbu.

Ndị Rom 1:29

ihiẹn ile rịlẹni mma e jun imẹ wẹ: kẹ eje-ihiẹn kẹ ẹnya-uku kẹ iwe kẹ iwe-ẹnya kẹ igbu-ọchụn kẹ ikpe kẹ ẹro kẹ ịchọ-njọ; e họnrin wẹ ndị-ọghẹlẹ,

Ndị Kọrẹntị Ibuzọ 6:10

ndị ohin lẹ ndị ẹnya-uku lẹ ndị manya lẹ ndị a kpọ iyi lẹ ndị a tụnarịn ịhịan ihiẹn ẹ abanyekọ Alị-eze Osolobuẹ.

Ndị Kolosị 3:5

Gbu ni nwan ẹgụn ihiẹn-ụwa hụn rị imẹ ụnụ a rụn ọrụn: kẹ ughẹrẹ kẹ obibi ru unyin kẹ ihiẹn ọlịlẹnya kẹ ẹgụn ihiẹn rịlẹni mma kẹ ẹnya-uku hụn wụzị ife-mmọn.

Joshụa 7:21

ogẹn m gi hụn ẹkwa alị Babilọnụ ma mma imẹ ihiẹn ndị ahụn ẹnyi gbukwarị, ya lẹ akpụrụ siliva ọgụn-iri lẹ ogbe goru hanzị kẹ akpụrụ iri kwasị ọgụnnaị, wẹ nọ chanban m ẹnya, m nọ weri wẹ. Wẹ rị nwan imẹ alị imẹ ọdụ m ebe m zuemẹ wẹ, siliva ahụn rịchanrịn okpuru.”

Pita Nke Ẹbụọ 2:14

Ughẹrẹ jun wẹ ẹnya; ẹfọ njọ ara jun wẹ. W'a rẹrẹrị ndị kelẹni wuzo ọhụnma e ye imẹ njọ. E gigụọ wẹ ẹnya-uku zụn obi wẹ. Ndị wẹ bụ ọnụ kẹ wẹ wụ!

Pita Nke Ẹbụọ 2:3

Wẹ k'a gha e gi ọnụ-ọma a tụnarịn ụnụ ihiẹn ụnụ yeni ẹnya-uku wẹ. Ikpe-ọmụma lẹ afụnfụn wẹ butọnị wẹ ẹdẹi hụ a — ọ lakọ wẹ tọ; ntikpọ Osolobuẹ jẹnkọ d'e tikpọ wẹ aranhịnnị!

Samuẹlụ Nke Ibuzọ 8:3

Kanị, ụmụ a ikẹnnyẹ ndịnị esọnni nzọmụkụ a. Wẹ hụ a chọsọnmẹ eje-erere, a narịn egho-azụụn, a han eje-eṅẹn.