Jerimaya 22:11 - Ika

¹¹ Makẹni, Osolobuẹ e kugụọ oku Shalum wụ Jeho-ahazị hụn rikin nẹdi ẹ wụ Josaya eze a kị alị Juda, Shalum wẹ kpụnrụn shi alị ọzọ: Osolobuẹ sị, “Ẹlẹ o k'e kinhẹnzi ebeni.

Jerimaya 22:11 Iomraidhean Croise

Ndị-nze Nke Ẹbụọ 23:29

Kẹ Josaya rị a kị, Fẹro wụ Nẹko, eze Ijiptu, jẹn Iyi-Yufretisi d'e yeni eze Asiria ẹka lụ agha. Ya eze wụ Josaya nọ jẹn d'a maye ẹ ọgụn, Nẹko nọ sọn ẹ lụ, gbu ẹ imẹ obodo Mẹgido hụn o gihụ hụn a.

Ndị-nze Nke Ẹbụọ 23:30

Ndị-agha Josaya nọ gi ụgbọ-ẹshin buru ozun ẹ gha Mẹgido lụaha Jerusalẹm, wẹ nọ li ẹ ye imẹ ili ọ tụntọ. Ndị alị ahụn nọ weri Jeho-ahazị nwa Josaya hukpu ẹ udẹn-ntumẹ, kin ẹ eze gi nọkin ẹnya nẹdi ẹ.

Ndị-nze Nke Ẹbụọ 23:31

Jeho-ahazị rị nwa ahụa ẹtọ kwasị ọgụn k'o họnrin eze. Imẹ Jerusalẹm k'ọ nọ kị; ifọn ẹtọ k'ọ kị. Nnẹ ẹ wụ Hamutalụ nwa Jerimaya onyẹ Libna.

Ndị-nze Nke Ẹbụọ 23:34

Fẹro wụ Nẹko nọ tumẹ nwẹnẹ Jeho-ahazị wụ Ẹliakim nwa Josaya eze n'o risọn nẹdi ẹ wụ Josaya eze; o gụnhutọ Ẹliakim ẹfan, kpọ a Jehoyakim. Ọ nọ nwụnrụn Jeho-ahazị, w'ẹ la Ijiptu. Ijiptu ebahụn kẹ Jeho-ahazị nwụntọ.

Ihiẹn Mẹni Nke Ibuzọ 3:15

Ikẹnnyẹ Josaya mụ wụ Johananị nwa-ibuzọ a, Jehoyakim (hụn wụzị Ẹliakim) hụn wụ ọb'ẹbụọ, Zẹdikaya (hụn wụzị Matania) hụn wụ ọb'ẹtọ lẹ Shalum hụn wụ ọb'ẹnọ.

Ihiẹn Mẹni Nke Ẹbụọ 28:12

Ya kẹ ikẹnnyẹ ẹnọ imẹ ndị-isi Ifrem, ndị Izrẹlụ Ẹbamịn ugu, Azaria nwa Jehohananị, Bẹrẹkia nwa Mẹshilẹmọtụ, Jehiz'kịa nwa Shalum lẹ Amasa nwa Had'laị nọ sị ndị hụ gha agha lala,

Ihiẹn Mẹni Nke Ẹbụọ 34:22

Hil'kia lẹ ndị hụ eze hanyen'ẹ nọ jẹn d'e kunrun onyẹ-amụma wụ Hul'da nwunyẹ Shalum nwa Tokhatị nwa Has'ra hụn ẹwuru w'e yi imẹ Ụlọ-nsọ rị ẹka. Jerusalẹm kẹ Hul'da bi, imẹ Idumu nke Ẹbụọ.

Jerimaya 22:27

“Ụnụ ekinhẹnkọ alịnị hụn k'a rị a da ụnụ.”

Zẹfanaya 1:1

Ọnwan wụ ozi Osolobuẹ zi Zẹfanaya nwa Kushi. Kushi wụ nwa Gẹdalia nwa Amaria. Nẹdi Amaraya wụ Hezikaya hụn kị alị Juda mbụ. Ogẹn Josaya nwa Amọnụ gi rị a kị Juda kẹ Osolobuẹ gi zi Zẹfanaya ozini.