Jerimaya 20:2 - Ika

² Ọ nọ nwụnrụn Jerimaya, sị wẹ fịan a mkpịnsịn, kpọ a ụkụ lẹ ẹka ye aba, Ọnụ-mgbọn ụlọ-nsọ Osolobuẹ, Ọnụ-mgbọn Bẹnjamini hụn rị mkpọnyin.

Jerimaya 20:2 Iomraidhean Croise

Ndị-nze Nke Ibuzọ 13:4

Ogẹn eze wụ Jerobụam gi nụ ihiẹn onyẹ-ozi Osolobuẹ ku nị ịya k'e mẹ ukpo nchụn-ẹjan mmọn hụ rị Bẹtẹlụ, ọ nọ nọ ukpo nchụn-ẹjan hụ tịnpụ ẹka zinmẹ onyẹ-ozi Osolobuẹ, sị, “Nwụndọn n'ẹ!” Kanị, ẹka ahụn ọ tịnpụ zinmẹ ẹ nọ shinwụn, shiri, ọ sazịnị ẹka wetu ẹ,

Ndị-nze Nke Ibuzọ 22:27

Sị nị wẹ, ‘Lee ihiẹn eze ku: ọ sị, “Bu ni onyẹni che ụlọ-ngan; eyelẹ n'ẹ ihiẹn-oriri ọzọ karị brẹdi lẹ mirin d'e runi a lụaha m udọn-lẹ-ndọnkwa.” ’ ”

Ihiẹn Mẹni Nke Ẹbụọ 16:10

Asa nọ gi olulu sọn onyẹ hụ a hụn ọhụn makẹ ihiẹnni o ku, bud'ẹ che ụlọ-ngan. O nwọnzighọ ndị Juda Asa gi ẹka-ikẹn mẹ ihiẹn ogẹn ahụn.

Ihiẹn Mẹni Nke Ẹbụọ 18:23

Ịya kẹ Zẹdikaya nwa Kenaana nọ pụha, ma Maịkaya ọra, sị a, “Elebe kẹ m rị, mmọn Osolobuẹ gi a hatu m d'a gwa ị oku?”

Ihiẹn Mẹni Nke Ẹbụọ 24:21

Ya wẹ nọ zun'ẹ eje umẹ, mẹ kẹ eze dọn ku, gi ọmụma magbu ẹ tọ ezi-ọgwa Ụnọ-nsọ Osolobuẹ.

Jobu 13:27

Y'a kpọma m ụkụ ẹbụbụọ, e gi ahịma i yi m ọb'ụkụ e sọn m, e ke m nke ebe-lẹ-ebe m jẹnlẹ.

Jobu 33:11

Ọ kpọma m ẹgan ụkụ ẹbụbụọ, e ke m nke ebe ile m jẹnkọ.’

Jerimaya 1:19

Wẹ k'a lụsọn i ọgụn, kanị asakọ wẹ ẹka mẹri i, makẹni m k'a nọyen'i, zụọpụha ị.” Ya kẹ Osolobuẹ ku.

Jerimaya 26:10

Ogẹn ịhaịmẹ alị Juda gi nụ ihiẹn rị e mẹni, wẹ nọ gha ebe wẹ rị imẹ obi-eze shi ụlọ-nsọ ebẹhụ. Wẹ nọ zu Ọnụ-mgbọn Ọhụn hụn rị Ụlọ-nsọ Osolobuẹ.

Jerimaya 26:8

Hụn Jerimaya gihụ kugụ ihiẹn ile Osolobuẹ sị a gwa ịhịan ile rị ebahụn, ndị nchụn-ẹjan lẹ ndị-amụma lẹ ndị ọzọ ile rị ebẹhụ nọ kwọndọn ẹ, sị a, “I k'a nwụnrịrị!

Jerimaya 29:26

‘Zẹfanaya, ịyụ wụ onyẹ nchụn-ẹjan hụn Osolobuẹ tumẹ onyẹ nlepụ-ẹnya ụlọ Osolobuẹ, gi i nọkin ẹnya onyẹ nchụn-ẹjan wụ Jehoyada; o furu nwan n'i gi aba lẹ igwe wẹ gi a kpọma ịhịan kpọma onyẹ-ẹra ọwụlẹ kpọ enwẹn ẹ onyẹ-amụma.

Jerimaya 36:26

Eze nọzịdẹ zi Jẹramiẹlụ hụn wụzị onyẹ ebọn eze lẹ Sẹraya nwa Az'riẹlụ lẹ Shẹlẹmia nwa Ab'dẹlụ d'a nwụnhan Baruku hụn wụ akanwe Jerimaya lẹ Jerimaya lẹ enwẹn ẹ. Kanị Osolobuẹ nọ zuemẹ wẹ.

Jerimaya 37:13

Kanị, ogẹn o gi chọ n'ọ gha Ọnụ-mgbọn Bẹnjamini pụ, onyẹ-isi ndị-nche Jerusalẹm nọ kwọndọn ẹ. Ẹfan okẹnnyẹ hụ wụ Irija nwa Shẹlẹmia nwa Hanania. Ọ sị Jerimaya, “Ọsọ k'ị gbakọ; ị gbaburukọ ndị Babilọnụ!”

Jerimaya 37:21

Ya kẹ eze wụ Zẹdikaya nọ sị wẹ bu Jerimaya che ezi-ọgwa ndị-nche, sị wẹ a gha ọdụ ndị brẹdi e wẹhẹn'ẹ ogbe brẹdi ohu ụhụọhịn-ụhụọhịn, d'e ru mgbe brẹdi gụchanrịn imẹ Jerusalẹm. Ezi-ọgwa ndị-nche hụ kẹ Jerimaya nọdịsọnmẹ.

Zẹkaraya 14:10

Alịnị ile k'e hutọ, wụrụ alị aradan: ghakwọrị Gẹba d'e ru Rimọnụ hụn rị ebe Jerusalẹm ru ẹbamịn ndịdan-mirin. Kanị, Jerusalẹm nkẹ k'a rị elu, ebe ọ rị ushin: O k'a gha Ọnụ-mgbọn Bẹnjamini pụ ọnụ-mgbọn Ibuzọ, pụzị ọnụ-mgbọn rị Ntugi, pụzị Ụlọ-nche Hananẹlụ, pụzị ebe w'a nọ a pịnpụhanị eze manya-vaịnị.

Matiu 21:35

Ndị hụ ugbo hụ rị ẹka nọ kwọndọn idibo ẹ, gbu onyẹ ohu ili, gbu onyẹ ohu ozun, ma onyẹ ohu ọmụma.

Ọrụn Ndị-ozi 4:3

Wẹ nọ nwụnrụn Pita lẹ Jọnụ butọgụ ụlọ-ngan d'e ru mgbe eki fọn, makẹni eki e gigụọ.

Ọrụn Ndị-ozi 5:18

wẹ nọ nwụnrụn ndị-ozi ahụn pụ-ichẹn tụye imẹ ngan ịhịan ile.

Ọrụn Ndị-ozi 5:40

A kpọbanhan wẹ ndị-ozi ahụn pụ-ichẹn, fịan wẹ mkpịnsịn, gba wẹ mkpịnsịn-ẹka ẹnya, sị wẹ ekuzilẹ ihiẹn wẹ rị e gi ẹfan Jesu e ku; ya wẹ nọ hatu wẹ.

Ọrụn Ndị-ozi 7:52

Elee onyẹ-amụma kẹ ndị nẹdi ụnụ kpokpolẹni? Uwẹ gbu ndị hụn ku oku ọbịbịa Kraịstị Onyẹ Ezi-omumẹ, ụnụ nwẹn wụ nwan ndị ren'ẹ lẹ ndị gbun'ẹ!

Rẹvẹleshọnụ 17:6

M nọ hụn a nị ẹdeke okpoho hụ ra, ẹdeke ndị-nsọ lẹ ndị wẹ gbu makẹ oku Jizọsị, rị a tụ a kẹ manya. Okpoho hụ m hụn a tụka m ẹnya!

Rẹvẹleshọnụ 2:10

Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.