Jerimaya 21:10 - Ika

¹⁰ A kwademẹgụọ m nị m jẹnkọ d'e mẹ obodoni eje-ihiẹn, ẹlẹ ihiẹn rị mma — mmẹ wụ Osolobuẹ ku ẹ. M k'e bu obodoni che ẹka eze ndị Babilọnụ, o yi ẹ ọkụn!’

Jerimaya 21:10 Iomraidhean Croise

Ihiẹn Mẹni Nke Ẹbụọ 36:19

Wẹ nọ yi Ụlọ-nsọ Chuku ọkụn, kụtu mgbọn Jerusalẹm, dụnpụ ụlọ ile rị mkpa rịn'a ọkụn, tikpọ ihiẹn ile rị mkpa rị ebẹhụ.

Ẹbụ-ọma 34:16

kanị o bu a nụmanị ndị e mẹ eje-ihiẹn, kẹn'o fichanpụ ẹfan wẹ enu-ụwa.

Jerimaya 17:27

Kanị, omẹni ụnụ emẹni ihiẹn m ku banyeni idọnmẹ Ụhụọhịn Ezumikẹn nsọ, bughabehi ibu ọnụ-mgbọn rịsọnmẹ Jerusalẹm Ụhụọhịn Ezumikẹn, a mụ m ọkụn wẹ ghalẹni a s'ẹka e tinyụn ye ọnụ-mgbọn ile rị Jerusalẹm, ọ dụnpụchanrịn ụlọ-uku ile rị Jerusalẹm hụn w'a gbaban.”

Jerimaya 26:6

m jẹnkọ d'e mẹ ụlọ-nsọnị ihiẹn m mẹ obodo Shilo, mẹ obodoni wụrụ ihiẹn ndị alị ile rị elu-ụwa gi a bụ ọnụ.’ ”

Jerimaya 33:5

Ebe wẹ rị a lụsọn ndị Babilọnụ agha, ozun ndị alịnị k'e jun ụlọ ndịnị, ozun ndị m k'e gi iwe lẹ ọnụma m gbu, makẹni a gbakitọgụọ m alịnị azụụn yeni eje-ihiẹn wẹ rị e mẹ.

Jerimaya 34:2

“Osolobuẹ hụn wụ Chuku Izrẹlụ sị: Jẹnburu Zẹdikaya wụ eze alịnị wụ Juda, sị a, ‘Osolobuẹ sị: M'e d'e bu obodoni wụ Jerusalẹm che eze ndị Babilọnụ ẹka, o k'a kpọ a ọkụn.

Jerimaya 34:22

M jẹnkọ nwan d'a kpọkinhẹn wẹ imẹ obodoni. Wẹ k'a lụsọn ẹ agha, weri ẹ, dụn a ọkụn. M k'e tikpọchanrịn obodo ile rị alị Juda, ịhịan ebikọzị a.’ ”

Jerimaya 38:17

Ya Jerimaya nọ sị Zẹdikaya, “Lee ihiẹn Osolobuẹ ihiẹn ile rị okpuru ẹ hụn wụ Chuku Izrẹlụ ku: ọ sị, ‘Ị pụhụ d'e we enwẹn i ye ndị-isi agha eze Babilọnụ, y'a hụn isi; adụnkọ wẹ obodoni ọkụn; yụ lẹ ikpụlọ ị a rị ndụn.

Jerimaya 38:18

Kanị, omẹni y'e weni enwẹn i ye ndị-isi agha eze Babilọnụ, obodoni jẹnkọ d'a ban ndị Babilọnụ ẹka, a kpọ w'a ọkụn ru alị; kẹ yụ lẹ enwẹn i awanahịnkọdẹ wẹ.’ ”

Jerimaya 38:23

“Wẹ k'e duru inyẹnmẹ i ile lẹ ụmụ ị ile jẹnni ndị Babilọnụ, ịyụ lẹ enwẹn i awanahịnkọ wẹ! Eze ndị Babilọnụ k'a nwụndọn i; wẹ k'a kpọ obodoni ọkụn.”

Jerimaya 38:3

A nụgụọzị wẹ kẹ Jerimaya rị e ku nị Osolobuẹ sị, ‘Wẹ k'e burịrị obodoni che ndị-agha eze Babilọnụ ẹka, e mẹri w'ẹ weri.’ ”

Jerimaya 39:16

“Jẹn d'a gwa Ẹbẹdi-Mẹlẹkị onyẹ Ẹtiopịa nị mmẹ wụ Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘M'e d'e mẹ obodoni ihiẹn m sị nị m k'e mẹ ẹ. Eje-ihiẹn kẹ m k'e mẹ ẹ — ẹlẹ ihiẹn rị mma. O ru ogẹn hụ, idẹnya ị k'o jẹnkọ d'a nọ mẹ.

Jerimaya 39:8

Ya ndị Babilọnụ nọ dụn Jerusalẹm ọkụn — kẹ obi-eze kẹ ụlọ ndị Jerusalẹm, kụtu mgbọn Jerusalẹm.

Jerimaya 44:11

“Osolobuẹ ihiẹn ile rị okpuru ẹ, hụn wụ Chuku Izrẹlụ, sị nwan: A kwademẹgụọ m nị m jẹnkọ d'e mẹshi ụnụ ikẹn, tikpọzịkwọ ndị Juda ile.

Jerimaya 44:27

M k'a nị eje-ihiẹn mẹ wẹ, ẹlẹ ihiẹn rị mma; onyẹ ọwụlẹ imẹ ndị Juda bi Ijiptu jẹnkọ d'a gha ọpịa-agha mọbụ ẹgụn la — d'e runi wẹ ile a nwụnchanrịn.

Jerimaya 52:13

Ọ dụn ụlọ-nsọ Osolobuẹ lẹ obi-eze lẹ ụlọ ile rị Jerusalẹm ọkụn — dụnkwama ụlọ ile rị mkpa ọkụn.

Izikẹlụ 15:7

“M k'e bunụmanị wẹ; ọsụọn'a nị a wanahịngụọ wẹ ọkụn, ọkụn jẹnkọ d'e bu wẹ ri — ogẹn hụ, ụnụ a marịn nị mmẹ wụ Osolobuẹ.

Izikẹlụ 24:11

Dọ nwan okpokoro ite hụ ye elu ikeke-ọkụn ahụn n'ọ nụ ọkụn, chan, unyin rịn'a a rịnranpụ, nchara ọ gba a pụ.

Lẹvitikọsụ 17:10

“Onyẹ Izrẹlụ ọwụlẹ mọbụ abịamabịa bi imẹ igunrun wẹ ri ẹdeke ọwụlẹ, m k'e bu ẹnya zinmẹ ẹ, bepụ a imẹ ndị nke ẹ.

Lẹvitikọsụ 26:17

M k'e bu ẹnya zinmẹ ụnụ hụn ndị iṅẹnrẹn ụnụ e gi mẹri ụnụ; ndị rị e we iwe ụnụ k'a kị ụnụ; ụnụ k'a a gbadẹ ọsọ bụ onwọnni onyẹ chụkọnị ụnụ.

Emọsụ 2:5

M jẹnkọ d'e zi ọkụn ye Juda. Ọkụn ahụn jẹnkọ d'e ripụ ụlọ-agha ile zegbu enwẹn ẹ rị Jerusalẹm.”

Emọsụ 9:4

Ọsụọn'a nị ndị iṅẹnrẹn e mẹri wẹ kpụnshi wẹ alị ọzọ, m k'a sị ọpịa-agha gbu wẹ ebẹhụ; m k'e bu ẹnya zinmẹ wẹ, elekọ m ẹnya hụn m'e gi mẹyeni wẹ, kanị hụn m'e gi mẹshi wẹ ikẹn.”

Zẹkaraya 1:6

Kanị, ihiẹn ile m zi idibo m ndị-amụma d'a gwa ndị nẹdi ụnụ nị m k'e mẹ wẹ e mẹghọ wẹ, ẹlẹ ya? Ya kẹ ndị nẹdi ụnụ nọ nwan rohutọ, sị, ‘Ihiẹn ahụn Osolobuẹ wụ Chuku ẹnyi sị o k'e mẹ ẹnyi makẹ eje-omumẹ ẹnyi lẹ eje-ihiẹn ẹnyi mẹ k'o mẹ nwan ẹnyi.’ ”