Jerimaya 22:10 - Ika

¹⁰ Ẹlẹ eze wụ Josaya hụn nwụnhụnnị kẹ ụnụ sikọ d'a kwan mọbụ kwannị ẹkwan. Ka kwanma nị Shalum wụ Jeho-ahazị hụn rikin ẹ eze wẹ kpụnrụn nwan shi alị ọzọ, makẹni onwọnzini ogẹn o k'e gi kinhẹn mọbụ hụnzị alị a.

Jerimaya 22:10 Iomraidhean Croise

Ndị-nze Nke Ẹbụọ 22:20

Makẹ ufiri ẹ, m k'e cheri n'i laburugụ ndị nẹdi i, e ligụ wẹ i udọn lẹ ndọnkwa, o kebe mẹ. Y'e gikọ ẹnya ị hụn ntikpọ m jẹnkọ d'e tikpọ obodoni.’ ” Ya wẹ nọ kin azụụn d'a gwa eze ihiẹn okpoho onyẹ-amụma ahụn ku.

Ndị-nze Nke Ẹbụọ 23:29

Kẹ Josaya rị a kị, Fẹro wụ Nẹko, eze Ijiptu, jẹn Iyi-Yufretisi d'e yeni eze Asiria ẹka lụ agha. Ya eze wụ Josaya nọ jẹn d'a maye ẹ ọgụn, Nẹko nọ sọn ẹ lụ, gbu ẹ imẹ obodo Mẹgido hụn o gihụ hụn a.

Ihiẹn Mẹni Nke Ẹbụọ 36:4

Eze Ijiptu nọ tumẹ Ẹliakim nwẹnẹ Jeho-ahazị eze Juda lẹ Jerusalẹm, gbehutọ ẹfan Ẹliakim shi Jehoyakim. Eze Ijiptu hụ wụ Nẹko e bu eze wụ Jeho-ahazị nwẹnẹ Ẹliakim la Ijiptu.

Ẹkịliziastisi 4:2

M nọ sị nị ndị nwụnnị — ndị lagụnị — kẹ ẹfọ ka a sụọ ụsụọ karị ndị rị e bini, ndị rịkwọ nwan ndụn.

Azaya 57:1

Ndị ezi-omumẹ hụ a nwụn, onwọnni onyẹ e ron'ẹ; wẹ hụ e weri ndị gi obi wẹ ile e fe Osolobuẹ, onwọnni onyẹ a ghọtanị nị w'e weri ndị ezi-omumẹ makẹ eje-ihiẹn gha e kunrun wẹ;

Jerimaya 16:7

Onwọnni onyẹ k'e buye ndị umẹ mẹ ihiẹn-oriri, ọsụọn'a ọnwụn nnẹ, ọsụọn'a ọnwụn nẹdi! Onwọnni onyẹ k'e wejẹnni wẹ manya n'o gi rọkọ wẹ obi, ọsụọn'a mkpu ohu sụọ.

Jerimaya 22:11

Makẹni, Osolobuẹ e kugụọ oku Shalum wụ Jeho-ahazị hụn rikin nẹdi ẹ wụ Josaya eze a kị alị Juda, Shalum wẹ kpụnrụn shi alị ọzọ: Osolobuẹ sị, “Ẹlẹ o k'e kinhẹnzi ebeni.

Jerimaya 22:18

Lee nwan ihiẹn Osolobuẹ ku banyeni i, Jehoyakim nwa Josaya rị a kị alị Juda: Osolobuẹ sị, “Akwankọnị w'a, ‘Nwẹnẹ m a laa! Nwẹnẹ m a laa!’ Akwankọnị w'a, ‘Heuu, di-nwọnni-ẹnyi a la! Eze a laa!’

Jerimaya 22:27

“Ụnụ ekinhẹnkọ alịnị hụn k'a rị a da ụnụ.”

Jerimaya 25:27

Osolobuẹ sị m, “Sị wẹ nị Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Ra nị tụ, gbọma ẹgbọ, dangungwọn, yeni ọpịa-agha m zila imẹ igunrun ụnụ.’

Jerimaya 28:4

M k'e welụazịkwọ eze alị Juda wụ Jehoyakini wụ Jekọnaya nwa Jehoyakim ebeni, ịya lẹ ndị ọzọ ile wẹ gha Jerusalẹm kpụnshi alị Babilọnụ. Makẹni m k'e tibepụ agbụn hụn eze alị Babilọnụ yimẹ alị ile olu.’ Ya kẹ Osolobuẹ ku.”

Jerimaya 42:18

Makẹni, Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘Ụnụ jẹn alị Ijiptu, e gi m iwe-lẹ-olulu mẹshi ụnụ ikẹn kẹ m dọn mẹ ndị Jerusalẹm. M mẹgụ ụnụ ya, ụnụ e họnrin ihiẹn wẹ bụ ọnụ lẹ ihiẹn w'a sọ lẹ ihiẹn wẹ gi a bụ ọnụ, ihiẹn ifẹnrẹn. Ẹnya ụnụ ahụnkọzị alịnị.’

Jerimaya 44:14

Onwọnni akpụ onyẹ ohu imẹ ndị Juda họdụnị hụn lashi Ijiptu d'e biri hụn jẹnkọ d'a wanahịnnị mọbụ hụn isi lakin alị Juda, ọsụọn'a n'ọ rị nwan a dụ wẹ nị wẹ lakin alị Juda d'e biri; onwọnni akpụ onyẹ ohu imẹ wẹ k'a lakinni mmanị akpụ madụ ole.”

Ẹkwan 4:9

Ndị wẹ gi ọpịa-agha gbu kazịdẹ nwan mma karị ndị ẹgụn rị e gbu — ndị rị a nwụnhụn makẹ ụnwụn.

Izikẹlụ 24:16

“Nwa-ịhịan, m'e d'e gi ube-ohu napụ ị ihiẹn hụn a sụọnị ị. Ka, akwanlẹ ụya; akwanlẹ ẹkwan; eziẹnlẹ ẹnya-mirin.

Luku 23:28

Jesu nọ gbehutọ, sị wẹ, “Ikpoho Jerusalẹm! Akwanlẹ ni ni m ẹkwan, ka kwanmanị nị enwẹn ụnụ lẹ ụmụ ụnụ ẹkwan.