Jerimaya 21:13 - Ika

¹³ Ihiẹn m k'e mẹ i, Jerusalẹm, ịyụ hụn rị ọdanmgbugbu ahụn ugu fihunmẹ; ịyụ, okẹn-ọmụma ahụn rị etintinnaị alị-aradan. Ụnụ hụ a sị, “Onyẹ k'a s'ẹka bịa ebeni d'a lụsọn ẹnyi agha?! Onyẹ k'a s'ẹka banhan ebeni ẹnyi rị?!”

Jerimaya 21:13 Iomraidhean Croise

Ẹbụ-ọma 125:2

Kẹ ugu dọn fihunmẹ Jerusalẹm, ẹrịra kẹ Osolobuẹ dọn fihunmẹ ndị nke ẹ, ogẹnni lẹ jẹnrin ejẹn.

Ọpụpụ 13:20

Ndị Izrẹlụ nọ nwan gha Sukọtụ pụ. E ru wẹ Ẹtam hụn rị mkpẹnrẹn atụ, wẹ nọ ziẹntọ ebẹhụ, tumẹsọnmẹ ọdụ.

Ọpụpụ 13:8

O ru ụhụọhịn hụ, i jẹnkọ d'a kọwanị nwa ị, sị a, ‘M rị e mẹ ihiẹnni makẹ ihiẹn Osolobuẹ mẹni m ogẹn m gi gha alị Ijiptu pụha’.

Azaya 22:1

Lee ihiẹn Chuku ku banyeni Jerusalẹm, Ọdanmgbugbu Ozi-Osolobuẹ. Kị wụ nwan nsọngbu ụnụ, hụn ụnụ ile gi nwan shi elu ụlọ.

Jerimaya 17:3

Ufiri ẹ, kẹ ugu m rị alịnị kẹ ihiẹn ile ụnụ nwọn lẹ ihiẹn ụnụ dọnmẹ, m k'e wechanrịn wẹ ye ndị-ọzọ kwarị, wẹ lẹ ukpo-mmọn ụnụ ndị ahụn yeni njọ ile ụnụ mẹ imẹ alịnị.

Jerimaya 21:5

Mmẹ lẹ enwẹn m jẹnkọ d'e gi ikẹn m mẹ ụnụ ihiẹn. M k'e gi ẹka-ikẹn, okẹn iwe lẹ ọnụma mẹ ụnụ ya.

Jerimaya 49:16

Egun i wẹ rị a tụ lẹ ihiẹn i rị e ro nị ya k'ị wụ e dufiegụọ ị, onyẹ nwẹn bi ẹgbata ọmụma eje-ihiẹn ghalẹni e ru ẹhụ, onyẹ nwẹn bi ebe kachanrịn elu e jẹn elu òke! Ọsụọn'a ị tụn ụlọ ị ye imẹ elu kẹ ugọn, m jẹnkọ d'a gha ebẹhụ nutu i. Mmẹ wụ Osolobuẹ ku ẹ.

Jerimaya 50:31

Osolobuẹ ihiẹn ile rị okpuru ẹ sị, “Lee ẹ, m k'e mẹshi i ikẹn, onyẹ mpache, makẹni ogẹn i e rugụọ — ogẹn m'e gi ye i afụnfụn ihiẹn i mẹ.

Jerimaya 51:25

Mmẹ lẹ ịyụ rọ, okẹn-ugu e tikpọ ihiẹn! Ịyụ hụn rị e tikpọ ụwa ile, ẹka m jẹnkọ d'e bitụ ị, nutu i, mẹ i wụrụ ugu la iwi. Mmẹ wụ Osolobuẹ ku ẹ.

Jerimaya 7:4

Ebukwọlẹ ni obi ụnụ che ntụ ahụn ụnụ rị a tụ enwẹn ụnụ, nị ‘Ụlọ-NSỌ Osolobuẹ hụ ebeni! Ụlọ-NSỌ Osolobuẹ hụ ebeni! Ụlọ-NSỌ Osolobuẹ hụ ebeni!’

Ẹkwan 4:12

Ndị nze-ụwa ekwerini kaka, onwọnzikwọnị ndị alị ọwụlẹ ron'ẹ nị ndị-iṅẹnrẹn lẹ ndị iwe k'a saẹka mẹri Jerusalẹm banhan ọnụ-mgbọn ndị rị Jerusalẹm.

Izikẹlụ 13:8

“Ufiri ẹ, Osolobuẹ Nwọn Ihiẹn Ile sị: Mmẹ lẹ ụnụ rọ — ebe omẹni ụnụ rị e ku ihiẹn wụlẹni ezioku, a hụn ọhụn ntụ! Ya kẹ Osolobuẹ Nwọn Ihiẹn Ile ku.

Izikẹlụ 21:3

Sị alị Izrẹlụ, ‘Osolobuẹ sị: Lee ẹ, mmẹ lẹ yụ rọ! M k'e sepụha ọpịa-agha m imẹ ọbụọ a, gbupụ kẹ ndị ezi-omumẹ kẹ ndị-ejẹ rịn'a!

Izikẹlụ 34:10

mmẹ, Osolobuẹ Nwọn Ihiẹn Ile sị: mmẹ lẹ ndị ahụn rị e du atụnrụn rọ! M k'a jụ wẹ ukwere atụnrụn m. M k'a chụ wẹ ọrụn, elepụkọzị wẹ atụnrụn ndị hụ ẹnya, elepụbehi wẹ enwẹn wẹ ẹnya a sị nị wẹ rị e lepụ atụnrụn m ẹnya. A zụọpụha m atụnrụn m ọnụ wẹ, o mẹkọzị ihiẹn-oriri ẹka wẹ.

Izikẹlụ 5:8

mmẹ wụ Osolobuẹ nwọn ihiẹn ile rị nwan a gwa yụ wụ Jerusalẹm nị mmẹ lẹ yụ rọ! M jẹnkọ d'e mẹshi i ikẹn idẹnya alị ndị ọzọ.

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Nahum 2:13

Mmẹ lẹ ịyụ rọ, Ninivẹ! Ya kẹ Osolobuẹ ihiẹn ile rị okpuru ẹ ku. M k'a dụn ụgbọ-anyịnyan ndị ahụn Ninivẹ nwọn ọkụn, e họnrin wẹ ẹnwụnrụn; ọpịa-agha k'e gbuchanrịn ndị nke i hụn wụ ụmụ ẹwọrọ ị, a napụ m'ị alị ndịnị ị rị e gbu a kwarị ihiẹn wẹ; anụkọzị wẹ olu ndị ụkọ ị!