Jerimaya 21:9 - Ika

⁹ Onyẹ ọwụlẹ hụn nọdị imẹ obodoni, ọpịa-agha mọbụ ẹgụn mọbụ eje-emu k'e gbu ẹ. Kanị, onyẹ ọwụlẹ hụn jẹn d'e we enwẹn ẹ ye ndị Babilọnụ hụn kehunmẹni ụnụ k'a rị ndụn; o k'a hụn isi wanahịn.

Jerimaya 21:9 Iomraidhean Croise

Jerimaya 14:12

Ọsụọn'a wẹ bu ọnụ, egọnkọ m ntịn ẹkwan wẹ; ọsụọn'a wẹ chụn ẹjan w'a kpọ ọkụn lẹ ẹjan ọka, ewekọ m. Hụn nkẹ m'e gi narịn wẹ, m k'e gidẹ ọpịa-agha lẹ ẹgụn lẹ eje-emu gbu wẹ.”

Jerimaya 21:7

O mẹgụ, m k'e we eze Juda wụ Zẹdikaya lẹ ịhaịmẹ ẹ lẹ ndị ile k'a wanahịn eje-emu hụ lẹ ọpịa-agha lẹ ẹgụn hụ lala imẹ obodoni ye Nebukadineza wụ eze ndị Babilọnụ lẹ ndị iṅẹnrẹn wẹ ndị ọzọ chọkọ wẹ ogbugbu. O jẹnkọ d'e gi ọpịa-agha gbu wẹ; o mẹkọnị wẹ omikẹn mọbụ ebere, o lekọdẹ wẹ ẹnya ihun. Ya kẹ Osolobuẹ ku.’

Jerimaya 24:10

M k'e gi ọpịa-agha lẹ ụnwụn lẹ eje-emu sọn wẹ d'e ru ni a gụchanrịn wẹ alịnị m ye wẹ lẹ ndị nẹdi wẹ kanị.”

Jerimaya 27:11

“ ‘Kanị, alị ọwụlẹ hụn k'e bu olu che agbụn eze Babilọnụ, fe ẹ, a nị m wẹ nọdịsọnmẹ alị wẹ, a rụnsọnmẹ wẹ ugbo alị wẹ, bisọnmẹ ẹ. Mmẹ wụ Osolobuẹ e kugụọ a.’ ”

Jerimaya 27:12

E zizighọ m Zẹdikaya eze Juda ozi ohu hụ, sị, “Bu ni enwẹn ụnụ che okpuru eze alị Babilọnụ, femẹ ya lẹ ndị nke ẹ, kẹni ụnụ rị ndụn.

Jerimaya 27:13

Kị yụ lẹ ndị nke i k'a nịnị Osolobuẹ gi agha lẹ ụnwụn lẹ eje-emu gbupụ ụnụ, ebe o mẹ ni o kugụọ a n'o k'e gi wẹ gbu ndị alị ọwụlẹ kwerilẹni bu enwẹn wẹ che okpuru eze alị Babilọnụ?

Jerimaya 38:2

“Osolobuẹ sị, ‘Onyẹ nọdị imẹ obodoni ọpịa-agha mọbụ ẹgụn mọbụ eje-emu e gbu ẹ. Kanị, onyẹ hụn fetuni we enwẹn ẹ ye ndị Babilọnụ k'a rị ndụn; o k'a hụn isi wanahịn; ọ nwụnkọ.’

Jerimaya 38:3

A nụgụọzị wẹ kẹ Jerimaya rị e ku nị Osolobuẹ sị, ‘Wẹ k'e burịrị obodoni che ndị-agha eze Babilọnụ ẹka, e mẹri w'ẹ weri.’ ”

Jerimaya 39:18

Ẹghẹẹ, m k'a zụọpụha ị, aghanị erikọ ị isi; kama ị k'a hụn isi wanahịn, makẹni i gi m dọn ẹnya. Ya kẹ Osolobuẹ ku.’ ”

Jerimaya 45:5

Yụ nwẹn, ị rị a chọ okẹn ihiẹn. Chọbehi wẹ. Makẹni mmẹ wụ Osolobuẹ rị nwan a gwa ị nị m jẹnkọ d'e tikpọ ịhịan ile, kanị m jẹnkọ d'a n'ị wanahịn ebe ọwụlẹ i jẹn.’ ”

Izikẹlụ 5:12

M sikọ d'e kebe ndị nke i ụzọ ẹtọ, gi ẹgụn lẹ eje-emu gbu ụzọ ohu tọ imẹ i, gi ọpịa-agha gbu ụzọ ohu kanị ẹlẹ imẹ obodo, e fe m ụzọ ohu ye alị ndị ọzọ rị ẹbamịn ile, gi ọpịa-agha chụ wẹ.