Jerimaya 21:7 - Ika

⁷ O mẹgụ, m k'e we eze Juda wụ Zẹdikaya lẹ ịhaịmẹ ẹ lẹ ndị ile k'a wanahịn eje-emu hụ lẹ ọpịa-agha lẹ ẹgụn hụ lala imẹ obodoni ye Nebukadineza wụ eze ndị Babilọnụ lẹ ndị iṅẹnrẹn wẹ ndị ọzọ chọkọ wẹ ogbugbu. O jẹnkọ d'e gi ọpịa-agha gbu wẹ; o mẹkọnị wẹ omikẹn mọbụ ebere, o lekọdẹ wẹ ẹnya ihun. Ya kẹ Osolobuẹ ku.’

Jerimaya 21:7 Iomraidhean Croise

Azaya 27:11

Osisi ndị ahụn kpọpụ nkụn, kpagiri, ikpoho e gi wẹ fiye ọkụn. Makẹni ndịnị enwọn nghọta — ya haịn Onyẹ keni wẹ gilẹni e mẹni wẹ omikẹn, Onyẹ keni wẹ ara mẹni wẹ ọhụnma.

Azaya 47:6

M te rị e busọn ndị nke m olulu; ya m nọ gi olulu hụ mẹrụdẹ ihiẹn m; e mẹ m wẹ ban ị ẹka, y'e mẹni ni wẹ omikẹn kaka — kẹ ndị ẹgẹdi rị imẹ wẹ k'i buye ibu nyịnnị.

Jerimaya 13:14

M k'e se isi lẹ isi gbetarị, isi ndị nẹdi lẹ ụmụ wẹ, anịkọ m omikẹn mọbụ ebere wẹ mẹ m etikpọlẹ wẹ.’ ” Ya kẹ Osolobuẹ ku. Jerimaya sị,

Jerimaya 14:12

Ọsụọn'a wẹ bu ọnụ, egọnkọ m ntịn ẹkwan wẹ; ọsụọn'a wẹ chụn ẹjan w'a kpọ ọkụn lẹ ẹjan ọka, ewekọ m. Hụn nkẹ m'e gi narịn wẹ, m k'e gidẹ ọpịa-agha lẹ ẹgụn lẹ eje-emu gbu wẹ.”

Jerimaya 15:5

Euu Jerusalẹm, onyẹ k'e mẹdẹn'i nwan omikẹn? Onyẹ k'a kwann'ị ẹkwan? Onyẹ jẹnkọ d'a kụsị n'ọ jụ ukwere i?

Jerimaya 15:9

Okpoho te gi ụmụ ẹsa k'a sọhị, kwọnbepụ, anwụn a rọn'a ebe eki rị elu; ọ fa, ụya e ri ẹ. “ ‘M k'e gi ọpịa-agha gbuzi ndị k'a họdụnị — ghahanị ndị-iṅẹnrẹn wẹ.’ ” Ya kẹ Osolobuẹ ku.

Jerimaya 19:7

“M jẹnkọ d'a nọ ebeni kpayịya ihiẹn ile ndị Juda lẹ ndị bi imẹ Jerusalẹm romẹ. M k'e mẹ ndị-iṅẹnrẹn wẹ gi ọpịa-agha gbu wẹ, m k'e mẹ wẹ danyesọnmẹ ẹka ndị rị a chọ isi wẹ; m k'e we ozun wẹ ye nnụnụ lẹ anụmanụ ri.

Jerimaya 20:4

Makẹni, Osolobuẹ sị, ‘M k'e mẹ i ihiẹn k'a tụ kẹ yụ kẹ ndị-ọwụ ị egun. Ndị-iṅẹnrẹn wẹ k'a nọ idẹnya ị gi ọpịa-agha gbu wẹ. M k'e we ndị Juda ile ye eze ndị Babilọnụ mẹri, ọ kpụnrụn ndị ọ k'a kpụnrụn shi Babilọnụ, o gi ọpịa-agha gbu ndị o k'e gbu.

Jerimaya 22:25

M jẹnkọ d'e bu i che ẹka ndị rị a chọ i isi, ndị ahụn ị rị a tụ egun wẹ — hụn wụ Nebukadineza eze ndị Babilọnụ lẹ ndị Babilọnụ.

Jerimaya 27:6

E wegụọ m nwan alị ile ụnụ rị a kị ye odibo m wụ Nebukadineza hụn wụ eze Babilọnụ, buzikwọ anụ rị ọfịa che okpuru ẹ.

Jerimaya 32:4

Kị ị rị a sị nị Osolobuẹ sị, ‘Eze wụ Zẹdikaya awanahịnkọ ndị Babilọnụ; o k'a danbanrịrị ẹka eze wẹ wụ Nebukadineza, wẹ ẹbụbụọ e ku elee-m elee-i.’

Jerimaya 34:3

Yụ lẹ enwẹn i wụ Zẹdikaya awanahịnkọ eze Babilọnụ hụ, kaka. Wẹ k'a nwụndọnrịrị ị, bu i che ẹ ẹka. Yụ lẹ ịya k'a hụn elee-m elee-i, ụnụ e kutarị elee-m, elee-i. Wẹ k'a kpụn ị shi Babilọnụ.

Jerimaya 36:29

Sị Jehoyakim wụ eze Juda, nị Osolobuẹ sị, ‘Y'a dụngụọ ẹkụkwọ hụ ọkụn, sị Jerimaya, “Kị haịn i gi de nị eze ndị Babilọnụ k'a bịarịrị d'e tikpọ alịnị, gbuchanrịn kẹ ịhịan kẹ anụmanụ rịn'a?”

Jerimaya 37:17

Eze wụ Zẹdikaya nọ sị wẹ wẹhẹ Jerimaya imẹ obi-eze. Ọ nọ we ẹ shi ụsụọ, jụ a, “O nwọnghọ ihiẹn Osolobuẹ ku?” Jerimaya nọ sị a, “O nwọnghọ. Ọ sị wẹ k'e we i che ẹka eze Babilọnụ.”

Jerimaya 50:17

“Izrẹlụ a wụrụgụọ atụnrụn gbayịyanị, atụnrụn ẹwọrọ chụzịza. Eze ndị Asiria bu ụzọ nwụnri ẹ, Nebukadineza eze Babilọnụ nọ nwan tachan ọkpụkpụ a.”

Ẹkwan 2:20

“Euu Osolobuẹ, ledẹ k'ọ rị m! Onyẹ k'i mẹtu ẹnịna? Nị ikpoho e ri ụmụ ẹfọ wẹ, ụmụ wẹ rị e gi ẹka wẹ a zụn? Nị ịhịan e gbu ndị nchụn-ẹjan lẹ ndị-amụma imẹ Ụlọ-nsọ Osolobuẹ?

Ẹkwan 2:22

K'i dọn a kpọ oriri ụhụọhịn mmẹmmẹ nsọ, ẹrịra k'i dọn kpọhanị m ihiẹn-egun d'e fihunmẹ m azụụn ile. Ụhụọhịn hụ Osolobuẹ ghọsị olulu rị a obi, onwọnni onyẹ wanahịnnị mọbụ hụn isi pụha — ndị m lepụ ẹnya, zụn, eṅẹnrẹn m e gbugụọ wẹ.”

Izikẹlụ 23:28

“Osolobuẹ Nwọn Ihiẹn Ile sị: ‘M'e d'e bu i che ẹka ndị ize wẹ e ze i, ẹka ndị hụ ị jụ.

Izikẹlụ 7:9

Elekọ m ụnụ ẹnya ihun; emẹkọ m omikẹn ụnụ. M jẹnkọ d'e ye ụnụ afụnfụn ihiẹn ụnụ mẹ lẹ arụ ile ụnụ mẹ imẹ igunrun ụnụ, ogẹn hụ kẹ ụnụ k'a marịn nị mmẹ wụ Osolobuẹ rị e mẹ ụnụ ihiẹnni.

Izikẹlụ 8:18

Mmẹ nwẹn jẹnkọ nwan d'e gi olulu mẹ wẹ ihiẹn; elekọ m wẹ ẹnya ihun; emẹkọ m omikẹn wẹ. Wẹ k'a kwanghọsị m ọda-ọda, egọnkọ m wẹ ntịn.”

Izikẹlụ 9:10

Mmẹ nwẹn emẹkọ nwan omikẹn wẹ; elekọ m wẹ ẹnya ihun. M k'e mẹ wẹ gi isi wẹ buru eje-ihiẹn wẹ mẹ.”

Ditrọnọmi 28:50

alị nwọnlẹni ihiẹn wẹ e tu, ghalẹni a gbaye ẹgẹdi mọbụ e mẹ omikẹn nwata.