Jerimaya 20:5 - Ika

⁵ M k'e bu ihiẹn ile ndị obodoni wụ Jerusalẹm nwọn ye ndị-iṅẹnrẹn wẹ — m k'e bu ihiẹn ile wẹ rụnpụha imẹ obodoni lẹ ihiẹn ile rị mkpa wẹ butọ lẹ ihiẹn ile ndị-nze Juda butọ ye ndị-iṅẹnrẹn wẹ, a kwarị wẹ wẹ lashi Babilọnụ, ọ wụrụ ihiẹn wẹ nwọnhẹn imẹ agha.

Jerimaya 20:5 Iomraidhean Croise

Ihiẹn Mẹni Nke Ẹbụọ 36:10

Mbidọn ahụa e ru, eze Babilọnụ wụ Nebukadineza nọ zi wẹ d'e wẹhẹ ẹ Babilọnụ — ịya lẹ ihiẹn ndị rị mkpa rị imẹ Ụlọ-nsọ Osolobuẹ; Nebukadineza nọ kin Zẹdikaya nwẹnẹ-nẹdi Jehoyakini eze Juda lẹ Jerusalẹm.

Azaya 39:6

‘Ogẹn lala hụn wẹ jẹnkọ d'e gi burukwama ihiẹn ile rị obi-eze i lẹ ihiẹn ile ndị nẹdi i wẹ dọnmẹ d'e ru tannị, buru wẹ shi alị Babilọnụ; onwọnni ihiẹn ọwụlẹ k'a họdụnị. Ya kẹ Osolobuẹ ku!

Jerimaya 12:12

Kẹ elu ugu lẹ òke rị imẹ atụ, ndị lala d'e tikpọ alịnị k'e jun wẹ, makẹni uwẹ wụ ọpịa Osolobuẹ hụn k'e gburi ndị alịnị gha isini d'e ru isini; onwọnni onyẹ k'a hụn isi wanahịn.

Jerimaya 15:13

M k'e we akụ-lẹ-ụba ị ile lẹ ihiẹn ile i butọ ye ndị-iṅẹnrẹn i kwarị ọfẹ — yeni njọ ile ụnụ rị e mẹ imẹ alị ụnụ ile.

Jerimaya 17:3

Ufiri ẹ, kẹ ugu m rị alịnị kẹ ihiẹn ile ụnụ nwọn lẹ ihiẹn ụnụ dọnmẹ, m k'e wechanrịn wẹ ye ndị-ọzọ kwarị, wẹ lẹ ukpo-mmọn ụnụ ndị ahụn yeni njọ ile ụnụ mẹ imẹ alịnị.

Jerimaya 3:24

Gha alị lala, ihiẹn ifẹnrẹn ndịnị ẹnyi e fe e richanrịngụọ ihiẹn ile ndị nẹdi ẹnyi wẹ rụn — kẹ atụnrụn kẹ efin, kẹ mmụ ikẹnnyẹ lẹ ikpoho.

Jerimaya 32:24

“Lee kẹ ndị Babilọnụ tụnsọnmẹ mkpọnyin ye mgbọn obodoni, nọ ebẹhụ a lụsọn ẹ agha kẹni wẹ weri ẹ. Y'e gigụọ ọpịa-agha lẹ ụnwụn lẹ eje-emu mẹ obodoni ban ẹka ndị Babilọnụnị rị a lụsọn ẹ agha. Ihiẹn nwẹn i ku e mẹgụọ kẹ ị dọn nwan rị a hụn a.

Jerimaya 39:2

d'e ru ahụa nke mmanaị eze wụ Zẹdikaya kịma. Nke akpọhịn itenẹi imẹ ifọn nke ẹnọ, wẹ nọ s'ẹka tikpọ mgbọn Jerusalẹm, banhan.

Jerimaya 39:8

Ya ndị Babilọnụ nọ dụn Jerusalẹm ọkụn — kẹ obi-eze kẹ ụlọ ndị Jerusalẹm, kụtu mgbọn Jerusalẹm.

Jerimaya 4:20

Ntikpọ hụ a bịa, ọbịbịa-ọbịbịa; alịnị ile e mẹ mkpọkọ-mkpọkọ. Imẹ njube-ẹnya ohu e tikpọchanrịn wẹ ụlọ m ile, imẹ njube-ẹnya ohu e tikpọ wẹ ebe m'e butọ isi.

Ẹkwan 1:10

Eṅẹnrẹn e bu ẹka che ihiẹn ile rị mkpa o dọnmẹ; ọ hụnghọdẹ kẹ ndị a rụa mmọn banye ụlọ-nsọ a — ndị hụn ị sị nị abanyekọ wẹ igunrun ndị nke i.

Ẹkwan 1:7

Hụnnị Jerusalẹm rị a hụnjun ẹnya, a wahunmẹ, ọ hụ a nyanhan ihiẹn ile rị mkpa hụn o nwọn ogẹn mbụ. Ogẹn ndị nke ẹ gi danban ẹka eṅẹnrẹn, onwọnni onyẹ yen'ẹ ẹka. Ndị-iṅẹnrẹn ẹ e legụ a, wẹ nọ mụ a ẹmụ otikpọ wẹ tikpọ a.

Ẹkwan 4:12

Ndị nze-ụwa ekwerini kaka, onwọnzikwọnị ndị alị ọwụlẹ ron'ẹ nị ndị-iṅẹnrẹn lẹ ndị iwe k'a saẹka mẹri Jerusalẹm banhan ọnụ-mgbọn ndị rị Jerusalẹm.

Izikẹlụ 22:25

“Ndị-amụma rịn'a a kịgbamagụọ, e mẹ kẹ ẹwọrọ rị e dẹnni, a dọrinrin anụ o gbu; wẹ hụ e gbu ịhịan; wẹ hụ e buru ihiẹn rị mma lẹ ihiẹn rị mkpa; wẹ hụ e gbunarịn ikpoho bu ọda rịn'a di wẹ.

Daniẹlụ 1:2

Osolobuẹ nọ bu Jehoyakim eze Juda che ẹ ẹka, nịzị a kịrị arịa ndị ọ kịrị imẹ Ụlọ-nsọ Chuku, ọ nọ buru ihiẹn ndịnị shi ụnọ-mmọn a rị Babilọnụ, bu wẹ che ebe w'e dọnmẹ ihiẹn rị mkpa imẹ ụlọ-mmọn a.

Hosia 13:15

Ọsụọn'a n'ọ masịgụọnị Izrẹlụ karị umunẹ ẹ, ufere ẹbamịn ọwụwa ẹnyanwụn lala alala, ufere Osolobuẹ k'e zihẹ, o k'a gha alị-ọkpọnkụn fehẹ, isi-mirin ẹ ile a tahị, mirin ẹ ile a la; o k'a zarị ihiẹn ile o butọ, ihiẹn ile rị mkpa.