Jerimaya 21:5 - Ika

⁵ Mmẹ lẹ enwẹn m jẹnkọ d'e gi ikẹn m mẹ ụnụ ihiẹn. M k'e gi ẹka-ikẹn, okẹn iwe lẹ ọnụma mẹ ụnụ ya.

Jerimaya 21:5 Iomraidhean Croise

Ọpụpụ 6:6

“Sị nwan ndị Izrẹlụ, ‘M wụ Osolobuẹ; m k'e wepụha ụnụ imẹ ẹgbụn ndị Ijiptu kẹn ụnụ; m k'e mẹ ụnụ weri enwẹn ụnụ ẹka ndị Ijiptu, e gi m ikẹn m jẹnkọ d'a kpa lẹ okẹn ihiẹn ndị m k'e mẹ gi ye wẹ afụnfụn zụọpụha ụnụ.

Ọpụpụ 9:15

Nkẹ e weshigụọ m ẹka elu mẹ yụ lẹ ndị nke i ihiẹn; nkẹ a zachanpụgụọ ụnụ elu ụwa.

Azaya 10:4

Onwọnzini ihiẹn k'a họdụnị ụnụ wezụka ịma-piripiri imẹ ndị wẹ kpụnshikọ alị ọzọ, mọbụ ịrị imẹ ndị wẹ gbu. Kanị, ihiẹnni ile arọkwọnị Osolobuẹ olulu, o wetukwọnị ẹka o gi rị e mẹshi ndị nke ẹ ikẹn.

Azaya 5:25

Ịya haịn Osolobuẹ gi gi olulu sọn ndị nke ẹ; o weshi ẹka, titu wẹ: ugu e mẹhunmẹ, ozun e jun rịkẹ ẹfịfịa rị ụwaya. Kanị, ihiẹnni ile arọkwọn'a nwan olulu, echẹn kẹ ẹka a rịkwọ elu n'o tizi wẹ.

Azaya 63:10

Kanị wẹ nọ femẹ isi, mẹ ize zemẹ Mmọn-nsọ Osolobuẹ. Ya Osolobuẹ nọ hutọ, họnrin eṅẹnrẹn wẹ — gidẹ ẹka a bunụmanị wẹ.

Azaya 9:12

Ndị Aram gha ibe ọwụwa-ẹnyanwụn bịa lẹ ndị Filistia gha ndịdan-ẹnyanwụn bịa a shịapụchanrịngụọ ọnụ ripụ Izrẹlụ. Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Azaya 9:17

Ufiri ẹ, Osolobuẹ eleni ikorọbịa wẹ ẹnya ihun, o mẹdẹni omikẹn ụmụ-ẹka nwọnlẹni nẹdi lẹ nnẹ lẹ ikpoho di wẹ nwụn, makẹni ndịnị ile wụ ndị eje-omumẹ ghalẹni a tụ egun Osolobuẹ; ọnụ ile rị e ku eje-ihiẹn! Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Azaya 9:21

Manasẹ e ri Ifrem, Ifrem e ri Manasẹ; wẹ ẹbụọ e bunụmanị Juda. Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Jerimaya 32:17

“Euu, Osolobuẹ ihiẹn ile rị okpuru ẹ, yụ gi ikẹn i hi-ogbe lẹ ẹka ị tịnpụ mẹmẹ igwere lẹ ụwa! Onwọnni ihiẹn a karị ị ẹka.

Jerimaya 32:37

‘M jẹnkọ d'a gha alị ile m gi olulu m rị a dụn kẹ ọkụn lẹ okẹn-ọnụma m chụshi wẹ wepụhazị wẹ, welụa wẹ ebeni, e mẹ m wẹ biri ẹ udọn lẹ ndọnkwa.

Jerimaya 36:7

Ikẹnkwọ nị wẹ rịọghọ Osolobuẹ n'ọ gbagharị wẹ, onyẹ-onyẹ a latọ eje-obibi ẹ, makẹni Osolobuẹ e kugụọkwọ a n'o k'e gi okẹn iwe lẹ okẹn-ọnụma mẹshi ndịnị ikẹn.”

Jerimaya 37:10

Ọsụọn'a nị ụnụ e mẹrichanrịn ndị-agha Babilọnụ ile rị a lụsọn ụnụ agha, nke wụnị ọ họdụ ndị wẹ rụ ẹhụ dinẹsọnmẹ imẹ ọdụ wẹ, ndị ahụn rụ ẹhụ jẹnkọ d'e lihi kpọ obodoni ọkụn.’ ”

Jerimaya 6:12

Ụlọ wẹ jẹnkọ d'a bansọnmẹ ndị ọzọ ẹka, ya lẹ ugbo wẹ lẹ inyẹnmẹ wẹ — makẹni m k'e mẹshi ndị bi alịnị ikẹn.” Ịya kẹ Osolobuẹ ku.

Ẹkwan 2:3

Ọ gigụọ okẹn-olulu ẹ kwọnpụchanrịn mpịn ile Izrẹlụ gi a lụ ọgụn. O serigụọ ẹka-nni ẹ o gi a lụnị Izrẹlụ ọgụn — ihun ndị-iṅẹnrẹn wẹ. Ọ dụngụọ kẹ ọkụn imẹ alị Jekọpụ dụnpụ ihiẹn ile nọkunmẹn'ẹ.

Izikẹlụ 39:3

A fịantu m ụta rị ị ẹka-ekpẹn, mẹzikwọ ọbara-ụta rị ị ẹka-nni dannahịn ị.

Izikẹlụ 5:8

mmẹ wụ Osolobuẹ nwọn ihiẹn ile rị nwan a gwa yụ wụ Jerusalẹm nị mmẹ lẹ yụ rọ! M jẹnkọ d'e mẹshi i ikẹn idẹnya alị ndị ọzọ.

Ditrọnọmi 4:23

Wekwọ nị ẹnya ru alị makẹ ụnụ gha a zọ Iwu Osolobuẹ wụ Chuku ụnụ gi kwọngbama ụnụ lẹ ịya; akpụrụkwọlẹ ni ihiẹn ọwụlẹ femẹ — makẹni Osolobuẹ wụ Chuku ụnụ a gwagụọ ụnụ emẹlẹ ẹ.

Ditrọnọmi 4:34

O nwọntughọ mmọn ọwụlẹ nwantu n'ọ gha imẹ alị ọzọ wepụhanị enwẹn ẹ ndị alị ọzọ rị alị hụ ghahanị afụnfụn o gi lele wẹ, ihiẹn-nghọsị, ahụnlele, agha, ikẹn hi-ogbe, ịkpa-ikẹn lẹ ọrụn ndị a tụ egun — nọkẹ ndị ahụn ile Osolobuẹ wụ Chuku ụnụ mẹsọnmẹ imẹ alị Ijiptu idẹnya ụnụ?